Léon Foucault

físicu francés

Jean Bernard Léon Foucault (18 de setiembre de 1819París – 11 de febreru de 1868París) foi un físicu francés.

Léon Foucault
Vida
Nacimientu París[1]18 de setiembre de 1819[2]
Nacionalidá Bandera de Francia Francia [3]
Residencia Francia
Muerte París[4]11 de febreru de 1868[2] (48 años)
Sepultura Cementerio de Montmartre (es) Traducir
Causa de la muerte Esclerosis múltiple
Familia
Casáu con ensin valor
Estudios
Estudios Collège Stanislas de París (es) Traducir
Llingües falaes francés[5]
Oficiu físicuastrónomu
Emplegadores Academia de Ciencies de San Petersburgu
Trabayos destacaos péndulu de Foucault
Premios
Miembru de Royal Society
Société Philomatique de Paris (es) Traducir
Academia Prusiana de les Ciencies
Academia Francesa de les Ciencies
Academia de Ciencies de Rusia
Academia de Ciencies de San Petersburgu
Cambiar los datos en Wikidata

Demostró esperimentalmente la rotación terrestre en 1851 por aciu un enorme pendilexu, el llamáu «pendilexu de Foucault», que se banciaba nel Observatoriu de París. Una demostración atanante foi realizada'l 26 de marzu, nel Panteón de París. Ofició de pendilexu una bala de cañón de 26 kg colgada de la bóveda por aciu un cable de 67 m de llargu, y que tardaba dieciséis segundos pa dir y volver cada vegada. Xuntáu a la bala, na so parte inferior, había un pequeñu estilete y el suelu del Panteón taba cubiertu de sable. En cada ida y vuelta l'estilete dexaba una marca distinta nel sable, caúna d'elles unos dos milímetros a la izquierda de l'anterior porque la Tierra xiraba.

Ente otres contribuciones, midió la velocidá de la lluz, fixo les primeres fotografíes del Sol ya inventó el xiroscopiu.

Biografía editar

Mocedá editar

 
Diagrama d'una variante del esperimentu de Foucault pa midir la velocidá de la lluz n'ónde s'utiliza un láser como fonte de lluz.

La so demostración en 1851 del movimientu diurnu de la Tierra pola rotación del planu d'oscilación d'un pesáu y llargu pendilexu llibremente suspendíu nel Panteón de París, causó una sensación tantu nel mundu de los lletraos como nel mundu popular, yá que foi la primer demostración dinámica de la rotación de la Tierra. Nos años siguientes inventó (y dio-y nome) al xiroscopiu como una comprobación esperimental conceptualmente más simple. En 1855 recibió la Medaya Copley de la Royal Society poles sos "notables investigaciones esperimentales". Enantes esi mesmu añu foi nomáu physicien (físicu) nel Observatoriu Imperial de París.

En setiembre de 1855 afayó que la fuercia riquida pa la rotación d'un discu de cobre aumenta cuando-y lo fai rotar ente los polos d'un imán, coles mesmes el discu empieza a calecer poles corrientes de Foucault inducíes nel metal.

Foucault inventó en 1857 el polarizador que lleva'l so nome, y nos años siguientes concibió un métodu pa probar los espeyos de los telescopios reflectivos pa determinar la so forma. La denomada "Prueba Foucault" dexó al trabayador determinar si l'espeyu ye perfectamente esféricu, o si ta deformado. Enantes a la invención de Foucault, la prueba d'espeyos de telescopiu yera un procesu de "prueba y error". Col espeyu xiratoriu de Charles Wheatstone en 1862, Foucault determinó la velocidá de la lluz en 298000 km/s, 10000 km/s menos que la llograda por anteriores esperimentadores y solamente 0,6% de diferencia col valor anguaño aceptáu.

Delles publicaciones editar

  • 1844-1845. Cours de microscopie complémentaire des études médicales. Anatomie microscopique et physiologie des fluides de l'économie, J.-B. Baillière (París).
  • 2001. Recueil des travaux scientifiques de Léon Foucault, Librairie scientifique et technique (París). (facsim. de la ed. de París : Gauthier-Villars, 1878), ISBN 2-85367-214-X.

Últimos años editar

 
Balta de Léon Foucault nel campusantu de Montmartre (París)

En 1862 foi fechu miembru del Bureau des Llargores y oficial de la Légion d'Honneur. En 1864, de la Royal Society de Londres y, al añu siguiente, de la seición mecánica del institutu. En 1865 publicáronse los sos artículos sobre un cambéu del regulador de James Watt, sobre'l cual él tuviera esperimentando diba un tiempu cola idea constante del so periodu de revolución, nun nuevu aparatu pa regular la lluz llétrico. Un añu más tarde demostró cómo, pola deposición d'una delgada y tresparente capa de plata nel estremu esterior d'un oxetivu d'un telescopiu, podía reparase'l sol ensin estropiar los güeyos.

Foucault morrió de lo que probablemente fora una forma rápida d'esclerosis múltiple[9] el 11 de febreru de 1868 en París y foi soterráu nel Cimetière de Montmartre.

Ver tamién editar

Referencies editar

  1. Afirmao en: Gemeinsame Normdatei. Data de consulta: 11 avientu 2014. Llingua de la obra o nome: alemán. Autor: Biblioteca Nacional d'Alemaña.
  2. 2,0 2,1 Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  3. «LIBRIS» (30 ochobre 2012). Consultáu'l 24 agostu 2018.
  4. Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  5. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  6. URL de la referencia: https://www.toureiffel.paris/fr/le-monument/tour-eiffel-et-sciences.
  7. «Award winners : Copley Medal» (inglés). Royal Society. Consultáu'l 30 avientu 2018.
  8. Afirmao en: Complete List of Royal Society Fellows 1660-2007. Páxina: 127. Editorial: Royal Society.
  9. W. Tobin. The Life and Science of Léon Foucault. Cambridge University Press (2003).

Enllaces esternos editar