Jonathan Groff
Jonathan Drew Groff (26 de marzu de 1985, Lancaster) ye un cantautor d'Estaos Xuníos de pop y actor de teatru, televisión y cine. Ye conocíu pol papel protagonista de Melchior nel musical de Broadway Spring Awakening, y pola so interpretación de Jesse St. James na serie musical de televisión Glee.
Jonathan Groff | |
|---|---|
 | |
| Vida | |
| Nacimientu | Lancaster, 26 de marzu de 1985[1] (39 años) |
| Nacionalidá |
 Estaos Xuníos |
| Residencia |
Ronks (es)  Nueva York |
| Llingua materna |
inglés d'Estaos Xuníos inglés |
| Familia | |
| Familia |
ver
|
| Estudios | |
| Estudios |
Conestoga Valley High School (en) 2003) |
| Llingües falaes | inglés[2] |
| Oficiu | cantante, actor de voz, guionista, actor de teatru, actor de cine, actor de televisión, actor |
| Premios |
ver
|
| Nominaciones | |
| Mena de voz | tenor |
| Instrumentu musical | voz |
| IMDb | nm2676147 |
 | |
 | |
Vida personal
editarJonathan nació en Lancaster (Pennsylvania). Los sos padres son Jim, un entrenador de caballos, y Julie, una profesora de ximnasia. Tien un hermanu mayor, David. Alrodiu de la so crianza y educación, dixo: "El llau de la familia de la mio ma ye Metodista, que foi como me criaron. Foi conservador tener fuertes valores-sentame na mesa y comer cola familia tolos díes, escuchar a l'autoridá y dir a la ilesia cada selmana y tener una perfecta asistencia na escuela dominical-. Pero coles mesmes, los mios padres siempres animaben al mio hermanu y a mi a ser felices colo que faíamos. Los mios padres fueron atletes na secundaria; la mio ma y el mio pá yeren les estrelles del equipu de baloncestu, pero nunca nos emburriaron nin al mio hermanu nin a mi a ser daqué que nun quixéramos ser".[5]
Protagonizó los últimos nueve episodios de la primer temporada de Glee cola co-protagonista de Spring Awakening Lea Michele, quien tamién ye bien amiga so. Él presentó a Michele col creador de Glee, Ryan Murphy primero que'l show empezara. Groff díxo-y a Broadway.com mientres la marcha Nacional pola Igualdá en Washington, D.C., qu'él ye "gai y arguyosu de selo".[6]El 13 de setiembre de 2012 l'actor Zachary Quintu confirmó qu'él y Groff taben calteniendo una rellación. En xunetu de 2013 informóse que la pareya habíase separáu. Groff graduóse en Conestoga Valley High School en 2003.
Carrera
editarIntentara audicionar pa colexos cuando se camudó a la ciudá pero enantes de llogralo formó parte del repartu nel tour nacional de The Sound of Music. Empezó a interesase nel teatru musical al traviés de películes de Disney como Mary Poppins, la cuál vía seis veces al día cuando tenía tres años. Unu de los trabayos de branu de Jonathan foi ser la voz del pozu de los deseos en Dutch Wonderland, un parque d'atraiciones cerca de Lancaster (Pennsylvania). Jonathan actuó con Lea Michele nel Desfile del día d'Aición de Gracies de Macy's en Nueva York.[7]
Jonathan fíxose famosu por aniciar el rol de Melchoir Gabor na producción del Broadway theatre, Spring Awakening. Fixo'l papel del debú del musical de Broadway el 10 d'avientu de 2006[8] pal 18 de mayu de 2008. Tamién fixo'l mesmu papel na producción orixinal Off-Broadway enantes mientres el branu de 2006.[9] Otros de los sos creitos de Broadway inclúin el musical de 2005, In My Life. Jonathan tamién tuvo nel Tour Nacional de The Sound of the Music como Rolf, y apaeció en Fame nel Nort Shore Music Theater en Beverly, Massachusetts.
N'abril de 2007, foi nomáu al Drama Desk Award pol so rol en Spring Awakening. En mayu del mesmu añu, foi nomáu al Tony Award como Meyor Actor Principal nun musical pol so desempeñu en Curtains, col premiu diendo a David Hyde Pierce.[10]
Fixo'l rol del personaxe recurrente Henry Mackler nel serial televisivu de l'ABC, One Life to Live. La so hestoria sobre una escuela de filmación de la telenovela de llarga duración foi vetada pola Masacre de Virginia Tech n'abril de 2007, y nun participó más del show.[11] Henry foi asesináu ficticiamente na serie el 8 de mayu de 2997, dempués de tener un ataque al corazón inducíu mientres conducía un autu y darréu topetó. [ensin referencies]
Antes d'actuar nos escenarios de Broadway, Jonathan yera actor en The Ephrata Performing Arts Center en Ephrata, Pennsylvania. Ellí, él representó personaxes como Edgar en Bat Boy: El Musical y Ugly en Honk!. Dempués del ésitu de Spring Awakening, Jonathan visitó The Ephrata Performing Arts Center p'axuntase con dalgunos de los miembros del so antiguu repartu nun eventu especial llamáu An Evening with Jonathan Groff (Una Tarde con Jonathan Groff). Jonathan tamién actuó en numberoses producciones na Fulton Opera House en Lancaster, Pennsylvania onde atropó una cantidá considerable d'esperiencia actoral.
Dalgunos de los sos trabayos anteriores incluyeron ser un camareru de The Chelsea Grill en Hell's Kitchen,[12] un operador de viaxe en Dutch Wonderland,[13] y ser un abogáu nel campamentu de teatru en York, Pennsylvania onde enseñó a neños de 11 y 12 años a actuar.[14]
Jonathan dexó Spring Awakening el 18 de mayu de 2008. Parte de la so decisión de dise foi por cuenta del so papel protagonista de Claude na producción de Shakespeare in the Park, Hair, la cuál exercióse del 22 de xunetu al 31 d'agostu. La última interpretación de Jonathan cola producción foi'l 16 d'agostu, él decidió nun xunise al reestablecimientu de Broadway de Hair, que foi protagonizáu por munchos miembros del repartu del Public Theater de la so obra nel Delacorte Theater en Central Park.
Jonathan fixo apocayá'l papel del organizador de Woodstock Michael Lang na película del aclamáu direutor Ang Lee, Taking Woodstock. La filmación empezó tarde, n'agostu de 2008 y foi llanzáu'l 28 d'agostu de 2009.
Jonathan tuvo apocayá na producción Off-Broadway production de Prayer for My Enemy, una nueva obra de Craig Lucas, (Prelude to a Kiss, Light in the Piazza) sobre les consecuencies que la guerra d'Iraq tuvo sobre una familia estauxunidense. Les co-estrelles del espectáculu ganadores del premiu Tony Victoria Clark y Michelle Pawk. Actuar na seronda de 2008 nel aclamáu teatru Off-Broadway Playwrights Horizons.[15]
N'agostu de 2009, Jonathan interpretó'l papel de Dionysus en The Bacchae como parte de Shakespeare in the Park, el Public Theater.
Foi convidáu estelar en Glee como Jesse St. James, el líder masculín de Vocal Adrenaline (Adrenalina Vocal), rival del club Glee. Participó n'ocho de los últimos nueve episodios de la primer temporada. Tamién paez tener un amor comenenciudo col personaxe de Lea Michele, co-estrella de Spring Awakening, Rachel Berry.[16] Nuna controversial entrevista pa Newsweek, el críticu Ramin Satoodeh dixo que Jonathan nun yera convincente nel papel del heterosexual Jesse ("paez más como la reina permediu del teatru, una meyor concordanza romántica pa Kurt que pa Rachel").[17] L'actuación de Jonathan foi defendida pol creador de Glee Ryan Murphy y pola invitada estelar Kristin Chenoweth, quien describieron la crítica de Satoodeh como homofóbica; tamién foi condergada pol presidente de GLAAD Jarrett Barrios.[18]
N'agostu de 2010 fixo'l so debú West End como Simon Russell Beale en Deathtrap,[19] nel Noel Coward Theatre nuna producción empobinada por Matthew Warchus. Tamién tien dos películes que fueron llanzaes en 2010: The Conspirator de Robert Redford[20] y Twelve Thirty de Jeff Lipsky.[21] . En 2015 volvio a la serie Glee pa dar zarru a la serie actuando nos ultimos capitulos de la sesta y peracaba temporada Anguaño ye'l productor executivu de Happy Endings (Serie Tv)
Filmografía
editar| Películes y apaiciones en Televisión | |||
|---|---|---|---|
| Añu | Títulu | Personaxe | Notes |
| 2007 | One Life to Live | Henry Mackler | 11 episodios |
| 2008 | Pretty Handsome | Patrick Fitzpayne | Pilot |
| 2009 | Taking Woodstock | Michael Lang | |
| 2009–2015 | Glee | Jesse St. James | 9 episodios (temporada 1) 3 episodios (temporada 2) 2 episodios (temporada 3) 2 episodios (temporada 6) |
| 2010 | West End | Simon Russell | |
| 2010 | The Conspirator | Louis Weichmann | |
| 2012 | The Good Wife | Jimmy Fellner | 1 episodiu (temporada 3, capitulo 15) |
| 2013 | Frozen | Kristoff | Voz |
| 2014 | Twelve Thirty | C.O.G | |
| 2014 | Looking | Patrick | Protagonista |
| 2014 | The Normal Heart | Craig Donnner | Película pa televisión |
| 2015 | Frozen Fever | Kristoff | Voz |
Discografía
editarSenciellos en Glee
editar| Añu | Senciellu | Posición nes llistes de Peak | ||||
|---|---|---|---|---|---|---|
| AUSTRALIA | CANADÁ [22][23] |
IRLANDA | REINU XUNÍU [24] |
ESTAOS XUNÍOS [25][23] | ||
| 2010 | "Highway to Hell" | – | 88 | – | 89 | – |
| "Hello" | 79 | 37 | 31 | 35 | 35 | |
| "Like a Virgin" | 99 | 83 | 47 | 58 | 87 | |
| "Like a Prayer" | 28 | 27 | 2 | 16 | 27 | |
| "Total Eclipse of the Heart" | 28 | 17 | 3 | 9 | 16 | |
| "Run Joey Run" | 64 | 45 | 12 | 27 | 61 | |
| "Another One Bites the Dust" | – | 53 | 41 | 101 | 79 | |
| "Bohemian Rhapsody" | – | 100 | – | 67 | 84 | |
| 2011 | "Rolling In The Deep" | – | – | – | – | – |
| 2015 | "Listen To Your Heart | – | – | – | – | – |
Premios y nominaciones
editarNominaciones
editar- Drama League Awards: Interpretación Distinguida 2007.
- Drama Desk Awards:: Actor Estraordinariu nun Musical 2007.
- Tony Awards: Meyor Interpretación d'un Actor Principal nun Musical 2007.
Premios
editar- Theatre World Award, 2007.
- Obie Award, 2009 (Por dambos "Prayer for the Enemy" y "Singing Forest").
Referencies
editar^ "Happy Endings: Revisión de televisión"
- ↑ Afirmao en: Internet Movie Database. Identificador IMDb: nm2676147. Data de consulta: 15 ochobre 2015. Llingua de la obra o nome: inglés.
- ↑ Identificador CONOR.SI: 264052579. Afirmao en: CONOR.SI.
- ↑ URL de la referencia: http://www.theatreworldawards.org/past-recipients.html.
- ↑ URL de la referencia: https://variety.com/2024/theater/news/jonathan-groff-cries-winning-first-tony-award-1236039665/.
- ↑ Hoof Beats Magacín, July 2007: "Profile Jim and Jonathan Groff (n'inglés)
- ↑ Abiertamente Gai, N'inglés.
- ↑ http://www.tv.com/jonathan-groff/person/82930/trivia.htmlhttp://vallace.tumblr.com/post/652298518/trivia-about-jonathan-groff-he-kept-a-journal Archiváu 2016-03-10 en Wayback Machine (n'inglés)
- ↑
- Jonathan Groff na Internet Broadway Database (n'inglés)
- ↑ Lortel Archives--The Internet Off-Broadway Database (n'inglés)
- ↑ The American Theatre Wing's Tony Awards - Official Website Archiváu 2013-01-17 en Wayback Machine (n'inglés)
- ↑ One Life To Live' Pulls Hostage Plot After Virginia Tech Killings (n'inglés)
- ↑ Jonathan Groff Radical interview (n'inglés)
- ↑ http://articles.lancasteronline.com/local/4/242211 (n'inglés)
- ↑ Jonathan Groff Q&A (n'inglés)
- ↑ [www.playwrightshorizons.org] (n'inglés)
- ↑ http://hollywoodinsider.ew.com/2009/10/19/glee-exclusive-jonathan-groff-to-join-sho/ (n'inglés)
- ↑ Satoodeh, Ramin (26 d'abril de 2010). Straight Jacket. Archivado del original el 2010-04-30. https://web.archive.org/web/20100430084711/http://www.newsweek.com/id/236999. Consultáu'l 18 de mayu de 2010. (n'inglés)
- ↑ EW staff (11 de mayu de 2010). 'Glee' creator Ryan Murphy pushes for 'Newsweek' boycott. http://popwatch.ew.com/2010/05/11/ryan-murphy-newsweek-boycott/. Consultáu'l 18 de mayu de 2010.
Broadway.com staff (7 de mayu de 2010). Promises Star Kristin Chenoweth Speaks Out on 'Horrendously Homophobic' Newsweek Article, Defends Sean Hayes. http://www.broadway.com/shows/promises-promises/buzz/152350/promises-star-kristin-chenoweth-speaks-out-on-horrendously-homophobic-newsweek-article-defends-sían-hayes/. Consultáu'l 18 de mayu de 2010.
Villoreal, Yvonne (12 de mayu de 2010). Newsweek-gate: GLAAD weighs in. http://latimesblogs.latimes.com/showtracker/2010/05/newsweekgate-glaad-weighs-in.html. Consultáu'l 18 de mayu de 2010. (n'inglés) - ↑ Baz Bamigboye (16 d'abril de 2010). «Glee heart-throb Jonathan Groff is to be star in the West End». The Daily Mail. http://www.dailymail.co.uk/tvshowbiz/article-1266363/BAZ-BAMIGBOYE-Glee-heartthrob-Jonathan-Groff-star-West-End.html#ixzz0lDH6LxTA. (n'inglés)
- ↑
- Ficha de The Conspirator na Internet Movie Database (n'inglés) (n'inglés)
- ↑
- Ficha de Twelve Thirty na Internet Movie Database (n'inglés) (n'inglés)
- ↑ «Glee Cast Album & Song Chart History». Billboard. Nielsen Business Media. Consultáu'l 25 de febreru de 2010.
- ↑ 23,0 23,1 «Glee Cast». acharts.us. Consultáu'l 25 de febreru de 2010.
- ↑ «Chart Stats – Glee Cast». Chart Stats. Archiváu dende l'orixinal, el 22 de xunetu de 2012. Consultáu'l 25 de febreru de 2010.
- ↑ «Glee Cast Album & Song Chart History». Billboard. Nielsen Business Media. Consultáu'l 25 de febreru de 2010.
Enllaces esternos
editar
Wikimedia Commons acueye conteníu multimedia sobre Jonathan Groff.- Jonathan Groff na Internet Broadway Database (n'inglés)
- Jonathan Groff na Internet Movie Database (n'inglés)
- Glee Wikia
Datos: Q556644- Multimedia: Jonathan Groff
