Lauren Hutton
Lauren Hutton (17 de payares de 1943, Charleston) ye una exmodelu y actriz d'Estaos Xuníos. Adquirió fama por ser la primer maniquín en roblar contratu con una marca de cosméticos y polos sos roles nes películes Once Bitten y American Gigolo.
Lauren Hutton | |
|---|---|
 | |
| Vida | |
| Nacimientu | Charleston, 17 de payares de 1943[1] (81 años) |
| Nacionalidá |
 Estaos Xuníos |
| Residencia |
Taos (es)  |
| Familia | |
| Pareyes | Marcello Mastroianni |
| Estudios | |
| Estudios |
Universidá Tulane St. Joseph Central Catholic High School (en) George D. Chamberlain High School (en) Universidá del Sur de Florida Tulane University School of Liberal Arts (en) |
| Llingües falaes | inglés[2] |
| Oficiu | modelu, actriz de televisión, actriz de cine, productora de cine, actriz |
| Pesu | 54 kg |
| IMDb | nm0001381 |
| laurenhutton.com | |
 | |
Estudios y formación
editarEn 1960, Hutton foi una de les primeres estudiantes n'allegar a la Universidá del Sur de la Florida en Tampa, pero dempués foi tresferida a la Universidá de Tulane, onde se graduó con un bachelor of arts en 1964.
Hutton fixo una destacada carrera modelando mientres los años 1970 y 80, inclusive se convirtió na primer modelu en roblar un contratu esclusivu con una marca de cosméticos. Foi con Revlon en 1973.[3]
Carrera
editarComo actriz, Hutton fixo'l so debú cinematográficu en Paper Lion (1968), y llogró bones crítiques al interpretar a l'antagonista de James Caan en The Gambler (1974). Otra interpretación destacada foi la de l'adúltera aventurera en American Gigolo (1980). Los sos papeles en películes importantes fueron relativamente pocos, ello ye que la so carrera como actriz empezó a enllancase amodo mientres los años 1980, cuando participó en películes europees de menor importancia o en filmes estauxunidenses que fracasaben na taquilla, como Lassiter (1985), Once Bitten (1985) y La siella de la muerte (1992).
La carrera de modelu de Hutton florió nuevamente nos años 1990 con un esitosu regresu, y les ufiertes de trabayu na actuación empezaron a llegar otra vegada. Mientres s'averaba a los cincuenta años d'edá, un importante númberu de medios de comunicación destacaron la so escepcional guapura, la so fascinación polos viaxes y l'antropoloxía, y la so actitú madura frente a la fama. Los viaxes llevaron a Hutton a África, onde esfrutó la guapura del continente y de la so xente.
En 1984, ufiertóse-y un rol pa una serie de televisión Paper Dolls. Metro-Goldwyn-Mayer decidió producir una serie selmanal basada nel telefilme de l'ABC, con gran parte del repartu orixinal de la producción de 1982. Sicasí, la serie nun duró enforma tiempu y foi atayada n'avientu d'esi añu, dexando una situación de suspensu ensin resolver.
1995 foi un importante añu pa Hutton, desque foi contratada pa la escura telenovela de la CBS, Central Park West, onde interpretó a la rica socialité Linda Fairchild. Tamién debutó'l so late show, Lauren Hutton and..., que duró poco tiempu al aire. Sicasí, siguió trabayando ensin posa en películes y, n'ocasiones, como presentadora.
Hutton, una vidueña motociclista, xeneró titulares n'ochobre de 2000, cuando a los 55 años d'edá viose envolubrada nun seriu accidente de motos. Tou asocedió mientres se dirixía xunto a los actores Dennis Hopper y Jeremy Irons a una exhibición de motocicletes nel muséu Guggenheim Hermitage. Los medios publicaron que Irons diéra-y a Hutton un cascu que cubría dafechu la so cara sola minutos primero que ella estrellárase. Perdiendo'l control nuna cruva, Hutton esmúcióse cerca de 30 metros y depués voló pel aire, quedando con quebres en brazos, piernes y costielles, un pulmón furáu, cortes y magulladuras. Hutton darréu pasó por un llargu periodu de rehabilitación física, recuperóse y convirtióse na vocera de la so propia marca de cosméticos, Lauren Hutton's Good Stuff, que se viende principalmente al traviés del so sitiu web n'Estaos Xuníos, y por distintes canales de distribución n'Europa y Suramérica.
N'ochobre de 2005, a los 61 años d'edá, Hutton aceptó posar desnuda pa la revista Big. «Quiero que (les muyeres) nun s'avergoñen de lo que son cuando tán na cama», declaró nel programa Good morning America. Hutton ye representada pola axencia de modelos IMG Models de Nueva York.
Referencies
editar- ↑ Afirmao en: SNAC. Identificador SNAC Ark: w6s615w4. Apaez como: Lauren Hutton. Data de consulta: 9 ochobre 2017. Llingua de la obra o nome: inglés.
- ↑ Identificador CONOR.SI: 130663267. Afirmao en: CONOR.SI.
- ↑ Harper's Bazaar (Marzu de 2009). «Best models of all times» (inglés). Consultáu'l 31 de marzu de 2009. «The first model to sign an exclusive cosmetics contract.»
Enllaces esternos
editar- Lauren Hutton na Internet Movie Database (n'inglés)
- Sitiu web oficial (n'inglés)
- Lauren Hutton Cosmetics Archiváu 2018-03-29 en Wayback Machine (n'inglés)
Datos: Q287639
Multimedia: Lauren Hutton
