Kansas City (Kansas)
Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
Kansas City, conocida tamién poles sigles KCK, ye una ciudá del estáu norteamericanu de Kansas. Ye la tercer ciudá mayor del estáu, y ye la sede alministrativa del condáu de Wyandotte, col que forma una ciudá-condáu consolidada. El condáu, qu'inclúi tamién les ciudaes independientes de Bonner Springs y Edwardsville, amás de parte de les agües del llagu Quivira y d'una fastera de territoriu non incorporáu nomada Loring, llenda col condáu de Johnson al sur, y col de Kansas City (Missouri) al este. La ciudá, la tercer mayor del área metropolitana de Kansas City, tenía una población, según la estimación de la Oficina del Censu pa 2018, de 152.958 habitantes.
 Kansas City | |||
|---|---|---|---|
 | |||
| |||
| Alministración | |||
| País |  Estaos Xuníos | ||
| Estaos |  Kansas | ||
| Condáu | condáu de Wyandotte | ||
| Tipu d'entidá | ciudá de los Estaos Xuníos[1] | ||
Mayor of Kansas City, Kansas (en)  |
Tyrone Garner (en) | ||
| Xeografía | |||
| Coordenaes | 39°06′24″N 94°40′35″W / 39.1067°N 94.6764°O | ||
  Kansas City Kansas City (los EE.XX.)  | |||
| Superficie | 332.492944 km² | ||
| Altitú | 265 m | ||
| Llenda con | Overland Park | ||
| Demografía | |||
| Población | 156 607 hab. (1r abril 2020) | ||
| Porcentaxe | 100% de condáu de Wyandotte | ||
| Densidá | 471,01 hab/km² | ||
| Viviendes | 55 644 (31 avientu 2020) | ||
| Más información | |||
| Fundación | 1868 | ||
| Prefixu telefónicu |
913 | ||
| Estaya horaria | Hora Estándar Central | ||
| Llocalidaes hermaniaes | |||
| wycokck.org | |||
 | |||
La ciudá asítiase cerca'l centru xeográficu del país, na xuntura del ríu Missouri col ríu Kansas. La antigua Kansas City incorporóse n'ochobre de 1872, y en 1880 foi proclamada ciudá de segunda clase pol gobernador de Kansas. En marzu de 1886 fundóse la nueva Kansas City al traviés de la consolidación de cinco municipalidaes: l'antigua Kansas City, Armstrong, Armourdale, Riverview y Wyandotte. Esta cabera, fundada en 1857 por misioneros metodistes y nativos americanos d'etnia wyandot, yera la ciudá más antigua de la zona. El crecimientu de la ciudá, que tien un gobiernu xunificáu col so condáu de magar 1997, remóntase a la dçecada de 1890, cuando entamó a convertise nun suburbiu de Kansas City (Missouri).
Na ciudá hai una fábrica de coches de la compañía General Motors, que ye la tercera empresa con más emplegaos de la ciudá tres de l'hospital de la universidá de Kansas y la propia universidá. Tien un equipu de fútbol profesional, el Sporting Kansas City, que xuega na Major League Soccer.
Referencies
editar- ↑ Afirmao en: Getty Thesaurus of Geographic Names. Identificador TGN: 2036582. Data de consulta: 19 abril 2023. Editorial: Getty Research Institute. Llingua de la obra o nome: inglés. Autor: Getty Research Institute.
Enllaces esternos
editar- Páxina web oficial del Unified Government of Wyandotte County/Kansas City, Kansas
- Páxina web oficial del consorciu turísticu de la ciudá (Kansas City, KS/Wyandotte County Convention and Visitors Bureau)
Datos: Q486472
Multimedia: Kansas City, Kansas
