Lithospermum officinale
El miyu del sol[1] (Lithospermum officinale) ye una especie de plantes perteneciente a la familia de les boraginacees.
Lithospermum officinale miyu del sol  | ||
|---|---|---|
 | ||
| Clasificación científica | ||
| Reinu: | Plantae | |
| División: | Magnoliophyta | |
| Clas: | Magnoliopsida | |
| Familia: | Boraginaceae | |
| Subfamilia: | Boraginoideae | |
| Xéneru: | Lithospermum | |
| Especie: |
Lithospermum officinale L. | |
| Consultes | ||
| Royal Botanic Gardens, Kew | Royal Botanic Gardens, Kew | |
| World Flora Online | World Flora online | |
| [editar datos en Wikidata] | ||
Descripción
editarDerecha, ramosa, foliosa na so parte cimera, suelen baltase los tarmos pol pesu de la ramasca, aspra, perenne y llega a 1 m d'altor. Les flores tán nos ramilletes terminales, ente fueyes, nun hai munches abiertes, son blancu amarellentaes, de 4 mm de diámetru na corola, ta formada por 5 pétalos xuníos a un tubu de 4-5 mm de llargor, los estames nun se ven. Mota con 5 sépalos estrechos y bien pilosos, rabillu de 7-10 mm de llargor. Ente los sépalos los van formándose los frutos, 1-2-3 o 4 granos, de 3 mm de llargor, bien duros, con una grana de forma asemeyada, de color blancu, brillosu como'l nácare. Fueyes alternes, llanceolaes, sentaes, d'hasta 6 cm de llargor y 14 mm d'anchor, de punta casi roma, nerviación bien fonda, saliente nel viesu, pilosidá abondosa, corta nel fai, más rala y llarga nel viesu. Tarmos maderizos nel so mayor llargor, con manches pardes llonxitudinales, pierden les fueyes. Raigañu fuerte y fonda, de la cepa salen dellos tarmos primarios.[2]
Distribución y hábitat
editarToa Europa sacante Islandia. Habita en sebes y carbes y márxenes del monte. Floria en primavera y branu.[3]
Usos
editarLos nativos norteamericanos yá utilizaben el miyu del sol como anticonceutivu. Esperimentalmente comprobóse que los sos estractos inhiben la lliberación de gonadotrofinas y prolactina, ensin influyir direutamente na so síntesis a nivel del lóbulu anterior de la hipófisis. Les granes seques del miyu del sol utilícense tradicionalmente pa la estracción de cuerpos estraños de los güeyos: asítiase una grana sol párpagu y al amugase produzse una capa mucilaginosa a la que queda xuntáu al oxetu, lo que facilita y acelera la so eliminación.[ensin referencies]
Amás, puede estrayese del raigañu d'esta planta un tinte de color púrpura. Ye preferible coyer los raigaños mientres la primavera.[4]
Taxonomía
editarLithospermum officinale describióse por Carolus Linnaeus y espublizóse en Species Plantarum 1: 132. 1753.[5]
- Aegonychon arvense Gray
- Lithospermum arvense
- Margarospermum arvense Decne.
- Rhytispermum arvense (L.) Link
- Rhytispermum medium Fourr.[6]
Ver tamién
editarReferencies
editar- ↑ URL de la referencia: http://www.sabencia.net/nomenclator.php.
- ↑ Bruno Gómez, J. (2002). La flor del Pandorial V, Catálogu Ilustráu. Lleón:Institulo Lleonés de Cultura. ISBN 84-95702-18-5.
- ↑ Polunin, O (1989). Guía fotográfica de las Flores Silvestres de España y de Europa. Barcelona:Omega. ISBN 84-282-0857-3.
- ↑ http://www.ibiblio.org/pfaf/cgi-bin/arr_html?Lithospermum+officinale
- ↑ «Lithospermum officinale». Tropicos.org. Missouri Botanical Garden. Consultáu'l 24 d'avientu de 2012.
- ↑ Lithospermum officinale en PlantList
Bibliografía
editar- Flora of China Editorial Committee. 1995. Fl. China 16: 1–479. Science Press & Missouri Botanical Garden Press, Beijing & St. Louis.
- Nasir, E. & S. I. Ali (eds). 1980-2005. Fl. Pakistan Univ. of Karachi, Karachi.
Enllaces esternos
editar
Wikimedia Commons acueye conteníu multimedia sobre Lithospermum officinale.
| Wikispecies tien un artículu sobre Lithospermum officinale. |
Datos: Q515267- Multimedia: Lithospermum officinale
Especies: Lithospermum officinale
