José Gafo

José Gafo
diputáu nes Cortes republicanes	; 25 payares 1933 - 7 xineru 1936 ; Distritu: Navarra ; Eleiciones: segunda llexislatura de la Segunda República Española
diputáu nes Cortes republicanes
Vida
Nacimientu	Campumanes, 1881
Nacionalidá	España
Muerte	Madrid, 4 d'ochobre de 1936 (54/55 años)
Estudios
Llingües falaes	castellanu
Oficiu	políticu, sindicalista, sacerdote católicu
Llugares de trabayu	Madrid
Miembru de	Grupo de la Democracia Cristiana (es)
Creencies
Relixón	Ilesia Católica
Orde relixosa	Orde de Predicadores

José Gafo Muñiz (1881, Campumanes – 4 d'ochobre de 1936, Madrid) foi un sacerdote dominicu, políticu y sindicalista español.

Biografía

Impulsó'l sindicalismu católicu, colos calificativos de Llibre o Profesional. El febreru de 1914 fundó'l Sindicatu de Ferroviarios Llibres de Madrid, cola mesma estructura de los sindicatos católicos pero ensin el distintivu de católicu.

Pel branu de 1923 viaxó a Barcelona y entrevistóse con Ramón Sales, dirixente de los Sindicatos Llibres, impulsando'l procesu d'unión de los Sindicatos Católicu-Llibres del norte d'España colos Llibres de Barcelona, que cuayaría a finales d'añu cola constitución en Pamplona de la Confederación de Sindicatos Llibres d'España. Foi miembru del Conseyu de Trabayu de la dictadura de Primo de Rivera. Quedó retardáu cola proclamación de la Segunda República Española en 1931, y sofitó l'intentu de golpe d'estáu del xeneral José Sanjurjo del 10 d'agostu de 1932.

Nes eleiciones de payares de 1933 foi escoyíu diputáu por Navarra na candidatura del Bloque de Dereches. N'avientu de 1934 roblaba'l manifiestu del Bloque Nacional, inspiráu por José Calvo Sotelo y manifestábase partidariu de l'acción extraparlamentaria, siguiendo la trayeutoria de la estrema derecha tradicionalista.

El 5 d'agostu de 1936 foi deteníu y encarceláu, y el 4 d'ochobre de 1936, foi puestu en llibertá. Sicasí, a la salida de la Cárcel Modelu de Madrid, foi asesináu.

Consideráu mártir pola Ilesia católica, foi beatificáu n'ochobre de 2007 pol papa Benitu XVI.

Referencies

↑ «rexistru d'autoridaes BNE». Consultáu'l 8 xunetu 2020.
↑ Afirmao en: autoridaes BNF. Identificador BnF: 166995651. Apaez como: José Domingo Gafo Muñiz. Autor: Biblioteca Nacional de Francia. Llingua de la obra o nome: francés.

Enllaces esternos

[627815260e1b25bf1d740d60a62b82913a44b7b3-1] «rexistru d'autoridaes BNE». Consultáu'l 8 xunetu 2020.

[6718a5f8afb6344ddef1fb69090bb9432bd060a4-2] Afirmao en: autoridaes BNF. Identificador BnF: 166995651. Apaez como: José Domingo Gafo Muñiz. Autor: Biblioteca Nacional de Francia. Llingua de la obra o nome: francés.

[1]

[2]