Lambda Ursae Minoris

Lambda Ursae Minoris (λ UMi / HD 183030 / HR 7394 / HIP 84535) ye una estrella na constelación de la Osa Menor de magnitú aparente +6,35, siendo apenes observable a simple vista. Anguaño a pocu menos d'un grau del polu norte celeste, fai unos doscientos años Lambda Ursae Minoris foi la meyor Estrella Polar, yá que por cuenta de la precesión de los equinoccios el polu norte celeste describe un círculu alredor del polu norte de la eclíptica cada 25 780 años. Ello ye que el polu norte celeste va pasar ente Lamda Ursae Minoris y Polaris (α Ursae Minoris) nel añu 2060.

Ficha d'oxetu celesteLambda Ursae Minoris
Datos d'observación
Ascensión reuta (α) 259,23504461187 °[1]
Declinación (δ) 89,037703967479 °[1]
Distancia a la Tierra 269,6581 pc
Magnitú aparente (V) 6,38 (banda V)
Constelación Osa Menor[3]
Velocidá radial 0,19 km/s[1]
Parallax 3,7084 mas[1]
Otros nomes
Cambiar los datos en Wikidata

Coordenaes: Sky map 17h 16m 56.411s, 89° 2 15.734

Asitiada a 876 años lluz del Sistema Solar, Lambda Ursae Minoris ye una xigante colorada de tipu espectral M1III con una temperatura superficial de 3800 K. 600 vegaes más lluminosa que'l Sol, el so radiu ye 57 vegaes más grande que'l radiu solar, aprosimao'l 69% de la distancia que dixebra Mercuriu del Sol. Ta catalogada como una variable semirregular que'l so rellumu fluctúa 0,10 magnitúes.

A 55 segundos d'arcu de Lambda Ursae Minoris puede reparase una estrella de magnitú 14, desconociéndose si dambes tán gravitacionalmente xuníes. Si dambes estrelles formaren un verdaderu sistema binariu, la separación ente elles sería de siquier 15 000 UA y el periodu orbital devasaría'l millón d'años.

ReferenciesEditar

Coordenaes:   17h 16m 56.411s, 89° 2 15.734

  1. 1,0 1,1 1,2 1,3 1,4 Afirmao en: Gaia DR2. Llingua de la obra o nome: inglés. Data de publicación: 25 abril 2018.
  2. Afirmao en: Catalogue of Stellar Photometry in Johnson's 11-color system. Llingua de la obra o nome: inglés. Data de publicación: 2002.
  3. Afirmao en: VizieR. Llingua de la obra o nome: inglés.