Lluís Llach
Lluís Llach i Grande (7 de mayu de 1948, Girona) ye un músicu y cantautor catalán en llingua catalana, que perteneció al grupu de Els Setze Jutges y que puede considerase como ún de los abanderaos de la Nova Cançó catalana. El so cantar más popular y más comprometíu foi L'Estaca compuestu nel añu 1968, que Jacek Kaczmarski afixo como himnu non oficial del sindicatu polacu Solidarnosc, y que se convirtió en 1997 nel himnu oficial del club de rugby Union Sportive Arlequins Perpignan (Unión Deportiva Arlequín de Perpiñán) de Perpiñán (Francia).[8] Tamién foi'l cantar de la Revolución tunecina en 2011.[9] Poles distintes prohibiciones que-y fixeron pa poder interpretar los sos cantares mientres la dictadura franquista, tuvo que exiliase un tiempu en París. En setiembre de 1979 ye'l primer cantante non operísticu qu'actuó per primer vegada nel Gran Teatru del Llicéu de Barcelona pa presentar Somniem.[10]
.jpg)
.svg){kind=small}
.svg){kind=small}
En xunetu de 2015 sumóse al proyeutu soberanista de Junts pel Sí, coalición creada pa participar nes eleiciones al Parllamentu de Cataluña del 27 de setiembre coles mires de contribuyir al procesu de declaración d'independencia y participó nes eleiciones liderando la llista de la formación pola circunscripción de Xerona.[11] Dende ochobre de 2015 hasta xineru de 2018 foi diputáu nel Parllamentu de Cataluña.
Biografía
editarInfancia en Verges
editarYe fíu d'un médicu de pueblu, Josep Maria Llach, de familia de terratenientes carlistes, destináu nel pueblu ampurdanés de Verges, y de madre maestra, María Grande, nacida en Porrera, de familia estremeña, que recibiera una educación burguesa en Barcelona.[12] El so bisagüelu Joaquín Llach foi xefe del carlismu na provincia de Xerona.[13] Vivió la so infancia nesti pequeñu pueblu asitiáu nel Baix Empordà, comarca de la que siempres se declaró un namoráu. Nun perdió nunca estos raigaños ya inda güei participa cada Selmana Santa na famosa procesión de la Danza de la Muerte y tien una residencia nel pueblu vecín de Parlavà.
Según pallabres del propiu Lluís Llach, la persona qu'introduxo la música na so casa foi so madre. Tanto Lluís como'l so hermanu Josep Maria empezaron tocando una guitarra, hasta qu'a la edá de cuatro años apaeció un pianu, col que Lluís empezó a componer les sos primeres melodíes aproximao dos años más tarde. Reparando'l bon oyíu del so fíu, los padres confiaron la so educación musical a Quim Gil, con respectu al solféu, y a Lau Roure y la so esposa Montserrat Puigdemont.[14]
En 1957, a la edá de nueve años, treslládase a Figueres pa siguir los sos estudios, internáu nel colexu de La Salle, onde se refuxó nel mundu de la música, pasando hores y hores solu delantre del pianu.[15] El contrapesu nesti mundu solitariu atopólu nos branos, diendo al pueblu de la madre, Porrera, onde conoció a Jorgina Domènech, que lu averó a la música de los chansonniers franceses, y de mou especial, a la de Jacques Brel. A ella dedicó-y en 1968 el cantar d'amor Per un tros del teu cos.[16] Sicasí, el so primer cantar, Que feliç era, mare, con lletra del so hermanu, ye d'alredor de 1965.[17]
Els Setze Jutges
editarEn 1963, a la edá de 16 años, treslládase a Barcelona pa estudiar el preuniversitariu y darréu faer estudios d'inxeniería. Dos años dempués, inscribióse na Facultá d'Económiques, estudios qu'abandonó pa cursar lo que, según él, sería la so universidá: intégrase nel movimientu de la Nova Cançó, incorporándose al grupu Els Setze Jutges, del cual foi'l postreru componente. Albert Mallofré, críticu musical de La Vanguardia comentábalo asina:
«Lluís Llach es, de los tres recién llegados, el más joven. Ignoramos si en edad, pero artísticamente es mucho más joven que sus dos compañeros. Sus textos y su composición musical son típicos productos de juventud. Son tiernos y limpios, pero aún inocentes y primarios. Su estilo interpretativo carece de perfil contrastado y se le nota a menudo un acento (un acento estilístico) más de El Pueblo Seco que de Verges. Y si decimos del «Poble-sec» no es a la ligera, sino para aludir a un miembro muy conocido de la canción popular actual. Lluís Llach es un artista que empieza y su trayeutoria desembocará en un puerto u otro y será más o menos larga y fructífera en medida que se vaya desarrollando su personalidad. Por ahora es muy arriesgado un pronóstico, sólo se le puede dar la bienvenida y desear que su vocación no pierda el estímulo». Albert Mallofré, La Vanguardia[18]
El so debout fízolu'l 22 de marzu de 1967 en Terrasa, conciertu en que, según esplicó de cutiu, pasóse tol tiempu colos güeyos zarraos y coles piernes tremeciendo. En payares del mesmu añu, actuó al pie de Raimon na plaza de toros de las Arenas de Barcelona.[19]
En 1968, añu del mayu francés, del que se considera fíu, ye pa Llach el de la llegada del ésitu popular con L'Estaca (Concèntric). Los censores aprobaron esti cantar la octava vegada que Llach lu presentó, pero foi aprobada con otru nome, "Ahir". Esti himnu de reivindicación foi prohibíu l'añu siguiente, pero yá yera un cantar popular. Joan Molas y Núria Batalla convirtiéronse nos sos representantes, contratu que perduró hasta avientu de 1990.
En payares participó nel Festival del Cantar de Barcelona col cantar A cara o creu, interpretada tamién por Dolors Lafitte y compuesta por Josep Maria Andreu y Lleó Borrell, y consiguió el segundu llugar. Ente los asistentes había un representante de CBS n'España, que-y ufiertó fichar pola multinacional pa cantar en castellán.[20] Refugó la ufierta y robló un contratu con un pequeñu sellu discográficu catalán, Concèntric, que tenía como únicu oxetivu caltener vives la llingua y cultura catalana frente a la dictadura franquista. Con esta discográfica grabó'l so primer discu colos cantares Que feliç era mare, La barca, En Quitero y El Parc.
L'añu siguiente, grabó el so primer LP: Els èxits de Lluís Llach, reeditáu darréu col títulu Les seves primeres cançons. La popularidá del cantante foi xubiendo y col tema Irene, yá cola discográfica Movieplay y la producción musical de Joan Molas, algamó les 100.000 unidaes vendíes.[21] Irene nació d'un desengañu amorosu con una moza francesa que braniaba en La Escala y que-y abrió les puertes de tolos cambeos que se taben produciendo en Francia. Si Irene constitúi un cantar d'induldable «ganchu» comercial, ye tamién un interesante retratu de les moliciones de la mocedá d'aquel momentu, como lo son tamién Despertar y Res no ha acabat, mientres que Temps i temps... foi, posiblemente, el meyor de tolos cantares interpretaos hasta entós por Lluís Llach. Tolos cantares tuvieron escritos pol mesmu intérprete, sacante'l postrer, con lletra de Josep Maria Andreu y música de Llach.
El 13 d'avientu de 1969, presentóse en solitariu nel Palaciu de la Música Catalana, au se consolidó como ún los meyores cantautores del momentu con una popularidá creciente en tolos niveles. Nesti recital L'Estaca cantóse namái pol públicu, yá que taba prohibíu. El discu Ara i aquí recueye en direutu la so actuación. El 26 d'avientu cantó per primer vegada con Laura Almerich, una parte fundamental del so acompañamientu musical mientres tola so carrera.[22]
Exiliu en París
editarLluís Llach entamó un estensu y variáu repertoriu con cantares como Que feliç era, mare!, La meva terra, Res no ha acabat, Jo sé, Damunt d'una terra, El día, Cant miner, Cels trencats, Cal que neixin flors a cada instant, El bandoler, Per un tros del teu cos, Irene, Jo també he dormit a l'alba, Tot sovint escolto històries que em parlen d'esclaus, Cop de destral, Aquell vaixell, Respon-me, Cinquanta estrelles, y cola interpretación de L'estaca con música sola.
De magar esi momentu, Llach ye víctima de prohibiciones y persecución inteleutual. En payares de 1970, viaxó a Cuba y participó nun recital onde criticó la política de Franco, lo que provocó que l'embaxador español abandonara la sala.[23] De regresu, y en siendo aplazáu repitíes vegaes, el 6 d'avientu, Lluís fixo'l so debú nel teatru Monumental de Madrid, el primer recital íntegramente en catalán nun llocal comercial. Dambos fechos causáron-y dures prohibiciones: mientres cuatro años nun podría cantar n'España, sacantes Cataluña. El 12 d'avientu prohibióse-y un recital na final del I Premiu Revelación de Cantar na Comunidá Valenciana, en Valencia, onde participaba como artista convidáu.[24] La so situación profesional faise insostenible y decidió exiliase a París xunto a los sos representantes. Teresa Rebull presentólu a Paco Ibáñez y a Mikis Theodorakis.
En 1972 publicóse'l so tercer discu de llarga duración Com un arbre nu, y los años 1973 y 1974 consiguió la so consagración fuera de Cataluña coles sos actuaciones nel Olympia de París. El discu constaba de nueve canciones de contextura diferente pero venceyaes col mesmu espíritu y engarzaes nuna sola unidá homoxénea. Ye, ensin dulda, el volume más interesante pola so concepción y ún de los meyor llograos de cuantos creáranse nel país últimamente. Ye, amás, un tou harmónicu darréu que nun pue solliñase un cantar penriba de los otros nuna estimación cualitativa, nin s'atopa nel trabayu global de Lluís Llach el menor desequilibriu tantu na construcción de los testos como les les sos partitures.[25]
Viatge a Ítaca
editarEl so nuevu trabayu del añu 1975, Viatge a Ítaca, basáu en testos de Kavafis, convirtióse nel so discu más vendíu hasta entós con 150.000 copies. Con esti discu empecipió la collaboración nos arreglos de Manel Camp y cola batería Santi Arisa, dambos manresanos y antiguos componentes de Fussion. El so presentación fixo'l 7 de mayu nel Palaciu de la Música Catalana y a les venticuatro hores de ponese les entraes a la venta yá s'escpsaran. El llunes 12 de mayu, el cantante foi conducíu pola policía dende l'hotel au s'agospiaba, hasta la "Xefatura Superior", onde tuvo que declarar y nun salió hasta dos hores más tarde. L'interrogatoriu centróse nel primer recital cuando'l cantante, que tenía prohibío faer nenguna repetición de los sos cantares, dempués de que'l públicu aplaudiera mientres más de venti minutos, volvió salir pa dicir que nun podía cantar otru.[26]
L'eventu previstu en principiu pa seis actuaciones, remató na quinta, cuando se-y prohibe un bis, detiénse-y y llévase-y a la Comandancia Cimera de Policía. Mientres, el públicu abandonando'l Palaciu cantaba a coru L'Estaca . Prohíbese-y siguir colos recitales, impónse-y una multa de 100.000 pesetes, y per más d'ocho meses quedaron prohibíes toles sos actuaciones n'España. El, daquella, gobernador civil de Barcelona, Rodolfo Martín Villa, xustificólo poles repitíes «infraiciones al reglamentu d'espectáculos, que prohibe dafechamente que los artistes se dirixan al públicu y afiten diálogu con él, casu que'l señor Llach fixo en repitíes ocasiones, profiriendo espresiones que l'autoridá gubernativa envaloró como atentatories a les instituciones y a la llexislación vixente». Mientres persisten les prohibiciones n'España (más de setenta y cinco),[27] Llach vuelve abellugase nel estranxeru. El mes d'agostu actuó en Londres, otra vegada nel Olympia, en Venezuela, y el Théâtre de la Ville de París ufiertó-y un contratu p'actuar mientres quince díes. Tou París taba llenu de pósters cola imaxe de Llach. Coincidiendo con estes actuaciones, muerre Franco. Cantó na TV francesa al llau del míticu Georges Brassens nun programa de fin d'añu n'Aviñón y de gran audiencia.
Estilu ya influencies
editarAnque llixeramente dependiente de los arreglos de Manel Camp o Carles Cases nos sos entamos, Llach evolucionó de cantares básicos a pieces de gran complexidá harmónica y melódica. De formación autodidacta, utiliza acordes abiertos simples cuando s'acompaña a la guitarra. Como pianista, amuesa una sólida conocencia de la tradición europea de cantar cultu dende Schubert a Hahn con toques de Satie (Nounou) y los sos contemporáneos catalanes como Mompou y Manuel Blancafort (A la taverna del mar).
Llach utiliza patrones de salsa (Terra), modulaciones en bloque d'un tonu (El jorn dels miserables) y progresiones jazzístiques (Cançó d'amor a la llibertat). Dellos cantares amuesen influencia de la suite de dances barroques (Laura, Jo sé, Vinyes verdes vora el mar) y frases en ostinato acompañaes d'una poderosa recitación teatral (Non, Somniem). Ente les sos influencies como cantante, Llach citó a Mahalia Jackson y Jacques Brel. Nos sos dos cantares más llargos ("Viatge a Itaca" y "Campanades a morts") ye patente la influencia del rock sinfónicu, anque Llach fai un amiestu estraordinariamente personal ente esta influencia y el so propiu estilu de cantautor.
Les sos lletres evolucionaron tamién dende les llamaes a l'aición y les temes romántiques escontra ciclos de cantares en redol a un conceutu o ironíes polítiques de considerable fineza. El mar y una actitú valiente ante la muerte inevitable son dos de les sos temes recurrentes. Llach destaca como musicalizador de poemes de Kavafis, Màrius Torres, Josep Maria de Sagarra, Pere Quart y, especialmente, de Miquel Martí i Pol.
Discografía
editar- Els èxits de Lluís Llach (1968)
- Ara i aquí (1970)
- Com un arbre nu (1972)
- Lluís Llach a l'Olympia (1973)
- L'Estaca (1973)
- I si canto trist... (1974)
- Viatge a Itaca (1975)
- Barcelona, gener de 1976 (1976)
- Campanades a morts (1977)
- El meu amic, el mar (1978)
- Somniem (1979)
- Verges 50 (1980)
- I amb el somriure, la revolta (1982)
- T'estimo (1984)
- Maremar (1985)
- Camp del Barça, 6 de juliol de 1985 (1985)
- Astres (1986)
- Geografia (1988)
- La forja de un rebelde (BSO)(1990)
- Torna aviat (1991)
- Ara, 25 anys en directe (1992)
- Un pont de mar blava (1993)
- Rar (1994)
- Porrera (1995)
- Nu (1997)
- 9 (1998)
- Temps de revoltes (2000)
- Jocs (2002)
- Junts (con Josep Carreras, 2003)
- Poetes (2004)
- Que no s'apague la llum (con Feliu Ventura 2005)
- i. (2006)
- Verges 2007 (2007)
Referencies
editar- ↑ URL de la referencia: https://www.parlament.cat/document/composicio/244549.pdf. Data de consulta: 12 abril 2020.
- ↑ Afirmao en: Gemeinsame Normdatei. Identificador GND: 119551381. Data de consulta: 16 ochobre 2015. Llingua de la obra o nome: alemán. Autor: Biblioteca Nacional d'Alemaña.
- ↑ URL de la referencia: http://dogc.gencat.cat/ca/pdogc_canals_interns/pdogc_resultats_fitxa/?action=fitxa&documentId=6000.
- ↑ URL de la referencia: https://www.uce.cat/premi_canigo.html.
- ↑ «Diari Oficial de la Generalitat de Catalunya» (catalán). Q47462854.
- ↑ URL de la referencia: http://www.govern.cat/pres_gov/govern/ca/notespremsa/308722/president-quim-torra-nomena-membres-consell-assessor-limpuls-forum-civic-social-pel-debat-constituent.html.
- ↑ 7,0 7,1 URL de la referencia: https://www.vilaweb.cat/noticies/lluis-llach-entrevista-dimissio-consell-republica/.
- ↑ Jurado / Morales (2007) p.343
- ↑ «Estaca en la Revolución de Túnez». Diario Público. Archiváu dende l'orixinal, el 28 de payares de 2015. Consultáu'l 23 d'ochobre de 2011.
- ↑ «Biografía de Lluís Llach». Letras.com. Archiváu dende l'orixinal, el 2009-12-03. Consultáu'l 8 d'avientu de 2009.
- ↑ «Lluís Llach, cabeza de lista por Girona de la candidatura de Mas».
- ↑ Jurado / Morales (2007) p.17
- ↑ «Onze generacions de la família de Lluís Llach».
- ↑ Jurado / Morales (2007) páxs.18-26
- ↑ Jurado / Morales (2007) páxs.28-29
- ↑ Jurado / Morales (2007) páxs.40-41
- ↑ Jurado / Morales (2007) p.63
- ↑ La Vanguardia 9 de xunetu de 1967.
- ↑ Jurado / Morales (2007) páxs.74-75
- ↑ Jurado / Morales (2007) p.94
- ↑ Mansanet (1998) p.94
- ↑ Jurado / Morales (2007) páxs.95-107
- ↑ Jurado / Morales (2007) p.113
- ↑ Jurado / Morales (2007) p.115
- ↑ Albert Mallofré. La Vanguardia 17 de xunu de 1972.
- ↑ La Vanguardia 13 de mayu de 1975
- ↑ La Vanguardia 31 d'avientu de 1975
Datos: Q7999
Multimedia: Lluís Llach
