Leo Gorcey
Leo Bernard Gorcey (3 de xunu de 1917, Nueva York – 2 de xunu de 1969, Oakland) foi un actor teatral y cinematográficu d'Estaos Xuníos, famosu pola so interpretación del líder d'un grupu de mozos gamberros conocíos como los Dead End Kids, los East Side Kids y los The Bowery Boys. Siempre el miembru más agresivu de la banda, el mozu Leo acabó siendo'l prototipu cinematográficu del matón.
Leo Gorcey | |
|---|---|
 | |
| Vida | |
| Nacimientu | Nueva York, 3 de xunu de 1917[1] |
| Nacionalidá |
 Estaos Xuníos |
| Llingua materna | inglés |
| Muerte | Oakland, 2 de xunu de 1969[1] (51 años) |
| Causa de la muerte |
enfermedad hepática (es)  |
| Familia | |
| Padre | Bernard Gorcey |
| Casáu con |
Kay Marvis (1939 – div. 1944)[2] valor desconocíu (1945 – div. 1948) Amelita Ward (1949 – div. 1956) valor desconocíu (1956 – div. 1962) valor desconocíu (1968 – m. 1969) |
| Fíos/es | 3 |
| Estudios | |
| Llingües falaes | inglés |
| Oficiu | actor, actor de cine |
| IMDb | nm0329832 |
 | |
Primeros años
editarNacíu na ciudá de Nueva York, los sos padres (Josephine Condon y Bernard Gorcey) yeren los actores de vodevil. Educáu na fe xudía, Leo tuvo un hermanu tamién actor, David Gorcey.
Carrera cinematográfica
editarNos años trenta, el padre de Gorcey dixebróse de la familia mientres trabayaba nel teatru y el cine. En 1935 él y David convencieron a Leo porque fixera un pequeñu papel na obra Dead End. Énte'l relativu ésitu de so padre, y perdiendo'l so trabayu como aprendiz de fontaneru, Leo decidió probar a actuar. Leo y David fueron escoyíos pa encarnar a dos miembros de la banda East 53rd Place. Charles Duncan, qu'interpretaba a Spit, dexó la producción, y Leo, el so suplente, viose promocionáu como actor.
En 1937 Samuel Goldwyn produció una versión pal cine de la popular obra y llevóse a los seis chicos a Hollywood. Gracies a ello Gorcey pasó a ser unu de los actores de Hollywood más atareados de los siguientes 20 años, con actuaciones nes siguientes series cinematográfiques:
- Dead End Kids, con un total de 7 filmes rodaos ente 1937 y 1939, interpretando nos mesmos a distintos personaxes.
- East Side Kids, ente 1940 y 1945, con un total de 21 títulos, interpretando nos mesmos a Ethelbert "Muggs" McInnis/McGinnis/Maloney
- The Bowery Boys, con 41 películes rodaes ente 1946 y 1956, interpretando a Terence Aloysius "Slip" Mahoney
Nes películes de The Bowery Boys, el padre de Gorcey, Bernard Gorcey, interpretaba a Louie Dumbrowski, el diminutu propietariu de la tienda de llambiotaes. El personaxe de Leo Gorcey, "Slip", destacaba pol so malapropismu y el so siempres intencionáu acentu de Brooklyn. Ente los rapazos de la peada destacábase'l personaxe interpretáu por Huntz Hall, Horacio Debussy Jones "Sach" un mozu alto, cabileñu con mirada tresmanada, que realizaba un contrapuntu , al estilu Oliver y Hardy o Los Tres Chiflados, con Gorcey siendo "Slip" el líder gruñon y totalitariu y "Sach" el tontu y graciosu.
En 1939 Gorcey casóse cola baillarina de 17 años Kay Marvis, qu'actuaba en cuatro de les sos películes pa Monogram Pictures. La pareya divorcióse en 1944, dempués de lo que Marvis acabó siendo la segunda esposa de Groucho Marx. En 1949 Gorcey casóse con Amelita Ward, cola que trabayara en Clancy Street Boys y Smugglers' Cove. El matrimoniu tuvo un fíu, Leo Gorcey, Jr.
Tamién en 1944, Gorcey tuvo un papel recurrente nel show radiofónicu Pabst Blue Ribbon Town, protagonizáu por Groucho Marx. En 1948 Gorcey fixo un pequeñu papel na sofisticada comedia cinematográfica So This Is New York, na cual actuaben Henry Morgan y Arnold Stang.
En 1955, en finando so padre nun accidente de tráficu, Gorcey empezó a beber. Una vegada, tando bebíu, estrozó un decoráu y l'estudiu negóse a aumenta-y el sueldu. Por esa razón, dexó los Bowery Boys, siendo reemplazáu nes últimes siete películes por Stanley Clements. L'hermanu de Gorcey, David, siguió cola serie hasta'l final de la mesma en 1958.
Na década de 1960 Gorcey nun fixo munches actuaciones. Intervieno na comedia de 1963 It's a Mad, Mad, Mad, Mad World, compartiendo pantalla con Sid Caesar y Edie Adams nun pequeñu papel como taxista. Los dos últimes actuaciones cinematográfiques de Gorcey, en compañía de Huntz Hall, tuvieron llugar en dos producciones de baxu presupuestu: Second Fiddle To A Steel Guitar (1966) y The Phynx (1970).
Últimos años
editarEn 1967 Leo Gorcey publicó la so autobiografía, titulada An Original Dead End Kid Presents: Dead End Yells, Wedding Bells, Cockle Shells, and Dizzy Spells. La edición orixinal foi de 1.000 copies en tapa dura. Una edición de 2004, con prólogu de Leo Gorcey, Jr., tamién foi de 1.000 copies numberaes. Amás, en 2003 Gorcey, Jr., publicó'l so propiu llibru alrodiu del so padre, Me and the Dead End Kid.
Leo Gorcey finó por causa d'una insuficiencia hepática el 2 de xunu de 1969, un día enantes de cumplir los 52 años, en Oakland (California). Foi soterráu nel Campusantu de Los Molinos (California).
Referencies
editar- ↑ 1,0 1,1 Afirmao en: Internet Broadway Database. Identificador de persona d'Internet Broadway Database: 79180. Apaez como: Leo Gorcey. Data de consulta: 9 ochobre 2017. Llingua de la obra o nome: inglés.
- ↑ Identificador de persona en The Peerage: p24963.htm#i249621. Data de consulta: 7 agostu 2020.
Enllaces esternos
editar- Leo Gorcey na Internet Movie Database (n'inglés)
- Leo Gorcey na Internet Broadway Database (n'inglés)
- «Leo Gorcey». en Find a Grave. (n'inglés)
Datos: Q2560665
Multimedia: Leo Gorcey
