Jesús Neira Martínez
Jesús Neira Martínez (10 d'abril de 1916, El Vaḷḷe – 2 de febreru de 2011, Uviéu). Dialectólogu asturianu. Foi miembru eméritu del RIDEA.
Jesús Neira Martínez | |
|---|---|
| Vida | |
| Nacimientu | El Vaḷḷe, 10 d'abril de 1916[1] |
| Nacionalidá |
 España |
| Llingua materna | castellanu |
| Muerte | Uviéu, 2 de febreru de 2011[1] (94 años) |
| Estudios | |
| Estudios |
Universidá d'Uviéu Universidá de Madrid |
| Llingües falaes | castellanu |
| Oficiu | dialeutólogu |
| Miembru de | Real Academia Española |
 | |
Biografía
editarCursó los sos estudios de Maxisteriu, y más sero de Filoloxía Hispánica na Universidá d'Uviéu y doctoróse na Universidá de Madrid en 1951 con una tesis sobre l'asturianu faláu nel conceyu Ḷḷena. Depués d'exercer la enseñanza primario y medio obtuvo una plaza de profesor de llingua española na Escuela de Maxisteriu d'Uviéu. Más llueu, pasó a exercer la so docencia na Facultá de Filoloxía de la Universidá d'Uviéu, ú impartió hestoria del español, comentarios de testos y, n'especial, dialeutoloxía. Ingresó nel RIDEA como miembru de númberu en 1967. Tamién ye miembru correspondiente de la (Real Academia Española) dende l'añu 1983.
Jesús Neira dedicóse especialmente a la investigación dialeutolóxico, centrao básicamente nos diferentes dialeutos del asturianu. Ye autor d'El habla de Lena, El bable. Estructura e historia y Bables y castellano. Realizó tamién, xunto con María del Rosario Piñeiro Peleteiro, el Diccionario de los bables de Asturias. Arriendes d'estes obres, espublizó diversos artículos sobre los diferentes aspectos del asturianu nel cartafueyu Archivum, y nel BRAE (Boletín de la Real Academia Española). Participó en publicaciones coleutives como la Enciclopedia Temática de Asturias, La Gran Enciclopedia Asturiana, El mapa lingüístico de la España actual editáu pola Fundación Juan March y un númberu estraordinariu de la Revista de Occidente dedicáu al billingüismu. Tien tamién estudios dialeutolóxicos sobre otres llingües y dialeutos de la Península y Hispanoamérica.
Jesús Neira sostenía que'l ríu Navia constitúi la llende averada ente'l gallegu y l'asturianu.[2]
Amás de les sos investigaciones nel terrén llingüísticu, Jesús Neira vieno espublizando trabayos sobre lliteratura española, ente los que s'alcuentren dellos análisis de testos poéticos y el prólogu y la edición de les Obras Escogidas del dramaturgu y poeta ḷḷenizu Vital Aza.
Referencies
editar- ↑ 1,0 1,1 Afirmao en: Diccionario biográfico español. Identificador DBE: 46289/jesus-neira-martinez. Apaez como: Jesús Neira Martínez. Data de consulta: 9 ochobre 2017. Editorial: Real Academia de la Historia. Llingua de la obra o nome: castellanu. Data d'espublización: 2011.
- ↑ Lenguas y áreas lingüísticas peninsulares: El proceso dialéctico de su constitución" Archivum, Tomu 31-32, 1981‑1982, páxs. 603 y 604
Bibliografía
editar- "Neira", na Gran Enciclopedia Asturiana, vol X, Xixón, Silverio Cañada, 1970.
- "Neira", na Gran Enciclopedia Asturiana. Suplemento, vol 17, Silverio Cañada, 1970.
- AAVV, Miscelánea dedicada al profesor Jesús Neira, Archivum, vol. XXXVI, 1986
Enllaces esternos
editar- Reseña biográfica y bibliografía Archiváu 2007-12-01 en Wayback Machine
- Bibliografía sobre Jesús Neira. Contién enllces con dalgunos artículos
Datos: Q9011659
