Missouri ye ún de los 50 estaos de los Estaos Xuníos, aistiáu na rexón del Mediu Oeste. Tien una estensión de 180.533 km², que faen d'elli el 21ᵘ mayor del país, y una población de 6.137.428 habitantes, que lu convierten nel 18ᵘ más pobláu. Jefferson City ye la capital del estáu, y la ciudá más grande y poblada ye Kansas City. Missouri llenda al norte con Iowa, al este con Illinois y col ríu Mississippi, que lu separta de Kentucky y Tennessee, al sur con Arkansas, y nel oeste con Oklahoma, Kansas y Nebraska. La so fastera meridional son los Ozarks, un área boscosa dedicada a la esplotación minera y maderera y al turismu de naturaleza. El ríu Missouri, que-y da nome al estáu, percuérrelu pel centru del territoriu en direición al ríu Mississippi, que forma la llende estatal oriental. Alministrativamente ta dividíu en 114 condaos y una ciudá independiente, Saint Louis.

Missouri
Flag of Missouri.svg Coat of arms of Missouri.svg
Bandera de Misuri (es) Traducir
Alministración
PaísBandera de Estaos Xuníos d'América Estaos Xuníos d'América
ISO 3166-2 US-MO
Capital Jefferson City
Gobernador de Missouri Mike Parson (MO)
Llingües oficiales ensin valor
División
Xeografía
Coordenaes 38°30′N 92°30′O / 38.5°N 92.5°O / 38.5; -92.5Coordenaes: 38°30′N 92°30′O / 38.5°N 92.5°O / 38.5; -92.5
Missouri in United States.svg
Superficie 181533 km²
Llenda con Illinois, Arkansas, Tennessee, Kentucky, Oklahoma, Kansas, Nebraska y Iowa
Puntu más altu Taum Sauk Mountain (en) Traducir
Puntu más baxu Río Saint Francis (es) Traducir
Altitú media 240 m
Demografía
Población 6 083 672 hab. (2015)
Densidá 33,51 hab/km²
Más información
Estaya horaria UTC−06:00, Hora estándar del centro (es) Traducir y America/Chicago (en) Traducir
mo.gov
Cambiar los datos en Wikidata

Hai güelgues d'asentamientu humanu na zona polo menos fai 12.000 años. La cultura Mississippi construyó ciudaes y túmulos primero d'esaniciase nel sieglu XIV. Pa cuando los europeos aportaron, nel sieglu XVIII, vivíen na zona les naciones Osage y Missouria. Los franceses establecieron Louisiana, una parte de la colonia de Nueva Francia, cola fundación de Sainte Genevieve en 1735 y Saint Louis en 1764. Tres d'un cortu periodu de dominiu español, los Estaos Xuníos mercáron-y la Louisiana a Francia en 1803. Esto traxo al territoriu de Missouri a xentes del sur, incluyíos esclavos afroamericanos fugaos. De resultes del compromisu de Missouri, pa compensar la entrada de Maine na Xunión, esti territoriu, organizáu como estáu, incorporose como estáu esclavista en 1820. Bien ceo aportaron al territorio población proveniente de Virxinia, Kentucky y Tennessee, y lluéu gran númberu d'alemanes, que formaron el nomáu Rhineland de Missouri.

L'estáu xugó un papel fundamental na espansión de los Estaos Xuníos hacia l'oeste. El Pony Express nació equí, y d'aquí salíen les rutes que llevaben a Oregón, Santa Fe (Nuevu Méxicu) y California. Como estáu asitiáu na llende ente la Xunión y la Confederación, el papel del país na guerra civil americanu foi complexu. Tres de la guerra, el Gran Saint Louis y l'área metropolitana de Kansas City convirtiéronse en centros d'industrialización.

La cultura del estáu amiesta elementos del Mediu Oeste y del Sur. Equí nacieron dellos estilos musicales, como'l ragtime, el jazz de Kansas City y el blues de St. Louis, y platos de cocina tan conocíos como la barbacoa al estilu Kansas City y al estilu Saint Louis. L'estáu ye tamién ún de los principales centros de la industria cervecera: Anheuser-Busch, propietaria de la marca Budweiser, ye'l mayor productor del mundu. Produzse tamién vinu nes rexones de Rhineland y Ozarks, y delles corporaciones importantes (Monsanto, Emerson Electric, Wells Fargo Advisors y O'Reilly Auto Parts) tienen la so sé nel estáu, que cuenta con dos universidaes: la Universidá de Missouri y la Universidá Washington de Saint Louis.

ReferenciesEditar

Enllaces esternosEditar

  Los 50 estaos d'Estaos Xuníos d'América  

Alabama · Alaska · Arizona · Arkansas · California · Carolina del Norte · Carolina del Sur · Colorado · Connecticut · Dakota del Norte · Dakota del Sur · Delaware · Florida · Georgia · Ḥawai · Idaho · Illinois · Indiana · Iowa · Kansas · Kentucky · Louisiana · Maine · Maryland · Massachusetts · Michigan · Minnesota · Mississippi · Missouri · Montana · Nebraska · Nevada · New Hampshire · Nueva Jersey · Nueva York · Nuevu Méxicu · Ohio · Oklahoma · Oregón · Pennsylvania · Rhode Island · Tennessee · Texas · Utah · Vermont · Virxinia · Virxinia Occidental · Washington · Wisconsin · Wyoming