Juan Suárez Martínez

Juan Suárez Martínez
conceyal	; 1965 - 1970
conceyal
Vida
Nacimientu	Xixón, 16 de mayu de 1913
Nacionalidá	España
Muerte	Somió, 18 d'agostu de 2006 (93 años)
Familia
Fíos/es	Juan Suárez Botas
Estudios
Estudios	Universidá d'Uviéu
Llingües falaes	castellanu
Oficiu	empresariu

Juan Suárez Martínez (16 de mayu de 1913, Xixón – 18 d'agostu de 2006, Somió), empresariu, Conceyal de Facienda del Conceyu de Xixón.^[1]

Biografía

Juan Suárez Martínez nació'l 16 de mayu de 1913 en Xixón (Asturies). Estudio Comerciu en Suiza y Derechu na Universidá d'Uviéu^[2]

Tuvo una dilatada trayeutoria como empresariu, na que fundó negocios d'una variedá de sectores. Ente ellos atópense: la fábrica de chocolate d'Industries La Herminia; la droguería Cantábrica, asitiada na redoma del Paséu de Begoña; el cine Hernán Cortés, qu'empezó la so andadura en 1958, y qu'acabó completándose cola sala de fiestes Acapulco.

En 1955 fundó en Xixón, xunto col so cuñáu Cipriano Ojeda -viudu dende diba dos meses de la so hermana, Carmen Suárez Martínez-, l'Hotel Hernán Cortés, entós daquella el mayor hotel d'Asturies, con 114 habitaciones. Nun principiu nun taba diseñáu pa ser un hotel, pero finalmente acabó siéndolo, y asina sigue, en vendiéndolo en 1987, hasta l'actualidá.

Ente 1965 y 1970, foi conceyal de Facienda del Conceyu de Xixón, mientres l'alcaldía d'Ignacio Bertrand. Gracies a la so collaboración nació la Empresa Municipal d'Agües (EMA) de Xixón, polo que foi gallardoniáu cola medaya d'oru del Consistoriu xixonés.

Ente los cargos^[3] qu'ostentó, destaquen los de ser: vicepresidente de la Cámara Oficial de Comerciu, Industria y Navegación de Xixón, so la presidencia de Luis Adaro; miembru del Patronatu del Real Sitiu de Cuadonga; miembru más antiguu -tuvo más de trenta años-, del Patronatu del Hospital del Jove; y benefactor de la Cocina Económica.

Nel campu deportivo, foi miembru-fundador y promotor del Real Club de Golf de Castiellu, en 1958; y del Real Grupu de Cultura Cuadonga. La so pasión pola práctica del deporte en competición, llevólu a convertise en campeón d'Asturies de velocidá, na modalidá de 100 metros llisos, y a coronar el visu del [[Picu Urriellu].

Finó na so casa de Somió, y tres un multitudinariu funeral^[4]^[5]na parroquia de san Julián de Somió, foi soterráu nel campusantu municipal.

Vida personal

Casáu con Marimen Botes Menéndez, finada'l 24 d'ochobre de 2009, tuvieron seis fíos: Alicia, Gracia, Carmen, María, Ana, y el conocíu pintor Juan Suárez Botes; y once nietos: Jaime y Ana Pire Suárez; Carmen, Miguel, Alfonso y Juan Osorio Suárez; Sara y Juan Rottenwöhrer; y Álvaro, Inés y Gonzalo Alonso Suárez.

Premios y reconocencies

Medaya d'oru del Conceyu de Xixón (premiu, añu)

Referencies

↑ Aida Collada (19 d'agostu de 2006). «Fina a los 93 años Juan Suárez Martínez, ex propietariu d'Industries La Herminia» (castellanu). Consultáu'l 20 de xunetu de 2016.
↑ Fina en Somió l'empresariu Juan Suárez. La Nueva España. 19 d'agostu de 2006. p. 6.
↑ Álvarez-Buylla Menéndez, Jaime (30 d'agostu de 2006). Juan Suárez, una vida dedicada al trabayu. Necrolóxica. La Nueva España. p. 89.
↑ Valles, Erika (22 d'agostu de 2006). Adiós a un gran entamador: Decenes de persones allegaron a la parroquia de Santuyano de Somió p'asistir al funeral de Juan Suárez, propietariu de La Herminia. La Nueva España. p. 4.
↑ Jesús Morales plantega una reconocencia oficial» de Xixón al empresariu Juan Suárez. El Comercio (Xixón). 22 d'agostu de 2006. p. 9. https://www.elcomercio.es/prensa/20060822/gijon/jesus-morales-plantega-reconocencia_20060822.html. Consultáu'l 24 de xunetu de 2016.

Enllaces esternos

[1] Aida Collada (19 d'agostu de 2006). «Fina a los 93 años Juan Suárez Martínez, ex propietariu d'Industries La Herminia» (castellanu). Consultáu'l 20 de xunetu de 2016.

[2] Fina en Somió l'empresariu Juan Suárez. La Nueva España. 19 d'agostu de 2006. p. 6.

[3] Álvarez-Buylla Menéndez, Jaime (30 d'agostu de 2006). Juan Suárez, una vida dedicada al trabayu. Necrolóxica. La Nueva España. p. 89.

[4] Valles, Erika (22 d'agostu de 2006). Adiós a un gran entamador: Decenes de persones allegaron a la parroquia de Santuyano de Somió p'asistir al funeral de Juan Suárez, propietariu de La Herminia. La Nueva España. p. 4.

[5] Jesús Morales plantega una reconocencia oficial» de Xixón al empresariu Juan Suárez. El Comercio (Xixón). 22 d'agostu de 2006. p. 9. https://www.elcomercio.es/prensa/20060822/gijon/jesus-morales-plantega-reconocencia_20060822.html. Consultáu'l 24 de xunetu de 2016.

[1]

[2]

[3]

[4]

[5]