Julio García Mencía
Julio García Mencía (1849, Madrid – 1924) foi un pintor, litógrafu y cartelista mui vinculáu a la industria litográfica, cartelística y publicitaria asturiana.
Julio García Mencía | |
|---|---|
| Vida | |
| Nacimientu | Madrid[1], 1849 |
| Nacionalidá |
 España |
| Muerte | 1924[1] (74/75 años) |
| Familia | |
| Fíos/es | Angel Garcia Carrió |
| Estudios | |
| Llingües falaes | castellanu |
| Oficiu | pintor |
 | |
Nació nel somantu d'una familia de tradición artística, yá que so padre y so güelu fueron grabadores de la Casa de la Moneda de Segovia. Estudió na Escuela de Belles Artes de San Fernando. Darréu treslladaríase a París, onde garraría esperiencia como litógrafu, tornando a Madrid pa posteriormente treslladase a Xixón, ciudá na que llegaría a montar el so propiu taller, Establecimiento Cromo-Litográfico de Julio G. Mencía. La influencia de Mencía nel cartelismu asturianu foi notable a partir d'esa dómina, siendo él el que lu llevaría a la modernidá.
Esta primacía qu'exerció Mencia nel cartel asturianu duraría unes dos décades pa, darréu, dexar pasu a una nueva xeneración de pintores y cartelistes n'Asturies: Martínez Abades, Ventura Álvarez Sala, Evaristo Valle ..., qu'abandonaron la concepción europea del cartel que representaba'l pintor madrilán, pa centrase nos de temática más popular y folklórica.
Referencies
editar- ↑ 1,0 1,1 URL de la referencia: http://www.museosantandermas.es/es/coleccion/artistas-coleccion/artista.html?id=746&dep=0. Data de consulta: 15 setiembre 2024.
Enllaces esternos
editar
Datos: Q13147306
