Islla Sverdrup
La islla Sverdrup o Svordrup (rusu: Остров Свердрупа) ye una islla aisllada na rexón meridional del mar de Kara. Esta islla ta cubierta con vexetación de tundra. Alcuéntrase a 120 km al norte de la islla Dikson na mariña de Siberia. La tierra más cercana son les islles del Institutu Árticu, alredor de 90 km al nordeste.
| Islla Sverdrup | |
|---|---|
 | |
| Situación | |
 | |
| País |  Rusia |
| Krais | Krai de Krasnoyarsk (es)  |
| Tipu | islla |
| Asitiáu en | Mar de Kara |
| Coordenaes | 74°35′N 79°27′E / 74.58°N 79.45°E |
  Islla Sverdrup Islla Sverdrup (Rusia) | |
| Datos | |
| Superficie | 70 km² |
| Población | 0 |
| Noamáu por | Otto Sverdrup |
| Llonxitú | 15 km |
 | |
Esta islla tien una amplia badea que s'abre al oeste.
El so llargor ye de 15 km y el so máximu anchor de 10 km. El mar qu'arrodia la islla Sverdrup ta cubierta por bancos de xelu con delles polinias nel llargu iviernu y hai munchos témpanos de xelu incluso nel branu.
Esta islla rusa nun tien de confundise coles islles Sverdrup, un archipiélagu nes islles de la Reina Isabel septentrionales, en Nunavut, Canadá. Dambes, sicasí, recibieron el so nome del mesmu esplorador polar, el capitán Otto Sverdrup.
Alministración editar
La islla Sverdrup pertenez a la división alministrativa del krai de Krasnoyarsk de la Federación Rusa. Tamién forma parte de la Gran Reserva Natural del Árticu, la mayor reserva natural de Rusia y una de les más grandes del mundu, ta cubierta de vexetación de tundra. Hai dellos mamíferos, como el lemming y el foín árticu (Vulpes lagopus); ente les aves merecen mención el Calidris alpina y delles especies de Charadriiformes.[1][2] La superficie total de la Gran Reserva Natural del Árticu ye de 4.169.222 ha, de les cualos 980.934 ha son superficie acuática. Por cuenta de la so estructura arrexuntada, cubre un territoriu terrestre de 1.000 km de llargor d'oeste a este y 500 km de llargor de norte a sur.
Referencies editar
- ↑ Reserva Natural
- ↑ Breeding conditions for waders in Russian tundras in 1993 P.S. Tomkovich, Condiciones de reproducción de les aves limícoles na tundra rusa en 1993 (n'inglés)
Enllaces esternos editar
Wikimedia Commons acueye conteníu multimedia sobre Islla Sverdrup 
.- Mapcarta, llocalización de la islla Sverdrup, nel Mar de Kara, Rusia
Datos: Q1579629- Multimedia: Sverdrup Island (Kara Sea)
