Manuel Arboleya

Manuel Arboleya Rodríguez (22 de marzu de 1872, Santuyano – 19 d'avientu de 1967, Avilés) foi un pintor asturianu del realismu.

Manuel Arboleya
Vida
Nacimientu	Santuyano, 22 de marzu de 1872
Muerte	Avilés, 19 d'avientu de 1967 (95 años)
Familia
Padre	José Arboleya Turrado
Madre	Segunda Díaz Rodríguez
Oficiu	pintor

Biografía

Siendo un adolescente emigró a Cuba. Ellí foi onde espertó la so rellación cola pintura. En 1886, estudió na Academia de Belles Artes de San Alejandro, en L'Habana. Darréu treslladóse a París y nesa ciudá recibió clases de Pascal Dagnan-Bouveret y de Blanc. En presentándose al Salón de los Independientes cola obra La Navidá de los pobres, y gracies a un estudiu de cabeza femenina, sábise qu'en 1896 entá vivía na capital francesa. Mientres esta dómina parisina fizo amistá con Darío de Regoyos, de quien sería siempres un fervosu almirador. En 1897 treslladóse a Uviéu, onde contraxo matrimoniu. Nesta etapa asturiana dedicóse a la pintura de retratu, al paisaxe —onde reflexa'l so gustu pol impresionismu francés— y, en 1899, a decorar el Salón del Casinu del balneariu de Les Caldes (Uviéu), onde se ve la influencia francesa gracies a un evidente simbolismu. Impartió clases de dibuxu na Sociedá Económica d'Amigos del País y nel añu 1900 pasó a ser profesor de francés na Escuela d'Artes y Oficios d'Uviéu, na que, col tiempu, empezó a dar clases de dibuxu artísticu. A la esposición de 1916 celebrada na Universidá d'Uviéu, dedicada a los artistes asturianos, presentó dos obres: L'Aramo y La ermita de La Vega.

La so continua rellación col arte atayóse primero cuando entró a trabayar na Fábrica d'Armes d'Uviéu y más tarde, por cuenta de la guerra civil española, al exiliase en Francia, país del que tornó en 1944.

Bibliografía

• CID PRIEGO, C., «Dario de Regoyos y la pintura realista», en BARÓN THAIDIGSMANN, J. (Dir.), El arte en Asturias a través de sus obras, Uviéu, La Nueva España, Editorial Prensa Asturiana, S.A., 1996-1997, páxs. 805 - 820.
• VILLA PASTUR, J., «La pintura asturiana», en Enciclopedia Temática de Asturias - Tomo V, Xixón, Silverio Cañada Editor, 1981, páxs. 121 - 202.

Enllaces esternos

• Esta obra remanez de la traducción de Manuel Arboleya de Wikipedia - castellanu, concretamente d'esta versión, espublizada polos sos editores baxo la Llicencia de documentación llibre de GNU y la Llicencia Creative Commons Atribución-CompartirIgual 3.0 Unported.

• Datos: Q104438948