Herbie Faye
Herbie Faye (2 de febreru de 1899, Nueva York – 28 de xunu de 1980, Las Vegas) foi un actor d'Estaos Xuníos conocíu pola so intervención nes series televisives de la CBS The Phil Silvers Show (1955–1959) y The New Phil Silvers Show (1963–1964).[3]
Herbie Faye | |
|---|---|
| Vida | |
| Nacimientu | Nueva York, 2 de febreru de 1899[1] |
| Nacionalidá |
 Estaos Xuníos |
| Llingua materna | inglés |
| Muerte | Las Vegas, 28 de xunu de 1980[2] (81 años) |
| Estudios | |
| Llingües falaes | inglés |
| Oficiu | actor, actor de televisión, actor de cine |
| IMDb | nm0269667 |
 | |
Papeles en comedies editar
Nacíu en Nueva York, a los 55 años d'edá Faye foi escoyíu pa faer el papel de Sam Fender en venticuatro episodios de la primera de les series de Phil Silvers, llamada nun principiu You'll Never Get Rich, y darréu Sergeant Bilko. Tres la finalización del programa, Faye encarnó cuatros años dempués a Waluska na segunda serie de Silvers. Nel show trabayó xunto a Stafford Repp, Buddy Lester, Elena Verdugu, Ronnie Dapo, y Sandy Descher.[4]
En 1961 Faye foi un cocineru na comedia Snow White and the Three Stooges. L'añu siguiente actuó nel capítulu "Jose's Portege" de la sitcom de la CBS The Danny Thomas Show. En 1961 y 1962 actuó en trés causes na producción de NBC The Joey Bishop Show. Otres actuaciones fueron les siguientes: Como Axente Luke nel episodiu de 1963 "Now I Lay Me Down to Steal", perteneciente a la serie de la CBS The Many Loves of Dobie Gillis, protagonizada por Dwayne Hickman; seis actuaciones con papeles distintos nel programa de CBS The Dick Van Dyke Show; trabayu como artista convidáu en The Jack Benny Program (CBS), Bewitched (ABC) y My Favorite Martian (CBS).[4]
Mediada la década de 1960 trabayó ente otros programes y filmes, nos siguientes: The Andy Griffith Show (CBS); Gomer Pyle, U.S.M.C., una comedia militar protagonizada por Jim Nabors na qu'actuó en cuatro causes; Mayberry, R.F.D. show interpretáu por Ken Berry; The Ghost and Mr. Chicken (1966), filme de Don Knotts; Blackbeard's Ghost (1968), comedia de Walt Disney Pictures; Angel in My Pocket (1969), película interpretada por Andy Griffith; Petticoat Junction, comedia rural de la CBSpara la que fizo cuatro papeles distintes ente 1966 y 1969, ente ellos el de Doodles nel episodiu "It's Not Easy to Be a Mother".[4]
Yá nos años setenta, siguió participando en diverses producciones de calter humorísticu. D'ente elles destaquen les que siguen: Here's Lucy, serie de Lucille Ball pa la CBS, na qu'actuó cuatro veces ente 1970 y 1972; Love, American Style (ABC); The Mary Tyler Moore Show (CBS); The Bob Newhart Show (CBS); The New Dick Van Dyke Show (CBS), producción pa la cual actuó cuatro veces ente 1971 y 1974, una d'elles como'l Tíu Manny; Díes Felices (ABC), show protagonizáu por Tom Bosley, Marion Ross, Henry Winkler, y Ron Howard, y nel qu'actuó como "Pop" nel episodiu de 1974 "Knock Around the Block"; The Odd Couple (ABC), sitcom de Tony Randall y Jack Klugman na que trabayó cinco veces ente 1971 y 1975; Chico and the Man (NBC), serie de Jack Albertson y Freddie Prinze na qu'intervieno en 1975 col papel de Bernie nel capítulu "Louie's Retirement"; Barney Miller (ABC), producción na que, esi mesmu añu, foi Nathan Levine na entrega "The Social Worker".[4]
Drama editar
Ente los sos títulos dramáticos, televisivos y cinematográficos, destaquen: Más dura va ser la cayida (1956), filme sobre boxéu con Humphrey Bogart; Requiem for a Heavyweight (1962), otru filme de boxéu, con Jack Palance; Los Intocables, serie de l'ABC na qu'interpretó en 1962 a "Lefty" nel episodiu "Fall Guy";[4] The Fortune Cookie (1966), película empobinada por Billy Wilder; Ellery Queen, serie de Jim Hutton y David Wayne pa la NBC na que foi Moe Fletcher nuna entrega de 1975 de títulu "The Adventure of the Comic Book Crusader"; Quincy M.E., programa de la NBC protagonizáu por Jack Klugman, actuando nun capítulu de 1979, "House of Non Return".[4]
Fallecimientu editar
La so última actuación enantes de finar tuvo llugar nel filme de 1980 Melvin and Howard, protagonizáu por Jason Robards.[5] Herbie Faye finó en 1980 en Las Vegas, Nevada. Tenía 81 años d'edá.
Referencies editar
- ↑ Afirmao en: autoridaes BNF. Identificador BnF: 14176631q. Apaez como: Herbie Faye. Autor: Biblioteca Nacional de Francia. Llingua de la obra o nome: francés.
- ↑ Afirmao en: Internet Broadway Database. Identificador de persona d'Internet Broadway Database: 107007. Apaez como: Herbie Faye. Data de consulta: 9 ochobre 2017. Llingua de la obra o nome: inglés.
- ↑ Alex McNeil, Total Television, New York: Penquin Books, 1996, 4th ed., páxs. 598, 658
- ↑ 4,0 4,1 4,2 4,3 4,4 4,5 «Herbie Faye». Internet Movie Database. Consultáu'l 24 de xineru de 2009.
- ↑ «Melvin and Howard (filme)». Internet Movie Data Base (24 de xineru de 2009).
Enllaces esternos editar
Datos: Q3133885
