Abrir el menú principal

Ventura Álvarez Sala

pintor español (1869–1919)

Ventura Álvarez Sala Vigil (Xixón, 1869 - 1919) foi un pintor asturianu.

Ventura Álvarez SalaPicto infobox character.png
Ventura Álvarez Sala, busto en parque Isabel la Católica, Gijón.jpg
Vida
Nacimientu Xixón1869
Nacionalidá Bandera d'España España
Fallecimientu

1919

(49/50 años)
Estudios
Llingües castellanu
Oficiu
Oficiu pintor
Cambiar los datos en Wikidata

BiografíaEditar

Fizo los estudios primarios y foi aprendiz de pintor d'oficiu nel taller d'El Vizcaíno. Marchó a Madrid hacia 1890, onde pa poder subsistir dibuxaba retratos al carbón. Foi discípulu de Manuel Ojeda y alumnu de la Escuela Superior de Belles Artes. Dióse a conocer concurriendo a les Esposiciones Nacionales celebraes en Madrid. Na de 1892 presentó'l so cuadru Naufragio en las costas de Gijón; na de 1895 consigue una mención honorífica pol so autorretratu En el estudio; na de 1897 ye tercera medaya pola so obra ¡Todo a babor!; na de 1899 ye tamién tercera medaya pol so trabayu La rifa de la xata, y el so cuadru El contraste ye propuestu pa una condecoración na de 1901. Collaboró como ilustrador na revista Blanco y Negro.

El Casino de Xixón concedió-y una beca. Marchó a Roma, onde envió al concursu de pensionaos pola Escuela Superior de Belles Artes de Madrid un cuadru baxo'l lema obligáu de La familia de un anarquista el día enantes de la ejecución, consideráu ente los dos meyores presentaos a la convocatoria, pero non ye premiáu. Regresó a Xixón y estableció un estudiu en Somió. Col cuadro La promesa (una escena d'un grupu de pescadores n'ación de gracies dibuxándose al fondo la ermita de La Providencia, de Xixón) concurrió a la Esposición Nacional de Belles Artes de 1904, y adquiríu por Aureliano de Beruete pal Muséu d'Arte Modernu, consigue una medaya d'oru na Esposición Internacional de Múnich, en 1905. Esta obra permaneció nel Muséu d'Arte Modernu hasta 1932, añu nel que foi enviada a la Diputación Provincial d'Uviéu pa depósitu, pudiendo vese anguaño nel Muséu de Belles Artes d'Asturies. Con cuadros d'asuntu asturianu concurre a les exposiciones nacionales de 1906, 1908 (na que'l so llenzu Emigrantes ye segunda medaya), 1910, tamién segunda medaya con Asturias, 1912 y 1915, na que se-y concede primera medaya por Ganarás el pan.

Destacó especialmente como retratista, y pola so fecha de nacimientu pue ser consideráu de la mesma xeneración de Nicanor Piñole y Evaristo Valle.

N'Asturies ye posible ver la obra de Ventura Álvarez Sala nos museos de Belles Artes d'Uviéu y el Xovellanos de Xixón (onde s'espón unu de les sos obres más populares, Pescadores de mariscu, de 1912).

ReferenciesEditar

  • Diccionario Enciclopédico del Principado de Asturias (2004).- Ed. Nobel, Uviéu.- ISBN 84-8459-266-9