John Whitmer
John Whitmer foi un líder de los primeros tiempos del Movimientu de los Santos de los Últimos Díes. Foi unu de los Ocho Testigos del Llibru de Mormón. Tamién foi'l primer historiador oficial de la ilesia y miembru de la presidencia de la ilesia en Missouri.
John Whitmer | |
|---|---|
 | |
| Vida | |
| Nacimientu | York, 27 d'agostu de 1802[1] |
| Muerte | 11 de xunetu de 1878[1] (75 años) |
| Familia | |
| Padre | Peter Whitmer, Sr. |
| Madre | Mary Whitmer |
| Oficiu | editor |
 | |
 | |
Fundación del Movimientu de los Santos de los Últimos Díes editar
Nació en York, Pennsylvania fíu de Peter Whitmer y Mary Musselman. Nos años 20 de 1800, la familia Whitmer camudóse a una granja en Fayette, na zona de los Llagos Finger en Nueva York. L'hermanu de John Whitmer, David y la so familia convirtiéronse nos primeros creyentes en José Smith - el fundador del Movimientu de los Santos de los Últimos Díes. Whitmer foi bautizáu por Oliver Cowdery en xunu de 1829, un añu enantes de la organización formal de la IJSUD. Nel mesmu mes, Whitmer convirtióse n'unu de los ocho homes que roblaron el testimoniu nel cual dicíase que tocara y vistu plánchesles d'Oru. Conocíu como'l Testimoniu d'Ocho Testigos, foi impresu na primer edición del Llibru de Mormón y incluyóse en toles ediciones posteriores.
La ilesia orixinal entamóse formalmente'l 6 d'abril de 1830 tradicionalmente na casa de Whitmer en Fayette. Whitmer foi unu de los primeros miembros y foi ordenáu élder de la ilesia'l 9 de xunu. Al añu viniente, el 8 de marzu de 1831 José Smith dixo que recibiera una revelación de Dios llamando a Whitmer a escribir “y guardar una hestoria regular” de la ilesia. Esta revelación foi impresa nel Llibru de los Mandamientos 50, y en Doctrina y Convenios (orixinalmente na seición 63 anque s'atopa na seición 47 de la edición actual).
Líder de la Ilesia en Missouri editar
Más tarde, en 1831, Whitmer xunióse al creciente númberu de SUD nel Condáu de Jackson, Missouri. La oposición local al asentamientu mormón nel condáu dio como resultáu la espulsión de la mayoría de los SUD el branu de 1833. Whitmer, xunto con munchos otros, abellugóse nel condáu vecín de Clay. Nuna conferencia de la ilesia del 3 de xunetu de 1834, l'hermanu de Whitmer (David) foi llamáu a ser presidente de la ilesia en Missouri. John Whitmer y William Wines Phelps fueron llamaos como conseyeros de David. Como David volvió a KLirtland, Whitmer y Phelps fueron presidentes mientres la so ausencia. Whitmer escribió delles peticiones al gobernador de Missouri, Daniel Dunklin, pidieron que se dexara tornar a los SUD a les sos tierres nel El Condáu de Jackson.
Trabayando con residentes non mormones nel El Condáu de Clay, incluyendo Alexander Doniphan, Whitmer y Phelps entamaron a adquirir tierres al nordeste de Clay onde crearon un nuevu condáu pa que s'asentaren los mormones. Xunto con Phelps, adquirió tierres pa la ilesia nel so nome les cuales convertiríense nel posterior Condáu de Caldwell y fundó la ciudá de Far West.
Excomunión de Whitmer editar
Unos problemes nos cuartesles en Kirtland rellacionaos cola Sociedá de Socorru de Kirtland, fixeron que Joseph Smith y Sidney Rigdon los recolocaran en Far West a principios de 1838. Producióse una curtia llucha pol lideralgu, que llevó a les excomuniones de John Whitmer y de la so familia entera según la de Oliver Cowdery, W. W. Phelps y otros. Toos ellos siguieron viviendo en Far West y conocióse-yos como los “disidentes”. Sydney Rigdon, nel so Salt Sermón, primió a los disidentes por qu'abandonaren el condado y les sos pallabres fueron siguíes por amenaces de la confraternidad mormona conocida como danitas.
La familia Whitmer movióse a Richmond nel vecín condado de Ray. Les sos quexes y les d'otros disidentes son citaes dacuando como una de les causes de la Guerra Mormona de 1838. Esti conflictu ente los mormones y los sos vecinos del noroeste de Missouri acabó cola expulsion de los SUD que se recolocaron finalmente en Nauvoo, Illinois.
Whitmer vuelve a Far West editar
Los padres de John Whitmer y el so hermanu siguieron viviendo en Richmond mientres el restu de les sos vides, pero John y la so propia familia volvieron a Far West. Ensin nengún SUD, Far West convirtióse nuna ciudá pantasma. Munches de les sos cases fueron transladadas a otros asentamientos y Far West perdió la condición de capital del condáu a favor de *Kingston. Whitmer siguió vivió en Far West, mercando tierra (incluyendo onde s'atopaba'l templu) y finalmente creó una gran granja. Dacuando dio visites empuestes pol asentamientu. Dempués del asesinatu de Joseph Smith en 1844, dellos líderes sofitaron les sos peticiones de ser el so correutu socesor. Ente ellos atopaba David, l'hermanu de Whitmer. En 1847, Whitmer foi de volao parte de la Ilesia de Cristu (Whitmerita).
Whitmer morrió'l 11 de xunetu de 1878 en Far West. Foi soterráu nel Campusantu de Kingston, que s'atopaba cerca de la ciudá homónima.
Los académicos honren a John Whitmer editar
Un cuerpu independente d'historiadores del Movimientu de los Santos de los Últimos Díes, l'Asociación Histórica John Whitmer, toma'l so nome de John Whitmer.
Manuscritu de Whitmer editar
Dempués de ser llamáu como Historiador de la Ilesia, Whitmer entamó a escribir una escoyeta titulada El Llibru de John Whitmer, Realizáu por Mandamientu. El so llibru empieza por un reporte de los eventos que conducieron a la recolocación de los cuarteles de la ilesia dende Nueva York hasta Kirtland, Ohio. Alderica munchos de los problemes esperimentaos polos SUD en Missouri y termina la obra col reporte de la so propia excomunión en marzu de 1838. Dempués, una continuación cunta'l maltratu que según él sufrieron él y otros “disidentes” a manes de Xosé Smith y Sydney Rigdon. El manuscritu de Whitmer alcuéntrase nos archivos de la Comunidá de Cristu, la segunda mayor denominación del Movimientu de los Santos de los Últimos Díes.
Referencies editar
Enllaces esternos editar
Wikimedia Commons tien conteníu multimedia tocante a John Whitmer.
Datos: Q5196041- Multimedia: John Whitmer
