Laniidae

familia de páxaros
15-04-2020 17:33

Los picanzos son aves paseriformes que formen la familia Lanidae. Son conocíos polos sos vezos de cazar inseutos, pequeñes aves o mamíferos y empalar los sos cuerpos en tarmos espinosos. Esto ayudar a tarazar la carne en fragmentos más convenientes y sírve-y de ‘despensa’ pa tornar depués a sirvise de porciones ensin comer. El picu d'un picanzu típica ye ganchudu como'l d'un ave de presa, lo que reflexa la so naturaleza depredadora.

Commons-emblem-notice.svg
 

Infobox animalia.png

Picanzu
Lanius excubitor, Chilham, Kent 1.jpg
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Laniidae
Xéneros
[editar datos en Wikidata]

La mayoría de les especies viven n'Eurasia y África, pero hai dos que se reproducen n'América del Norte. Los miembros d'esta familia nun esisten en Suramérica nin n'Australia.

Dellos picanzos son conocíos como “páxaru carniceru” pol vezu de caltener cuerpos.

L'avión de caza alemán Focke-Wulf Fw 190 ye moteyáu Würger (picanzu, n'alemán)

Distribución, migración y hábitatEditar

La mayoría de los picanzos distribúinse n'Eurasia y África, con namái dos especies en Norteamérica (Lanius ludovicianus y el Lanius excubitur). Nun hai miembros de la familia en Suramérica o Australia, magar qu'una especie llega a Nueva Guinea. Les sos árees de distribución varien llargamente, con delles especies como'l picanzu peguizu que se distribúi per tol hemisferiu norte al Lanius newtoni que vive puramente na islla del mesmu nome.[1]

Viven en hábitats abiertos, especialmente la estepa o la sabana. Unes poques especies de picanzos viven en montes, allegando escasamente a espacios abiertos. Delles especies críen en llatitúes del norte mientres el branu, entós migren a climes más templaos mientres l'iviernu.

ComportamientuEditar

 
Una abeya, dabablemente prindada y empalada[2]

Los picanzos son conocíos pol vezu de prindar inseutos y pequeños invertebraos y empalalos n'escayos. Esto ayuda a esgañar la carne en cachos más pequeños y sirve p'atroxar l'alimentu pa que l'ave pueda comelu más tarde.[3] Esti mesmu comportamientu sirve como una adautación pa poder comer saltapraos velenosos. L'ave espera unu o dos díes por que les toxines del interior del saltapraos se degraden p'asina poder comelu.[4]

Los picanzos son territoriales, y esos territorios son defendíos d'otres pareyes.[1]Cuando hai delles especies de picanzos, les disputes pol territoriu puen ser intenses.

CríaEditar

Xeneralmente los picanzos son monógamos, anque rexistráronse casos de polixinia.[1] La cría cooperativa, onde les aves más nueves ayuden a los sos padres a criar a la próxima xeneración, rexistróse en dambes especies del xéneru Eurocephalus y Cornivella según una especie de Lanius. Los machos atraen a les femes al so territoriu col alimentu empaláu, que pue incluyir oxetos de colores brillosos. Mientres el cortexu, el machu va facer una danza ritual qu'inclúin aiciones qu'asonsañen l'enartáu de la presa nos escayos y va alimentar a la fema. Los picanzos faen niales cenciellos con forma de copa con ramines y yerba, en parrotales y nes cañes baxes de los árboles.[3]

EspeciesEditar

 
Llagartesa empalada[2] nun escayu por un picanzu peguizu (Lanius meridionalis) en Lanzarote.

Les families Prionopidae y Malaconotidae tienen rellación bastante próxima con Laniidae, y nel pasáu los sos miembros incluyíense nesta familia.

ReferenciesEditar

  1. 1,0 1,1 1,2 Yosef, Reuven (2008). Handbook of the Birds of the World. Volume 13, Penduline-tits to Shrikes. Lynx Edicions, páx. 732–773. ISBN 978-84-96553-45-3.
  2. 2,0 2,1 .
  3. 3,0 3,1 Clancey, P.A. (1991). Forshaw, Joseph: Encyclopaedia of Animals: Birds. Merehurst Press, páx. 180. ISBN 1-85391-186-0.
  4. «Evolutionary Ecology, Volume 6, Number 6». SpringerLink. Consultáu'l 8 de setiembre de 2012.

Bibliografía adicionalEditar

Enllaces esternosEditar