Herodotu

(Redirixío dende Heródoto)

Heródotu (circa 484 de edCHalicarnasu – circa 425 de edCThurii) foi un historiador griegu, pá de la historiografía

Herodotu
Vida
Nacimientu Halicarnasu[1]circa 484 de edC
Nacionalidá Halicarnasu
Residencia Halicarnasu
Samos (es) Traducir
Thurii
Muerte Thurii425 de edC (58/59 años)
Estudios
Llingües falaes griegu antiguu[2]
Oficiu historiador, políticu, escritorxeógrafu
Trabayos destacaos Historias (es) Traducir
Cambiar los datos en Wikidata

Orixinariu d'Halicarnasu, anguaño Bodrum, Turquía. Tres de la so participación nuna revuelta escontra'l tiranu Ligdamis tuvo que marchar al exiliu na islla de Samos, y dedicóse a viaxar, viaxes que-y llevaron a Exiptu, llegando a la primer catarata del Nilu, a Babilonia, a Siria, a Libia, a Italia y a Sicilia. Vivió n'Atenes, au recoyió les tradiciones orales de les principales families, especialmente de los Alcmaeonidae.

Heródotu escribió la historia de la invasión persa de Grecia, conocida como Les histories d'Herodotu, considerada la primer obra de historia. Hasta entós, rexistrábense los acontecemientos históricos en cróniques y épiques, pero Herodotu foi'l primeru en tratar el pasáu como un problema filosóficu, que permitía conocer el comportamientu humanu. Y foi'l primeru en recoyer testimoños presentes nos fechos que describía, y en preocupase pola oxetividá, con abondes referencies etnográfiques. Magar que la so obra nun foi apreciada na antigüedá, (Aristóteles califícala de mitóloga), a partir del Renacimientu entamó a ser valorada.

Les hestories publicose ente'l 430 e.C. y el 424 e.C., divídense en nueve llibros, que reciben el nome de les muses. Los seis primeros traten del xorrecimientu del Imperiu Persa y de la so influyencia en Grecia. Los trés últimos describen los intentos del rei Xerxes por vengar la batalla de Maratón y absorber Grecia en dientro'l Imperiu Persa. Herodotu describe na so obra los confines de la tierra, nese contestu entiéndese la primer referencia a les islles Casitérides nel llibru terceru, anque namás pa afirmar que nun sabe d'elles nin res.

Referencies editar

  1. Afirmao en: Wikipedia. Llingua de la obra o nome: distintes llingües. Autor: comunidad de Wikipedia.
  2. Identificador CONOR.SI: 18699875. Afirmao en: CONOR.SI.

Enllaces esternos editar