Kansas City

Kansas City referir a dos ciudaes y un área metropolitana asitiada na confluencia de los ríos Kansas y Missouri. Kansas City (Missouri), la ciudá más grande en Missouri, fondia'l área metropolitana de Kansas City, que tien una población de más de dos millones d'habitantes. Kansas City (Kansas) atópase cruciando'l ríu dende'l centru de Kansas City (Missouri), y ye la tercer ciudá más grande en Kansas.

Kansas City (Missouri)

Kansas City (Missouri) ye la ciudá más grande del estáu de Missouri (EE. UU.) con una población de 630.387 habitantes. L'área metropolitana tien cerca de 2 millones de persones y toma quince condaos en dos estaos: Kansas y Missouri. Ta asitiada na confluencia del ríu Missouri col ríu Kansas. La ciudá ta estremada en dos partes por una frontera interestatal, polo cual esisten dos ciudaes col mesmu nome, Kansas City (Missouri) y Kansas City (Kansas), frente a esta. La ciudá cunta con dos aeropuertos: l'Aeropuertu Urbanu Charles B. Wheeler y l'Aeropuertu Internacional de Kansas City. Amás cunta con un importante muséu, el Muséu Nelson-Atkins, que cunta con pintures tanto antigües como modernes, d'artistes como Caravaggio, Rembrandt, Van Gogh y Kandinsky. Ocupa'l segundu llugar nel mundu nel númberu de fontes (160), superáu solamente por Roma.

Kansas City cunta colos siguientes equipos deportivos: Kansas City Royals (béisbol de Lliga Mayor), Kansas City Chiefs (fútbol americano de NFL), Sporting Kansas City (fútbol de MLS) y Kansas City Warriors (MLUSA). Kansas City ta nel procesu de construyir un estadiu nuevu que s'espere que reciba un equipu de ḥoquei de NHL o equipu del baloncestu de NBA.

Área metropolitana de Kansas City

L'Área metropolitana de Kansas City ye un área metropolitana que toma quince condaos ente l'estáu de Missouri y Kansas siendo la ciudá principal Kansas City, Missouri. En 2008, envalorábase una población de más de 2 millones de persones.^[1] L'área metropolitana de Kansas City ye la segunda más grande dempués del Gran Saint Louis y ye l'área metropolitana más grande del estáu de Kansas, anque'l área metropolitana de Wichita ye la segunda de Kansas. Les ciudaes perifériques con más de 100,000 persones inclúi Independence, Missouri; Kansas City, Missouri; Olathe, Kansas City, Kansas; y Overland Park.

Kansas City (Kansas)

Kansas City (Kansas) ye la tercer ciudá más grande nel estáu norteamericanu de Kansas y sede del Condáu de Wyandotte; forma parte del "Gobiernu Unificáu"^[2] el cual inclúi tamién les ciudaes de Bonner Springs y Edwardsville. Según estimaciones del censo en 2000, la población de la ciudá yera de 146,867. Asitiada onde conflúin los ríos Missouri y Kansas (Puntu Kaw),^[3] la ciudá ta frente a Kansas City (Missouri) y ta incluyida nel área metropolitana de Kansas City, que ye una ciudá satélite de la ciudá principal.

North Kansas City (Missouri)

North Kansas City ye una ciudá nel Condáu de Clay (Missouri), Estaos Xuníos. La población yera de 4.714 habitantes nel censu de 2000, pero un gran desenvolvimientu industrial y empresariu fixo crecer la población per dellos miles más. Orixinalmente, un suburbiu al norte de Kansas City (Missouri), agora ta casi arrodiáu d'esta postrera, que s'estiende al norte de la frontera norte del norte de Kansas City.

Referencies

Enllaces esternos

[1] ttp://www.nbcactionnews.com/news/local/story/Metro-Population-Passes-2-Million/LiIdSiy7YUeFrPO_TvTGxw.cspx

[2] wycokck.org

[3] Kansas City map

[1]

[2]

[3]