Llingua polisintética

Les llingües polisintétiques son llingües aglutinantes en grau sumu. Esto ye, llingües nes que les pallabres tán compuestes por munchos morfemes. Una llingua sintética tien más d'un morfema por pallabra, lo cual asocede na mayor parte de les llingües, pero una llingua polisintética tien tal grau d'unión morfolóxica, que de normal s'emplega pa espresar que se produz, en cierta forma, la incorporación, tal como la unión de verbos y nomes nuna mesma pallabra. A lo menos, el númberu, la persona y tipu de sustantivu tantu del suxetu como del complementu direutu tán marcaos nel verbu de dalguna forma, lo que dexa que l'orde de les pallabres sía bien llibre.

Exemplos de llingües polisintétiques

Munches llingües indíxenes americanes, les llingües esquimales y delles llingües paleosiberianas son exemplos de llingües polisintétiques. N'América del Sur destaquen les llingües arawak como exemplu de llingües típicamente polisintétiques. De siguío amuésase l'altu grau de polisíntesis del amuesha (AM, arawak meridional) y del tariana (TA, arawak septentrional), llingües nes que pueden dase "pallabres" que se traducen por una oración completa:

(1a) Ø-omaz-amy-yʔt-amp^y-ye-y-ye-n-yˑn-a

3SG-dir.ríu.embaxo-DISTR-EPENT-DAT-EPENT-PL-EPENT-?-PROG-REFL

'Diben diendo ríu abajo en canoa a última hora de la tarde deteniéndose a lo llargo del camín'

[AM, Wise 1986:582]

(1b) na-mat͡ʃi-ka-i-yá-kaka-tha-sina-bala

3PL-ser.malu-TEM-CAUS1-CAUS2-RECIP-FRUSTRATIVO-PASÁI0.REMOTU-LOC

'Tresformáronse unu a otru en daqué ubicuu anque en devanéu'

[TA, Wise 1986:582]

Dalgunes llingües de señes tienen carauterístiques d'esti tipu, por casu, na llingua de señes arxentina los raigaños d'inclusión numberal inclúin númberos a les señes ('dos-añu(os)', 'tres-selmana(es)') y en toles espresiones idiomátiques onde con una sola seña puede dicise 'voi a la to casa'...

Referencies

Enllaces esternos

Llingua de Seña Arxentina- Fundasord