Idioma telugu

(Redirixío dende Idioma télugu)

L'idioma telugu (తెలుగు , en llingua teluga) ye una llingua dravídica, falada nos estaos indios d'Andhra Pradesh y Telangana y nel territoriu de la xunión de Puducherry polos telugos. Ye, xunta col hindí, l'inglés ya'l bengalín, ún de los pocos idiomes, dientro de los 22 que son oficiales na India, que tien estatus de llingua oficial primaria en más d'un estáu indiu. Tien, amás, abondos falantes nos estaos vecinos (principalmente Odisha, Karnataka, Tamil Nadu, Kerala y Maharashtra), y ye ún de los seis idiomes designaos, pol gobiernu indiu, como llingua clásica de la India.

Telugu Thalli Bomma (estatua de la Ma Telugu), personificación del idioma telugu n'Andhra Pradesh.

El telugu ye'l cuartu de los idiomes con mayor númberu de falantes nativos, un 6,93% del total del país nel censu de 2011, y ye'l 15u idioma del mundu con más falantes. Ye, tamién, l'idioma que más rápidu aumenta'l númberu de falantes nos Estaos Xuníos, y hai tamién falantes activos en Baḥréin, Fiji, Malasia, Mauriciu, Singapur y Reinu Xuníu. El númberu total de falantes ye aprosimadamente de 70 millones.

Consérvense 10.000 inscripciones en llingua teluga anteriores a la llegada de los colonizadores europeos.

Enllaces esternosEditar