María Neira
María Purificación Neira González (1962, La Felguera) ye una médica asturiana, direutora del Departamentu de Salú Pública y Mediu Ambiente de la Organización Mundial de la Salú (OMS).[1]
María Neira | |
|---|---|
| Vida | |
| Nacimientu | La Felguera, 1962 (61/62 años) |
| Nacionalidá |
 España |
| Estudios | |
| Estudios |
Universidá d'Uviéu Universidá Pierre y Marie Curie Universidá de Xinebra Université de Paris V (es)  |
| Llingües falaes | castellanu |
| Oficiu | direutora |
| Emplegadores | Organización Mundial de la Salú |
 | |
Biografía editar
María Neira estudió medicina na Universidá d'Uviéu y realizó los sos estudios d'especialización d'endocrinoloxía en Francia. Exerció la medicina con Médicos ensin fronteres, en Centroamérica. Más tarde treslladaríase cola ONX a Mozambique y Ruanda. Ingresó na Organización Mundial de la Salú como direutora del departamentu de Prevención y Erradicación d'Enfermedaes Infeicioses. Tres esto, en 2002, foi nomada presidenta de l'Axencia Española de Seguridá Alimentaria, treslladándose a Madrid.[2]
Pocos años dempués tornó a Xinebra pa siguir el so trabayu na OMS, yá como direutora del departamentu de Salú Pública y Mediu Ambiente.[1]
María ta casada col italianu Salvatore, que trabaya en Altu Comisionado de les Naciones Xuníes pa los Refuxaos (ACNUR), y tien un fíu.[3]
Premios y reconocencies editar
- Orde del Méritu Nacional (Gobiernu de la República Francesa, 2006).
- Premiu Príncipe d'Asturies de Cooperación Internacional (Fundación Príncipe d'Asturies, 2009), xunto cola direutora de la OMS Margaret Chan.
- Premiu "Woman" (2015), recibíu de manes de la Reina Letizia.
Referencies editar
- ↑ 1,0 1,1 «Neira González, María Asturies».
- ↑ «Suplementu Asturies - Revista Fusion - Muyer Ástur. Maria Neira. Presidenta Axencia Española De Seguridá Alimentaria».
- ↑ «La Nueva España - Diariu Independiente d'Asturies - Sieglu XXI - María Neira: «Si güei nun esistieren la ONX nin la OMS, habría qu'inventales»».
Datos: Q6004352
