Idioma damana

El damana ye la llingua materna de la etnia colombiana wiwa, perteneciente a la familia llingüística chibcha y ye faláu por más de 6.600 persones.

Damana Wiwa
Faláu en	Colombia
Rexón	Departamentu del Cesar, Departamentu del Madalena, La Guajira
Falantes	± 6.600
Familia	Chibcha   Magadalénico     Cundi-arhuaco       Arhuaco         Damana
Estatus oficial
Oficial en	los resguardos indíxenes de los wiwas, en  Colombia dende 1991, xunto col idioma español.
Reguláu por	Nun ta reguláu
Códigos
ISO 639-1	-
ISO 639-2
ISO 639-3	mbp
Estensión del damana

Tamién se conoz con dellos nomes alternos: Arosario, Arsario, Guamaca, Guamaka, Maracasero, Marocasero, Sancá, Sanja, y malayu (debíu al patronímicu Malu, preponderante na rexón del Cesar, ensin rellación cola llingua malaya.

Según Jon Landaburu, direutor del Programa de Proteición a la Diversidá Etnollingüística (PPDE), Citáu pol Ministeriu de Cultura de Colombia:

“Dase un fuerte debilitamientu nos procesos de tresmisión del damana de xeneración a xeneración pos d'un 87,5 per cientu del bon usu de la llingua per parte de los xefes de llar, pasa a un 49,6 de bon usu ente los fíos y a un 19 per cientu ente los nietos. Ye un fechu esmolecedor de cara al futuru de la llingua”.

Según la organización Ehtnologue, nel añu 2001, la llingua damana yera falada por 1,920 persones. Sicasí, según el citáu Ministeriu de Cultura, en febreru de 2010, el pueblu wiwa tenía una población de 13.627 persones, de les que, "un pocu más de la metá de la población wiwa fala bien la llingua damana".

Fonoloxía de la llingua damana

Vocales

La llingua damana presenta siete fonemes vocálicos:

	Anteriores	Centrales	Posteriores	Nasales
Zarrada	i		u	ũ
Medies	e	ə	o
Abiertes		a

Consonantes

Esta llingua rexistra 19 fonemes consonánticos:

		llabiales	dento- alveolares	palatales/ palatalizaes	velares	glotales
oclusives	sordes	p	t	c	k
	sonores		d	ɟ	ɡ
fricatives	sordes		s	ɕ
	sonores		z	ʑ
nasales		m	n
vibrantes	simple		ɾ
	múltiple		r
continuantes		w				h

Gramática

Sustantivu

Verbu

Complementu

Escritura y lliteratura

La llingua wiwa o damana enséñase n'apartaes escueles de los caseríos del Cesar y Madalena, con base na cartiya "Ranzhe dʉmʉna wiwa" (La mio Cartiya sanka), dalgunos col sofitu d'antropólogos o llingüistes o entidaes oficiales.

Ente los investigadores del la llingua wiwa destáquense los llingüistes Orlando Ricaurte y Cindy S. Williams y los antropólogos Silvia Botero, Cristina Echeverría y Alejo Santamaría. A Ricaurte débese l'intentu d'espublizar un noticieru nesa llingua, que la so primer nota apaeció en "L'Observador del Cesar" (xunetu de 1985):

Shika Wiwa. Nabi saja yina dʉmʉnamba ukuemyi ishainukuakua

'L'observador wiwa. Los indíxenes tenemos el derechu de comunicanos con nuesa mesma llingua).'

Referencies

Bibliografía

• Bolinder, Gustaf (1925). Die Indianer der Tropischen Schneegebirge.. Verlegt von Streecker und Schröder in Stuttgart.. ISBN 2221131319278.

Publicaciones académiques

• Frank, Paul S. 1993. "Proto-Arhuacan phonology."
• Hoppe, Dorothy. 1973. "Malayu."
• Hoppe, Robert H. 1981. The Malayu: Protectors of the universe, a study in myth, ritual and symbolism.
• Hoppe, Robert H. and Dorothy Hoppe. 1974. "Testu malayu: La culiebra."
• Ricaurte Pachón, Orlando (1958) (1983). Los Wiwa na sierra Nevada de Santa Marta.. Mimeo. Universidá Distrital Bogotá.. ISBN.
• Schauer, Stanley and others. 1973. Aspeutos de la cultura material de grupos Étnicos de Colombia 1.
• Williams, Cindy S. 1993. A grammar sketch of Dʉmʉna.
• Williams, Larry P. 1995. Noun classification or spatia categorization:Damana orientation verbs.

Publicaciones llocales

• 1978. Sizi.
• 1979. Dʉmʉna gawa cwaga.
• 1983. Ranzhe Dʉmʉna.
• 1987. Institutu Llingüísticu de Branu Cartiya primer en Malayu.
• 1988. Zhinzhoma tuakuzhi.

Enllaces esternos

• Mapa llingüísticu del norte de Colombia

• Datos: Q3012604