Lantz
Lantz (Lanz en castellán y de forma oficial) ye una villa y un conceyu español de la Comunidá Foral de Navarra, asitiáu na merindad de Pamplona, na contorna d'Ultzamaldea y a 25 km de la capital de la comunidá, Pamplona. La so población en 2017 foi de 153 habitantes (INE).[2]
 Lantz | |||||
|---|---|---|---|---|---|
 | |||||
| |||||
| Alministración | |||||
| País |  España | ||||
| Comunidá foral |  Navarra | ||||
| Tipu d'entidá | conceyu d'España | ||||
Alcalde de Lanz (es)  | David Mariñelarena Saralegui | ||||
| Nome oficial | Lantz (eu)[1] | ||||
| Nome llocal |
Lantze (eu)[1] Lanz (es)[1] | ||||
| Códigu postal |
31798 | ||||
| Xeografía | |||||
| Coordenaes | 43°00′38″N 1°36′35″W / 43.0104985°N 1.60978182°O | ||||
  Lantz Lantz (España) | |||||
| Superficie | 16.94 km² | ||||
| Altitú | 629 m | ||||
| Llenda con |
| ||||
| Demografía | |||||
| Población |
150 hab. (2023) - 88 homes (2019) - 60 muyeres (2019) | ||||
| Porcentaxe |
0.02% de Navarra 0% de España | ||||
| Densidá | 8,85 hab/km² | ||||
| Más información | |||||
| Estaya horaria | UTC+01:00 | ||||
 | |||||
Símbolos editar
Escudu editar
L'escudu d'armes de la villa de Lanz tien el siguiente blasón:
Trai de plata y una águila de sable posada. La punta d'azur con un creciente de plata ente dos flores de lliriu d'oru. Por timbre un yelmu empenachado.
El sellu más antiguu que se conoz d'esta villa atópase na Carta d'Unión y Amistá» que, a la muerte de Carlos I el Calvo, fixeron los ricoshombres, caballeros, infanzones y homes bonos de les bones villes axuntaos en Puente la Reina el 13 de marzu de 1328, comprometiéndose a guardar el Reinu de Navarra para quien tuviera de reinar. Nesi sellu apaecen dos torres y ente elles, en xefe, una águila esplayada.[3]
Xeografía física editar
Situación editar
La llocalidá de Lanz ta asitiada na parte norte de la Comunidá Foral de Navarra, dientro de la rexón xeográfica del Monte de Navarra y la contorna xeográfica de los Valles Meridionales, a una altitú de 629 msnm. El so términu municipal tien una superficie de 16,89 km² y llinda al norte col conceyu de Baztán, al este y sur col d'Anué y al oeste col d'Ulzama.[4]
Demografía editar
Lanz siempres foi una pequeña llocalidá de los Valles Meridionales que nunca superó los 360 habitantes. Dende los años 30 venía sufriendo un continuu éxodu demográficu por cuenta de la so situación montascosa, y la so falta de trabayu fuera del sector ganaderu. Pero dende los años 90 grupos de mozos de la mesma llocalidá decidieron quedase a vivir nel pueblu pola so cercanía con Pamplona (apenes media hora) y pol so envidiable redolada natural.
Por ello dende los años 90 viose un aumentu progresivu d'habitantes nel censu, y amás de población nueva, lo que fizo non yá baxar l'avieyamientu de la población de la llocalidá, si nun tener el record de ser el pueblu español con mayor porcentaxe de población infantil. En Lanz el 13,2% de la población son neños, siendo la media nacional de 4,7%.[5]
Evolución de la población editar
| Gráfica d'evolución demográfica de Lanz ente 1900 y 2016 |
 |
|
Población de derechu (1900-1991) o población residente (2001) según los censos de población del INE.[6] Población según el padrón municipal de 2017 del INE. |
Política y alministración editar
Alministración municipal editar
Lanz conforma un conceyu el cual ta gobernáu por un conceyu de xestión democrática dende 1979, formáu por 5 miembros escoyíos nes eleiciones municipales según ta dispuestu na Llei Orgánica del Réxime Eleutoral Xeneral. La sede del consistoriu ta asitiada na cai Santa Cruz, nᵘ 1 de la llocalidá de Lanz.
Alcaldes editar
Estos son los últimos alcaldes de Lanz:
| Mandatu | Nome del alcalde | Partíu políticu |
|---|---|---|
| 1979-1983 | ||
| 1983-1987 | ||
| 1987-1991 | Jesús María Echaide Oyaregui | Independientes |
| 1991-1995 | M.J.I. Urriza Iriarte | Independientes |
| 1995-1999 | Domingo Sarasibar Iraizoz | AIL |
| 1999-2003 | Domingo Sarasibar Iraizoz | AIL |
| 2003-2007 | Domingo Sarasibar Iraizoz | AIL |
| 2007-2011 | David Mariñelarena Saralegui | AML |
| 2011-2015 | Marilen Ana sanz | AML |
| 2015-2019 | Isabel Baleztena Larraza | Independientes |
Cultura editar
Fiestes y eventos editar
Antroxu de Lanz editar
Ye la celebración más importante que tien llugar nesta llocalidá, que tien llugar los díes 2º y 3º d'antroxu a les 12 del medidía y consiste nun cortexu amenizado por chistularis onde se representa la captura de Miel Otxin.
Miel Otxin ye un malváu bandíu que representa a los malos espíritus. El llunes ye prindáu y pasiáu pol pueblu a ritmu de chistu y tamboril ente que'l martes d'antroxu tres un nuevu paséu matutín y vespertín, ye executáu y quemáu na foguera, mientres los vecinos del pueblu baillen el zorcico alredor de la mesma.
Otros personaxes qu'intervienen son Ziripot, vistíu de sacos rellenos de yerba o felechu, esti personaxe gordinflón percuerre les cais de Lanz mientres el Zaldiko (allegre y saltarín, mediu home mediu caballu). Amás tán los Arotzak, que son los ferreros, con martiellos y tiñaces, quien ponen les ferradures a los Zaldiko y los Txatxo que representen a la población de Lanz, enfundados en pieles d'animales y ropes vieyes y coloridas, portando escobes de paya y cola cara tapada, glayen, hostigan y arrementen a tolos presentes de la singular representación. .[7]
Ye tal l'enraigono d'esta fiesta que mientres el franquismu, a pesar de la suspensión que pesaba sobre los antroxos, siguió celebrándose inclusive calteniendo l'apellativu d'antroxu[8]
Ver tamién editar
Referencies editar
- ↑ 1,0 1,1 1,2 Afirmao en: Euskaltzaindia.
- ↑ INE (ed.): «Cifras de población referidas al 01/01/2017». Cifras Oficiales de Población de los Municipios Españoles: Revisión del Padrón Municipal - Población a 1 de enero de 2017.
- ↑ OTAZU RIPA, Jesús Lorenzo (1999). Navarra - Temes de Cultura Popular nᵘ 301, Heráldica Municipal de la Merindad de Pamplona II. Gobiernu de Navarra, páx. 23. ISBN 84-235-0131-0.
- ↑ Caja d'Aforros y Monte de Piedá de Navarra (ed.): «Artículu de Lanz». Gran Enciclopedia Navarra. Consultáu'l 23 de xineru de 2012.
- ↑ El Mundo, 13 de febreru de 2017
- ↑ Institutu Nacional d'Estadística (España) (ed.): «Censos de población de Lanz». Alteraciones de los conceyos nos Censos de Población dende 1842. Consultáu'l 24 de enere de 2012.
- ↑ Gobierno de Navarra (ed.): «Antroxu de Lanz». Turismu Navarra. Consultáu'l 23 de xineru de 2012.
- ↑ Diario Vasco, 24 de febreru de 1966
Enllaces esternos editar
- Lanz - Gobiernu de Navarra - Información y datos d'entidaes llocales de Navarra.
Wikimedia Commons acueye conteníu multimedia sobre Lantz 
.
