Lori Singer
Lori Singer (Corpus Christi, Texas, EE.XX., 6 de payares de 1957), de 67 años d'edá, ye una actriz y violonchelista estauxunidense.
Lori Singer | |
|---|---|
 | |
| Vida | |
| Nacimientu | Texas, 6 de payares de 1957[1] (67 años) |
| Nacionalidá |
 Estaos Xuníos |
| Llingua materna | inglés |
| Estudios | |
| Estudios | Juilliard School |
| Llingües falaes | inglés |
| Oficiu | actriz, modelu, música, actriz de televisión, actriz de cine, violonchelista, productora de cine |
| Instrumentu musical | violonchelu |
| IMDb | nm0001742 |
| lorisinger.com | |
 | |
Biografía
editarFía d'un direutor d'orquesta y de una concertista de pianu, ye hermana del actor Marc Singer y del violinista Gregory Singer y prima del direutor de cine Bryan Singer. Educada, pos, nun ambiente musical, debutó como solista de violoncelo a la edá de 13 años.
Empezó a ser popular gracies a la serie de televisión Fama, en que les sos dos primeres temporaes (1982-1983), interpretó a Julie Miller, una moza con talentu qu'aspiraba a abrir pasu como violoncelista. Na serie l'actriz pudo demostrar les sos dotes reales col preséu.
Singer abandonó la serie pa poder protagonizar, xunto a Kevin Bacon, la película Footloose (1984), que llogró escelentes resultancies en taquilla, convirtiéndose n'unu de los mayores ésitos comerciales del cine norteamericanu na década de los ochenta.
Tres Footloose, intervieno en delles películes nes décades de los ochenta y noventa, destacando The Falcon and the Snowman, 1985 (dirixida por John Schlesinger y co-protagonizada por Sean Penn), The Man with One Red Shoe, 1985 (con Tom Hanks), Trouble in Mind, 1985 (dirixida por Alan Rudolph), Summer Heat (1987), Warlock (1989), Sunset Grill (1993), F.T.W. y Short Cuts (1993), de Robert Altman.
En 1995 dio vida a Sydney Bloom, el personaxe principal de la serie de ciencia-ficción VR.5.
Paralelamente siguió la so carrera como concertista de violoncelo, y en xineru de 2008 actuó nel Carnegie Hall de Nueva York.
Referencies
editar- ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
- Lori Singer na Internet Movie Database (n'inglés)
- biografía de Lori Singer en New York Times Movies Archiváu 2003-10-13 en Wayback Machine
Datos: Q255720
Multimedia: Lori Singer
