Mercedes Fernández González
María Mercedes Fernández González (4 d'agostu de 1960, Xixón), conocida como Cherines, ye una abogada, profesora universitaria y política asturiana.[1] Ye tutora de Derechu Procesal del centru asociáu de la UNED n'Asturies.
.jpg)
.svg){kind=small}
Biografía
editarCasada, ensin fíos, estudió nel Colexu del Santo Ángel de la Guarda y llicencióse en Derechu pola Universidá d'Uviéu y en Ciencies Polítiques y Socioloxía pola Universidá Nacional d'Educación a Distancia.[2]
Trayeutoria política
editarPresidió'l Partíu Popular de Xixón ente 1989 y 2000.
Conceyal
editarFoi conceyal en Xixón ente 1983 y 1993. Tornó en 1995, retomando la so función de vocera municipal.
Diputada
editarFoi diputada nes Cortes Xenerales nes llexislatures V y VI.
Otros cargos
editarFoi Delegada del Gobiernu español n'Asturies ente 2000 y 2004, y síndica de cuentes del Principáu d'Asturies.
Candidatura a la Presidencia d'Asturies
editarFoi cabeza de llista del Partíu Popular por Asturies nes eleiciones xenerales d'España de 2011 siendo la llista más votada, ocupando asina'l cargu de diputada nel Congresu. En 2012, Mercedes foi escoyida candidata a la presidencia del Principáu d'Asturies pol Partíu Popular d'Asturies nes eleiciones del 25 de marzu de 2012, que fueron adelantaes por cuenta de la disolución de la Xunta Xeneral del Principáu d'Asturies anunciada por Francisco Álvarez-Cascos ocho meses dempués de salir el so partíu, Foro Asturies, ganador de les anteriores eleiciones autonómiques.[3] El PP caltuvo los 10 escaños que llograra nes eleiciones de 2011. Mercedes también foi la candidata pa les Eleiciones a la Xunta Xeneral del Principáu d'Asturies de 2015 , onde caltuvo'l resultáu anterior.
En xineru de 2019 ye sustituyida por María Teresa Mallada pa ocupar la candidatura popular nes Eleiciones a la Xunta Xeneral del Principáu d'Asturies de 2019[4]. El 23 de setiembre de 2019 dexa'l cargu de presidenta del Partíu Popular d'Asturies[5].
Referencies
editar- ↑ discursia.com
- ↑ La Nueva España 16-10-2011
- ↑ [1]
- ↑ Teresa Mallada será la candidata'l PP pa les Eleiciones Autonómiques de 2019. https://www.lne.es/asturias/2019/01/08/teresa-mallada-sera-candidata-pp/2407506.html
- ↑ Mercedes Fernández dexa'l cargu de presidenta'l PP d'Asturies. https://www.lavozdeasturias.es/noticia/asturias/2019/09/23/mercedes-fernandez-dimite-presidenta-pp-asturias/00031569238168275616425.htm
Enllaces esternos
editar
| Predecesor: Fernando Fernández Noval |
.svg){kind=small} Delegada del Gobiernu n'Asturies 2000-2004 |
Socesor: Antonio Trevín |
| Predecesor: Ovidio Sánchez |
_Logo.svg){kind=logo} Presidenta del PP d'Asturies 2012-actualidá |
Socesor: Nel cargu |
| Predecesor: Isabel Pérez-Espinosa |
Vocera del Grupu Popular na Xunta Xeneral del Principáu d'Asturies 2012-actualidá |
Socesor: Nel cargu |
Datos: Q6010839
Multimedia: Mercedes Fernández
