Llinia C-4 (Cercaníes Asturies)
La llinia C-4f, enantes F-4, ye una llinia de cercaníes per vía estrecha de la rede de cercaníes d'Asturies xestionada por Renfe Feve. La llinia percuerre los conceyos de Cuideiru, Muros, Pravia, Castrillón, Avilés, Carreño y Xixón. Circula enteramente pela llinia Ferrol-Xixón d'ADIF, catalogada como les llinies 740 Pravia-Ferrol y 750 Xixón (Sanz Crespo)-Pravia.[1]
| Llinia C-4 (Cercaníes Asturies) | |
|---|---|
línea de tren de cercanías (es)  | |
.svg){kind=small} | |
 | |
| Llocalización | |
| País |  España |
| Autonomía |  Principáu d'Asturies |
| Historia y usu | |
| Dueñu | Administrador de Infraestructuras Ferroviarias |
| Xestión | Renfe Feve |
| Vía de tren | |
| Anchu de vía | anchu métricu |
 | |
Trazáu
editarLa llinia Xixón-Cuideiru ye una llinia de cercaníes, integrada nel Consorciu de Tresportes d'Asturies, operada por Renfe Feve na llinia d'anchu métricu Ferrol-Xixón xestionada por ADIF. La infraestructura ye de vía única electrificada a 1500 V CC en tol so percorríu.[1] Debíu al trazáu de vía única, los trenes tienen que cruciase en delles estaciones mientres el trayectu. Foi construyida en vía estrecha para tener más posibilidaes de xiru, anque se plantegó en ciertes ocasiones realizar un «Mini-Ave del Cantábricu», que tendría de llegar hasta los 160 km/h en afaciéndose la llinia.[2]
Servicios
editar
El contratu d'OSP ente'l Ministeriu de Fomentu y Renfe Operadora establez una ufierta comercial de 72 circulaciones diaries en díes llaborables. Hai salíes en frecuencies d'un tren cada 30 minutos ente Xixón y Avilés, siguiendo aproximao una vegada per hora a Pravia y Cuideiru, amenorgándose la frecuencia significantemente escontra estos últimos destinos les fines de selmana y festivos.
La llinia ufierta correspondencia en Xixón cola llinia C-5f a Llaviana. En Pravia enllacen cola llinia C-7f a Uviéu y San Esteban. Amás, comparte'l trazáu colos servicios rexonales de la llinia R-1 a Ferrol ente Pravia y Cuideiru. Enllaza coles mesmes en Xixón y Veriña cola llinia C-1 y n'Avilés cola llinia C-3 de Renfe.
Determinaes estaciones tienen control d'accesu y máquines autoventa o con taquilla pa la venta de billetes.
Referencies
editar- ↑ 1,0 1,1 www.adif.es/es_ES/conoceradif/doc/CA_DRed_AnexoH.pdf
- ↑ https://www.elcomercio.es/v/20100418/asturias/haremos-feve-mini-cantabrico-20100418.html
Enllaces esternos
editar
Datos: Q5987394
Multimedia: C-4 line (Cercanías Asturias)
