Jerry Seinfeld
Jerome Allen Seinfeld (29 d'abril de 1954, Brooklyn), más conocíu como Jerry Seinfeld, ye un comediante de stand up, actor y guionista d'Estaos Xuníos d'América. Recordáu pola so participación na comedia de situación Seinfeld, que foi emitida dende 1989 hasta 1998.
Jerry Seinfeld | |
|---|---|
 | |
| Vida | |
| Nacimientu | Brooklyn, 29 d'abril de 1954[1] (70 años) |
| Nacionalidá |
 Estaos Xuníos |
| Familia | |
| Casáu con | Jessica Seinfeld (1998 – ) |
| Pareyes | Shoshanna Lonstein Gruss |
| Estudios | |
| Estudios |
Colegio de Queens (es)  Universidad Estatal de Nueva York en Oswego (es) Massapequa High School (en) |
| Llingües falaes | inglés[2] |
| Oficiu | comediante en direuto, actor, actor de televisión, humorista, productor de cine, actor de voz, escritor, guionista, productor de televisión, direutor de cine, comediante, productor de teatru |
| Trabayos destacaos |
Seinfeld Bee Movie (es) Comedians in Cars Getting Coffee (es) |
| Premios | |
| Creencies | |
| Relixón | xudaísmu |
| Partíu políticu | políticu independiente [3] |
| IMDb | nm0000632 |
| jerryseinfeld.com | |
 | |
 | |
Biografía
editarLa popularidá de Seinfeld mora nun tipu d'humor basáu na observación de fechos cotidianos. Nacíu en Brooklyn, criáu en Massapequa, el so interés pola comedia empezó cuando tenía ocho años y mirando la televisión sentíase esteláu al pensar qu'a daquién -y pagaren por faer rir a los demás. A Seinfeld siempres-y gustó más l'actuación frente a una audiencia en direuto que na televisión diciendo: “Supi que diba ser un comediante a una bien temprana edá, alcordanza qu'una vegada fixi rir a un amigu tan fuerte que me refundió un taragañu de galletines y lleche enriba. Y encantóme. Ési foi'l principiu”. Seinfeld empezó nos clubes nocherniegos a partir del momentu en que se graduó de la Universidá de Queens. En principiu dedicóse a faer presentaciones gratuites, namái pa perfeccionar la so actuación.
Naquellos momentos pa sobrevivir recurrió a una variedá de trabayos estraños como vender illegalmente bombilles de lluz per teléfonu y vender xoyes falses na cai. Con too y con eso nunca perdió'l so suañu: "Tola mio vida tuvi tratando de rime... toi encegoláu con esi movimientu. Cuando tas riendo, dexasti'l to cuerpu, dexasti'l planeta... ye una esperiencia increíble". El so trabayu rindió frutos cuando se convirtió nun invitáu regular del programa Late Night with David Letterman y The Tonight Show. El so primera especial foi Jerry Seinfeld's Stand-up Confidential, tresmitíu en HBO mientres 1987 – 1988. Na primavera de 1991 Jerry foi'l conductor de Spy TV: How To Be Famous pa NBC y Aspen Comedy Festival pa Showtime.
En 1989 diéron-y la oportunidá de tener la so propia comedia nuna canal. Col so compañeru Larry David (que foi usáu como modelu pal neuróticu George Costanza) presentaron la idea d'un programa alrodiu de nada dedicando cada media hora del programa a sucesos triviales. El programa foi aceptáu y de primeres llamábase Seinfeld Chronicles, pero dempués pasóse a llamar a cencielles Seinfeld.
La trama de Seinfeld na televisión mereció-y dos American Awards en 1992 y 1993 por Meyor Actor nuna Comedia. Foi tamién en 1992 cuando American Express lo nomó como voceru nacional por cuenta del so agudu sentíu del humor.
Referencies
editar- ↑ Afirmao en: Internet Broadway Database. Identificador de persona d'Internet Broadway Database: 6730. Apaez como: Jerry Seinfeld. Data de consulta: 9 ochobre 2017. Llingua de la obra o nome: inglés.
- ↑ Identificador CONOR.SI: 97194339. Afirmao en: CONOR.SI.
- ↑ Direición web d'archivu: https://web.archive.org/web/20131010151510/http://www.newsmeat.com/celebrity_political_donations/Jerry_Seinfeld.php.
Enllaces esternos
editar
Wikimedia Commons acueye conteníu multimedia sobre Jerry Seinfeld.- Páxina web oficial (n'inglés)
- Jerry Seinfeld na Internet Movie Database (n'inglés)
- Jerry Seinfeld na Internet Broadway Database (n'inglés)
- Jerry Seinfeld n'AllMovie (n'inglés)
- Jerry Seinfeld en Facebook
- Jerry Seinfeld n'Instagram
- Jerry Seinfeld en Twitter (cuenta verificada)
Datos: Q215506- Multimedia: Jerry Seinfeld
