Isabel Pérez-Espinosa

Isabel Pérez-Espinosa
Vida
Nacimientu	Xixón, 5 de xineru de 1967 (57 años)
Nacionalidá	España
Estudios
Estudios	Colexu de la Inmaculada ; Universidá d'Uviéu ; (1985 - 1990) derechu
Llingües falaes	castellanu
Oficiu	política
Creencies
Partíu políticu	Partido Popular

María Isabel Pérez-Espinosa González-Llobón (5 de xineru de 1967, Xixón) ye una abogada y política asturiana.

Ye, na actualidá,^[¿cuándo?] direutora xeneral de la Sociedá Estatal Agües de les Cuenques del Norte (AcuaNorte).

Estudió nel Colexu la Corolla Llicéu la educación obligatoria y nel colexu de la Inmaculada el bachilleratu, antes d'ingresar na Universidá d'Uviéu, onde se llicenció en derechu en 1990. En 1992 ingresó nel Pernomáu Colexu d'Abogaos de Xixón.

En 1985 empecipió la so carrera política, al ingresar como afiliada en Nueves Xeneraciones d'Alianza Popular convirtiéndose darréu en presidenta de Nueves Xeneraciones de Xixón. En 1991 salió escoyida per primer vegada diputada de la Xunta Xeneral del Principáu d'Asturies, exerciendo de vicepresidenta ente 1991 y 1995,y, más tarde, de secretaria de la Mesa. Divorcióse dos veces, primero del periodista Íñigo Álvarez Suárez, con quien se casó en 1994 y con quien tuvo'l so únicu fíu, Gabino, y darréu del so segundu home, Agustín Iglesias Caunedo.^[1]

En 1999 empezó la so trayeutoria como conceyal nel Conceyu d'Uviéu,^[2] onde ostentó'l cargu de segundu teniente d'alcalde, secretaria de la Xunta de Gobiernu Llocal, presidenta del Conseyu Escolar Municipal, presidenta del Conseyu Local d'Empléu y miembru del Conseyu Escolar del Principáu d'Asturies.

El 24 de setiembre de 2010 fues proclamada pol Partíu Popular d'Asturies como candidata a la presidencia del Principáu d'Asturies siendo sofitada por 36 de les 78 xuntes locales y pola direición rexonal del partíu. Esta decisión intentó poner fin a los intentos del ex ministru asturianu Francisco Álvarez-Cascos de presentase pa esi cargu, primero, y de presentar una candidatura paralela, dempués.^[3] Nos meses siguientes surdieron voces discrepantes dientro del senu del propiu partíu tantu n'Asturies como a nivel nacional. Sicasí, el 30 d'avientu de 2010 el Comité Eleutoral Nacional del Partíu Popular presidíu por Miguel Arias Cañete ratificó la decisión del partíu rexonal y proclamar candidata al Principáu. Finalmente, el 22 de mayu de 2011, la llista qu'encabezó llogró 10 escaños nes eleiciones a la Xunta Xeneral del Principáu d'Asturies (baxando la metá al respective de 2007 y siendo la peor resultancia de la hestoria del PP n'Asturies), polo que salió escoyida nuevamente diputada de la Xunta Xeneral del Principáu d'Asturies, onde foi la vocera del Partíu Popular. Sicasí, tres l'adelantu eleutoral y la convocatoria d'eleiciones al añu siguiente, Pérez-Espinosa nun repitió como candidata a la presidencia, siendo sustituyida por Mercedes Fernández "Cherines".^[4] Foi nomada direutora xeneral de la Sociedá Estatal Agües de les Cuenques del Norte (AcuaNorte).^[5]

Referencies

↑ "nun voi esconder al mio fíu como ZP". El Mundo 08-01-2011
↑ David Orihuela (25 de setiembre de 2010). «Una vehemente uvieína de Xixón». La Nueva España. Editorial Prensa Ibérica. Consultáu'l 6 de febreru de 2011.
↑ Javier Cuartes (28 de payares de 2010). «Cascos postúlase como candidatu a la presidencia d'Asturies». El País. Consultáu'l 6 de febreru de 2011.
↑ EFE (2 de febreru de 2012). Mercedes Fernández va ser la candidata del PP nes eleiciones asturianes. RTVE.es. https://www.rtve.es/noticias/20120202/mercedes-fernandez-sera-candidata-del-pp-elecciones-asturianas/494977.shtml. Consultáu'l 19 de febreru de 2012.
↑ El Comercio (24 de marzu de 2012). Isabel Pérez-Espinosa, nueva direutora xeneral de AcuaNorte. https://www.elcomercio.es/v/20120324/politica/isabel-perez-espinosa-nueva-20120324.html. Consultáu'l 26 de marzu de 2012.

Enllaces esternos

Predecesor:
Ovidio Sánchez Díaz

Vocera del Grupu Popular na
Xunta Xeneral del Principáu d'Asturies
2011-2012

Socesor:
Mercedes Fernández González

[1] "nun voi esconder al mio fíu como ZP". El Mundo 08-01-2011

[2] David Orihuela (25 de setiembre de 2010). «Una vehemente uvieína de Xixón». La Nueva España. Editorial Prensa Ibérica. Consultáu'l 6 de febreru de 2011.

[3] Javier Cuartes (28 de payares de 2010). «Cascos postúlase como candidatu a la presidencia d'Asturies». El País. Consultáu'l 6 de febreru de 2011.

[4] EFE (2 de febreru de 2012). Mercedes Fernández va ser la candidata del PP nes eleiciones asturianes. RTVE.es. https://www.rtve.es/noticias/20120202/mercedes-fernandez-sera-candidata-del-pp-elecciones-asturianas/494977.shtml. Consultáu'l 19 de febreru de 2012.

[5] El Comercio (24 de marzu de 2012). Isabel Pérez-Espinosa, nueva direutora xeneral de AcuaNorte. https://www.elcomercio.es/v/20120324/politica/isabel-perez-espinosa-nueva-20120324.html. Consultáu'l 26 de marzu de 2012.

[1]

[2]

[3]

[4]

[5]