Abrir el menú principal

David Wayne (30 de xineru de 1914 - 9 de febreru de 1995) foi un actor estauxunidense que la so carrera interpretativa tomó un periodu de más de cincuenta años.

David Wayne
David Wayne in Adams Rib trailer.jpg
Vida
Nome completu Wayne James McMeekan
Nacimientu Traverse City Traducir30  de xineru de 1914
Nacionalidá Bandera de Estaos Xuníos d'América Estaos Xuníos
Residencia Bloomingdale Traducir
Traverse City Traducir
Fallecimientu

Santa Mónica9  de febreru de 1995

(81 años)
Causa de la muerte Cáncer de pulmón
Estudios
Estudios Western Michigan University Traducir
Oficiu
Oficiu actor de teatru, actor de cine, actor de televisión y actor
Premios
Nominaciones
IMDb nm0915536
Cambiar los datos en Wikidata

BiografíaEditar

El so verdaderu nome yera Wayne James McMeekan, nació en Traverse City (Michigan), y crióse en Bloomingdale, llocalidá del mesmu estáu. El primer papel importante de Wayne en Broadway foi'l de Og en Finian's Rainbow, actuación pola cual ganó'l Theatre World Award y el Premiu Tony al meyor actor nun musical. Al empar qu'actuaben nesta obra, él y el so compañeru de repartu, Albert Sharpe, interpretaben a personaxes irlandeses nel filme Portrait of Jennie.

Wayne ganó un segundu Tony, como meyor actor nuna obra de teatru, pola so actuación en La casa de té de la lluna d'agostu, y foi nomáu a otru como meyor actor nun musical pol so papel en The Happy Time. Otres obres teatrales nes que participó fueron Mister Roberts, Say, Darling, After the Fall, y Incident at Vichy.

Pal cine Wayne trabayó principalmente como actor de calter, con papeles como'l del simpáticu sinvergüenza de La costiella d'Adán (1949), película interpretada por Spencer Tracy y Katharine Hepburn. Na película M (1951) interpretaba a un asesín, papel lleváu a cabu na versión orixinal por Peter Lorre, y una de les poques oportunidaes nes que foi l'actor principal. Tamién destaca la so participación en The Tender Trap (El solterón y l'amor) (1955), con Frank Sinatra, Debbie Reynolds, y Celeste Holm.

Amás, Wayne foi l'actor que coincidió nun mayor númberu de rodaxes con Marilyn Monroe. En concretu, actuó nos siguientes filmes de l'actriz: As Young as You Feel (1951), We're Not Married (Nun tamos casaos) (1952), O. Henry's Full House (Cuatro páxines de la vida) (1952) (anque nun compartíen escena) y How to Marry a Millionaire (Cómo casase con un millonariu) (1953).

En 1961 Wayne foi Darius Woodley en dos episodios de la serie de la NBC The Outlaws, con Barton MacLane. Wayne tamién destacó na so interpretación del Dr. Charles Dutton na película de 1971 basada nuna novela de Michael Crichton L'amenaza de Andrómeda. En televisión foi'l malváu El Sombrereru Llocu na serie de los años sesenta Batman. Tamién nesti mediu, intervieno en 1964 nel episodiu final, tituláu "Pay Now, Die Later," de la serie de la CBS Mr. Broadway, protagonizada por Craig Stevens.

Otres de les producciones pa les cualos trabayó Wayne en televisión fueron: The Brian Keith Show, sitcom de la NBC na qu'actuó como'l Tíu Timothy Jamison; Ellery Queen, serie protagonizada por Jim Hutton na qu'interpretaba al padre de Queen; Dallas (CBS), serie na qu'encarnó ente 1978 y 1979 a Digger Barnes; House Calls, show con Lynn Redgrave y, más palantre, Sharon Gless, nel que tomó'l papel de Dr. Weatherby; The Golden Girls, show pal cual actuó como "Big Daddy" en finando en 1986 Murray Hamilton, el primer actor n'interpretar al personaxe.

Amás del so trabayu televisivo y cinematográfico, nos años sesenta Wayne foi presentador del programa radiofónicu de la NBC Monitor.

David Wayne finó en Santa Mónica (California) en 1995, por causa de un cáncer de pulmón. Tenía 81 años d'edá. Los sos restos fueron encenraos, y les cenices apurríes a los sos allegaos.

ReferenciesEditar

Enllaces esternosEditar