Wikipedia

James Barton

James Barton (1 de payares de 1890, Gloucester City (es) Traducir – 19 de febreru de 1962, Mineola (es) Traducir) foi un actor, actor de teatru, actor de televisión, actor de cine y baillarín d'Estaos Xuníos.

James Barton
Vida
Nacimientu Gloucester City (es) Traducir, 1 de payares de 1890[1]
Nacionalidá Bandera de Estaos Xuníos d'América Estaos Xuníos
Llingua materna inglés
Muerte Mineola (es) Traducir, 19 de febreru de 1962[1] (71 años)
Sepultura St. John Cemetery (en) Traducir
Causa de la muerte infartu de miocardiu
Estudios
Llingües falaes inglés
Oficiu actor, actor de teatru, actor de televisión, actor de cine, baillarín
Xéneru artísticu western
IMDb nm0059165
Cambiar los datos en Wikidata

Biografía

editar

Nacíu en Gloucester City, Nueva Jersey, nel senu d'una familia dedicada al teatru, Barton empezó en 1898 a actuar n'espectáculos minstrel y burlesque representaos nel so condáu.[2] Los sos años d'esperiencia trabayando con artistes afroamericanos convirtiéronlu nún de los primeros baillarinos de jazz de los Estaos Xuníos.[3]

N'actuando con compañíes teatrales de repertoriu pel sur y mediu oeste del país, debutó nel circuitu de Broadway cola revista musical The Passing Show of 1919, nun papel qu'orixinalmente taba pensáu pa Ed Wynn.[2][3] Davezu, les sos actuaciones yeren les más destacaes d'unes producciones xeneralmente mediocres.[3] Otres de les producciones teatrales nes que Barton actuó foron Sweet and Low (1930), Tobacco Road (1933), Bright Lights of 1944 (con solu cuatro representaciones), The Iceman Cometh (1946), y Paint Your Wagon (1951).

Mientres actuaba en Broadway, Barton algamó'l visu de la so carrera como artista de vodevil, siendo cabeza de cartelu nel Palace Theater n'ocho causes ente marzu de 1928 y abril de 1932.[4]

La carrera cinematográfica de Barton foi concurrente coles sos actuaciones teatrales, empecipiándose en 1923, na dómina del cine mudu, y actuando en distintos curtios de Paramount Pictures en 1929.

Como actor televisivu, participó nos programes y series The Ford Television Theatre, Lux Video Theatre, Westinghouse Studio One, The Kaiser Aluminum Hour, Playhouse 90, Kraft Television Theatre, The Rifleman, The Americans, Adventures in Paradise, Naked City, y Frontier Circus.

Como muestra de la calidá de Barton, foi consideráu por Bing Crosby un de los sos diez artistes favoritos, al pie de nomes de la talla d'Al Jolson, Frank Sinatra, Lena Horne, Louis Armstrong, Judy Garland, y Nat King Cole.[5]

James Barton finó por causa de un infartu agudu de miocardiu nel Hospital Nassau de Mineola, Nueva York, en 1962.[6]Foi soterráu nel Campusantu Saint John, nel Condáu de Queens, Nueva York.

Seleición de les sos filmografía

editar

Referencies

editar
  1. ↑ 1,0 1,1 Afirmao en: SNAC. Identificador SNAC Ark: w6sr1cbz. Apaez como: James Barton (vaudevillian). Data de consulta: 9 ochobre 2017. Llingua de la obra o nome: inglés.
  2. ↑ 2,0 2,1 James Barton en StreetSwing.com
  3. ↑ 3,0 3,1 3,2 «James Barton en DanceUniverse.com». Archiváu dende l'orixinal, el 2008-12-31.
  4. ↑ Encyclopedia of Vaudeville, Anthony Slide
  5. ↑ David Wallechinsky, Irving Wallace, Amy Wallace, The Book of Lists, 1977
  6. ↑ James Barton, 71, Stage Actor, Dies. Veteran Player in 'Tobacco Road'. In Films and TV Famed for Drunken Routine Scored With Dancing. 20 de febreru de 1962. http://query.nytimes.com/gst/abstract.html?res=9507Y3DD1331EF3BBC4851DFB4668389679EDE. Consultáu'l 5 d'avientu de 2014. «James Edward Barton, actor best known for his earthy role as Jeeter Lester in the longrunning play, "Tobacco Road," died this morning in Nassau Hospital here after a heart attack. His age was 71.». 

Enllaces esternos

editar
Sacáu de «https://ast.wikipedia.org/w/index.php?title=James_Barton&oldid=4255064»