Herri Batasuna

Herri Batasuna
Herri Batasuna
Acrónimu	HB
Fundación	27 d'abril de 1978
Disolución	23 de mayu de 2001
Asocedíu por	Batasuna
Sede	Bilbao
Estáu	España
Ideoloxía política	nacionalismu vascu, independentismu y socialismu
Posición nel espectru	estrema izquierda

Herri Batasuna (HB) ("Unidá Popular", n'euskera) foi una coalición política vasca, que se definía como d'izquierda "abertzale" ("amante de la patria" o "partidariu de la patria", n'euskera) y buscaba la independencia y el socialismu pa Euskal Herria. Esapaeció al refundase como Batasuna, partíu al que pasaron la mayoría de los sos miembros.

Historia

N'agostu de 1977 constituyóse la Mesa d'Alsasua, a iniciativa del veteranu nacionalista Telesforo de Monzón, cola fin d'organizar a dellos grupos alredor a l'alternativa KAS. Como consecuencia d'estos conceyos, Herri Batasuna foi fundada en 1978 n'Alsasua (Navarra) como coalición de:

Aición Nacionalista Vasca (ANV).
Euskal Sozialista Biltzarrea (ESB)
Herriko Alderdi Sozialista Iraultzailea (HASI, n'euskera "Partíu Socialista Revolucionariu Popular").
Langile Abertzaleen Iraultzarako Alderdia (LAIA, n'euskera "Partíu Revolucionariu de los Trabayadores Patriotes").

Dientro del mesmu movimientu asitiabense Xestores Pro Amnistía, el sindicatu LAB, les mocedaes Jarrai y otros grupos.

Nes primeres eleiciones xenerales de marzu de 1979, la coalición algamó 170.000 votos, y un 13% de los emitíos nel País Vascu.

El 20 de payares de 1984 Santiago Brouard (el líder de HASI cuando se fundó la coalición) foi asesináu por dos miembros de los GAL (Grupos Antiterroristes de Lliberación) na so clínica de Bilbao.

En 1997, el xuez Baltasar Garzón de l'Audiencia Nacional española ordenó la detención los 23 miembros de la Mesa Nacional por collaboración con banda armada, tres l'intentu de difusión por parte de la coalición d'un videu fecho por Euskadi Ta Askatasuna como cuña eleutoral na propaganda eleutoral televisiva de baldre. Así, se formó una nueva Mesa Nacional, cambiando tolos sos miembros. La sentencia sería anulada posteriormente pol Tribunal Constitucional.

Esta situación, xunida al posterior cierre por orde xudicial del diariu Egin (de la mesma tendencia ideolóxica) colocó a Herri Batasuna al borde de la illegalización. Mientres la tregua d'ETA en 1998, Herri Batasuna decide non participar nes eleiciones autonómiques vasques, apaeciendo como sustituta la plataforma eleutoral Euskal Herritarrok, que recoyía tanto a los miembros de la coalición como a otros grupos menores. Algún tiempu dempués, Herri Batasuna refundase en Batasuna, partíu que foi illegalizáu como consecuencia de la nueva llei de partíos aprobada nel últimu mandatu de José María Aznar como Presidente del Reinu d'España.

Herri Batasuna

Historia

Ver tamién

Referencies