María Ostiz

María Ostiz
Vida
Nacimientu	Avilés, 8 de xunu de 1944 (80 años)
Nacionalidá	España
Familia
Casada con	Ignacio Zoco (1969 – m. 2015)
Fíos/es	3
Estudios
Estudios	Universidá de Navarra llicenciatura
Llingües falaes	castellanu
Oficiu	cantante
Premios	ver Premio Francisco de Javier (2011) ;
Xéneru artísticu	música folk
Instrumentu musical	caja de música (es) ; guitarra; voz
Discográfica	RCA Records; Hispavox
IMDb	nm0652430

María Dolores Ostiz Espila (8 de xunu de 1944, Avilés), conocida como María Ostiz, ye una cantante asturiana.

Biografía

Con cuatro años treslladóse a vivir a Navarra colos sos padres, Juan Ostiz (1913-2007) y Babila Espila (1917-2018). En Pamplona siguió estudios de cantar y darréu instalóse en Madrid pa estudiar arte dramáticu. Llogró tamién la llicenciatura en Filosofía y Lletres pola Universidá de Navarra.

En 1965 grabó'l so primer discu, Buscando amor, cola compañía RCA y sol nome artísticu de Lorella. En 1966, yá con Hispavox, empezó a definir el so propiu estilu musical como solista de marcáu calter acústicu ya influencies populares y folk.

Acompañada de la so guitarra, n'años socesivos collechó ésitos tantu versionando cantares populares gallegos como Na veiriña do mar (1970) o Miña Rianxeira (1971) como con temes propies como No sabes cómo sufrí o Un pueblo es.

En 1976 ganó'l Festival OTI del cantar celebráu n'Acapulco, col cantar Canta cigarra. Foi la primer victoria d'España nel festival.

Dempués de grabar dellos discos, siguió la so carrera artística trabayando nel so estudiu creando nuevos proyectos.

Vida privada

Foi esposa del futbolista d'Osasuna y Real Madrid Ignacio Zoco, que finó'l 28 de setiembre de 2015.

Reconocencies

En 1975 diéron-y el premiu "Llazu de dama d'Isabel la Católica".^[1] En 2011 recibió en xunto col so home'l Premiu Francisco de Javier.^[2]

Discografía

Buscando amor (1965) (EP).
María Ostiz (1967).
María Ostiz (1968).
Canta canta... (1970).
Las alegrías se van (1972).
Lo mejor de María Ostiz (1973).
Pinceladas (1975).
Canta cigarra (1976).
Un pueblo es (1977).
Sueño de un hombre cansado (1980).
Lo mejor de María Ostiz vol. II (1983).
Mujer (1987).
María Ostiz: Éxitos de dos en dos (1967-1978) (1998).

Referencies

↑ «Maria Ostiz».
↑ «"Vivir en Madrid es como vivir en una prolongación de Garde"».

Enllaces esternos

María Ostiz na Internet Movie Database (n'inglés)

Predecesor: Gualberto Castro	Ganadora del Festival de la OTI 1976	Socesor: Eduardo González
Predecesor: Cecilia	España nel Festival de la OTI 1976	Socesor: Trigo Limpio

[1] «Maria Ostiz».

[diariodenavarra_1-2] «"Vivir en Madrid es como vivir en una prolongación de Garde"».

[1]

[2]