Quini

futbolista asturianu
Wikipedia:Artículos revisaos

Enrique Castro González (23 de setiembre de 1949Uviéu - 27 de febreru de 2018Xixón) más conocíu como Quini, foi un futbolista asturianu que xugó nel Real Sporting de Xixón y nel FC Barcelona. Llogró'l Troféu Pichichi, como máximu goliador del campeonatu de Lliga, siete vegaes: cinco en Primera División, trés d'elles col Sporting —1973-74, 1975-76 y 1979-80— y dos col Barcelona —1980-81 y 1981-82—, amás d'otres dos veces en Segunda División col Sporting —1969-70 y 1976-77—.[1] Ocupa la octava posición na clasificación de goliadores históricos de la Primera División, con 219 tantos, y ye'l xugador del Sporting que más goles llogró na categoría, con 165.[2]

Quini
Quini.jpg
Vida
Nacimientu Uviéu23 de setiembre de 1949
Nacionalidá Flag of Asturias.svg Asturies
Fallecimientu

Xixón27 de febreru de 2018

(68 años)
Familia
Hermanos/es
Estudios
Llingües asturianu
castellán
Oficiu
Oficiu futbolista
Trayeutoria
Años Equipu Competiciones
1984-1987 Real Sporting de Xixón 62
1980-1984 Fútbol Club Barcelona 100
1971-1971 Selección de fútbol sub-23 de España 1
1969-1972 seleición masculina de fútbol d'España  Seleición masculina de fútbol d'España 9
1969-1972 Selección de fútbol amateur de España 9
1968-1968 Selección de fútbol sub-18 de España 2
1968-1980 Real Sporting de Xixón 381
1967-1968 C.D. Ensidesa 22
Posición o especialidá delanteru
Pesu 75 quilogramu
Altura 176 centímetru
Cambiar los datos en Wikidata

Índiz

BiografíaEditar

Enrique Castro González, Quini, nació en 1949 n'Uviéu aunque de bien neñu treslladóse a vivir a Avilés, onde entamó la so carrera como futbolista nel Club Deportivo Ensidesa. Más tarde ficharía pol Real Sporting de Xixón y años depués pol FC Barcelona.

Xugaba como delanteru centru, siempre col numberu 9 na camiseta, y destacaba pola so capacidá goliadora. Foi unu de los grandes goliadores de la historia del fútbol español, destacando’l so remate de cabeza qu’executaba con maestría, teniendo nel so poder el récord de ser el máximu goliador de la lliga (Pichichi) en siete ocasiones, cinco en primera división y dos en segunda. Llegó a xugar 448 partíos na categoría cimera del futbol español, nos que marcó 218 goles.

Nel Sporting formó parte d'un triplete atacante míticu na historia del Club: Megido, Quini y Churruca. A la que más tarde s'incorporaría otru de los grandes futbolistes del equipu xixonés: Ferrero.

El 1 de marzu de 1981, siendo delanteru centru del FC Barcelona, foi secuestráu hores depués d'un partíu de Lliga, nel que marcara tres goles nel Camp Nou al Hércules d'Alicante. El secuestru duró 25 díes y rompió'l ritmu deportivu d'un Barcelona que marchaba al frente destacáu de la Lliga y acabó perdiéndola al nun poder superar el trauma que supunxo pa los sos compañeros.

Foi lliberáu'l 25 de marzu de 1981 nuna espectacular operación de la Policía Nacional, que lu rescató d'un zulu allugáu nos baxos d'un almacén de Zaragoza. La mesma tarde de la so lliberación, la seleición española, de la que Quini yera habitual, xugaba un partíu escontra Inglaterra nel estadiu de Wembley, en Londres. El resultáu foi de 1-2 a favor del combináu español que yera la primera vegada que derrotaba a la seleición inglesa nel so propiu país.

Pocos díes depués de la so lliberación, Quini volvió a los entrenamientos y tuvo fuerces p'acabar la temporada siendo'l máximu goliador de la Lliga (Pichichi) y pa collaborar activamente en que'l Barcelona ganare la Copa del Rei d'esa temporada. Na final, marcó dos goles precisamente al so ex-equipu, el Sporting de Xixón, al que'l Barcelona derrotó por 3 a 1 nel Estadiu Vicente Calderón de Madrid.

Col FC Barcelona, nel que coincidió con xugadores de la categoría de Maradona, Bernd Schuster , Allan Simonsen, "Lobo" Carrasco, Marcos, Migueli o José Ramón Alexanko, algamó cuatro títulos más, ente los que destaca la Recopa d'Europa de la temporada 1981-1982.

Retiróse de la seleición tres el Mundial d'España '82 depués de xugar 35 partíos con ella y marcar 8 goles.

En 1984 abandonó'l Barcelona pa volver al Sporting de Xixón, onde xugó les tres últimes temporaes de la so carrera.

Los caberos años de la so vida pasólos llevando a cabu funciones de delegáu del Sporting. Yera hermanu del que fuera porteru del equipu xixonés nos años setenta y ochenta, Castro, que morrió afogáu al rescatar a dos neños en peligru na playa cántabra de Pechón.

Fuera de los terrenos de xueguEditar

 
Quini, apoyando la campaña Doi la cara pola oficialidá, en favor de la oficialidá del asturianu.

El 2 d'avientu de 2006 ingresó como patronu d'honor na Fundación Caveda y Nava, entidá ciudadana asturiana col envís de llograr un consensu social y políticu alredor de la llingua asturiana. Nel actu d'ingresu, celebráu nel Monesteriu de Santa María de Valdediós, allugáu nel conceyu de Villaviciosa, Quini apoyó la consecucicón d'esi oxetivu.[3] El 7 de febreru de 2008 tuvo de ser operáu d'una afeición cancerosa de la que llogró alicar satisfactoriamente.[4] Amás, nel mesmu añu, sumóse a la campaña Doi la cara pola oficialidá, en favor del reconocimientu del asturianu como llingua cooficial.[5]

MuerteEditar

Morrió'l 27 de febreru de 2018 d'un infartu agudu de miocardiu.[6]

ClubesEditar

TítulosEditar

PichichiEditar

  • Real Sporting - 1969/1970 - 24 goles - Segunda División
  • Real Sporting - 1973/1974 - 20 goles - Primera División
  • Real Sporting - 1975/1976 - 21 goles - Primera División
  • Real Sporting - 1976/1977 - 27 goles - Segunda División
  • Real Sporting - 1979/1980 - 24 goles - Primera División
  • FC Barcelona - 1980/1981 - 20 goles - Primera División
  • FC Barcelona - 1981/1982 - 26 goles - Primera División

Campeonatos NacionalesEditar

  • FC Barcelona - Copa del Rei - 1980/1981
  • FC Barcelona - Copa del Rei - 1982/1983
  • FC Barcelona - Copa de la Lliga - 1982/1983
  • FC Barcelona - Supercopa d'España - 1983/1984

Copes InternacionalesEditar

Participaciones en campeonatos de seleicionesEditar

ReferenciesEditar

  1. «El gran goleador» (24 de xunu de 2016). Consultáu'l 27 de febreru de 2018.
  2. «Quini: “Mi vida está en este club y yo quiero morirme aquí”» (21 d'agostu de 2015). Consultáu'l 27 de febreru de 2018.
  3. «Caveda y Nava elige como patrón de honor a Quini» (30 de payares de 2006). Consultáu'l 14 de setiembre de 2012.
  4. «Un tumor obliga a Quini a pasar por el quirófano» (5 de febreru de 2008). Consultáu'l 14 de setiembre de 2012.
  5. «Otros quince deportistas dan la cara por la llingua» (27 d'avientu de 2008). Consultáu'l 14 de setiembre de 2012.
  6. «Muere Enrique Castro 'Quini' tras sufrir un infarto a los 68 años» (27 de febreru de 2018). Consultáu'l 27 de febreru de 2018.

Enllaces esternosEditar