Jesús Castro

Jesús Antonio Castro González (23 de xineru de 1951, Uviéu – 26 de xunetu de 1993, Val de San Vicente), conocíu deportivamente como Castro, foi un futbolista que xugó como porteru nel Real Sporting de Xixón, y yera hermanu del tamién xugador Quini. Falleció nuna sablera cántabra cuando trataba de salvar a dos neños que se taben afogando.

Jesús Castro
Vida
Nacimientu	Uviéu, 23 de xineru de 1951
Nacionalidá	España
Muerte	Val de San Vicente, 26 de xunetu de 1993 (42 años)
Causa de la muerte	afogamientu
Familia
Hermanos/es	Quini
Estudios
Llingües falaes	castellanu
Oficiu
Oficiu	futbolista
Trayeutoria   Equipu 1968–1985 Real Sporting de Xixón 417 (0)   Seleición nacional 1971–1971   seleición masculina de fútbol sub-23 d'España 4 (0) 1969–1974   seleición masculina de fútbol d'España 16 (0)
Posición o especialidá	porteru

Carrera deportiva

Castro entamó la so trayeutoria como xuvenil nel Bosco-Ensidesa, pa pasar en 1967 al Sporting, onde debutaría en Primer División el 13 de setiembre de 1970 nel Estadiu de Balaídos escontra'l Celta de Vigo, que ganó por 2:0. Disputó col Sporting 13 temporaes na máxima categoría, disputando 316 partidos y siendo titular en todes menos en dos. Xugó tamién dos finales de Copa del Rei, en 1981 y 1982, que'l so equipu perdió, 1:3 ante'l FC Barcelona y 1:2 ante'l Real Madrid, respeutivamente. La so última temporada foi la 1983-84, na que xugó sólo 4 partíos.

Fallecimientu

El 26 de xunetu de 1993 encontrábase na sablera de la llocalidá cántabra de Pechón cuando se tiró al agua pa rescatar a dos neños ingleses que se taben afogando, cosa que consiguió, pero perdió la vida afogáu.

Enllaces esternos

• Jesus Castro en www.lfp.es

• Datos: Q966469