María d'Aragón (1482-1517)
María d'Aragón (29 de xunu de 1482, Córdoba – 7 de marzu de 1517, Lisboa), cuarta fía de los Reis Católicos, Isabel I de Castiella y Fernandu II d'Aragón, foi reina de Portugal como segunda esposa de Manuel I, fináu en 1521.
María d'Aragón | |||
|---|---|---|---|
_-_1510-1513.png) | |||
1500 - 1517 ← Sabela d'Aragón - Catalina d'Austria → | |||
| Vida | |||
| Nacimientu | Córdoba, 29 de xunu de 1482 | ||
| Nacionalidá |
Corona d'Aragón Corona de Castiella Reinu de Portugal | ||
| Muerte | Lisboa, 7 de marzu de 1517 (34 años) | ||
| Sepultura |
Monasterio de los Jerónimos de Belém (es)  | ||
| Causa de la muerte |
fiebres puerperales (es) | ||
| Familia | |||
| Padre | Fernandu II d'Aragón | ||
| Madre | Sabela I de Castiella | ||
| Casada con |
Manuel I de Portugal (es) (1500 (Gregorianu) – )[1] | ||
| Fíos/es | |||
| Hermanos/es | |||
| Pueblu | Burgund-Trastamara | ||
| Estudios | |||
| Llingües falaes | castellanu | ||
| Oficiu | aristócrata | ||
| Creencies | |||
| Relixón | Ilesia Católica | ||
 | |||
Biografía
editarNació en Córdoba, en 1482. La so madre, Isabel, taba embarazada de mellizos. La primera en nacer foi María. El segundu, varón, o fema, nació muertu.[3] Esi mesmu añu, Boabdil arrampuñó'l tronu al so padre Muley Hacén y convirtióse nel últimu rei nazarí de Granada.
Casóse'l 30 d'ochobre de 1500 col rei Manuel I de Portugal, vilbu de la so hermana mayor Isabel d'Aragón dende 1498, siguiendo asina cola política de socesives bodes ente les families reales portuguesa y castellanu-aragoneses, nel intentu de xunir los reinos ibéricos que nesa dómina entendíen so una corona Portugal, Aragón y Castiella.
Darréu a la muerte de María, el rei Manuel I va casar con Leonor d'Austria, fía de Xuana I de Castiella y Felipe el Formosu, y sobrina, por tanto, de María d'Aragón.
La so fía Isabel va convertise n'emperatriz al casar col so primu l'emperador del Sacru Imperiu Xermánicu Carlos V.
La política d'aliances matrimoniales ente España y Portugal nun va quedar ende sinón que'l futuru rei de Portugal, Juan III, fíu de María d'Aragón y Manuel I de Portugal, va casar con Catalina d'Austria, fía menor de Xuana I de Castiella y hermana de Carlos V, que tuvo recluyida mientres tola so infancia en Tordesillas al pie de la so madre.
Amás d'otros privilexos y donaciones, el rei concediólu como dote les villes de Viseu y Torres Vedras. Foi una fervorosa partidaria del proyeutu imperial manuelino de destruyir les ciudaes santes islamitas de La Meca y Medina, amestar l'Imperiu mamelucu y conquistar los llugares santos de la cristiandá, especialmente Xerusalén.
En 1508 consiguió del so home'l perdón poles intervenciones destructives y violentes del pogromo contra los xudíos de 1506.
Morrió'l 7 de marzu de 1517 en Lisboa por cuenta del so últimu partu, del que nació un neñu llamáu Antonio n'avientu 1516, que vivió pocos díes.
La so vida yá corría en peligru cuando taba embarazada del so últimu fíu, por cuenta de los partos anteriores que-y dieren 9 fíos.
Foi soterrada nel Monesteriu de los Jerónimos de Belém, en Lisboa.
Descendencia
editarDel so matrimoniu con Manuel I de Portugal nacieron diez fíos:
- Juan III, rei de Portugal (1502-1554).
- Sabela de Portugal (1503-1539), casada col so primu Carlos I d'España, madre de Felipe II d'España, I de Portugal dende 1580.
- Beatriz (1504-1538), casada con Carlos III de Saboya, desaposiáu de casi tolos sos estaos en 1544 por Francisco I de Francia, madre de Manuel Filiberto de Saboya, unu de los héroes de la batalla de San Quintín.
- Luis de Portugal, duque de Beja (1506-1555), casáu secretamente con Violante Gómez la Pelícana, xudía, que morrió siendo monxa (otres fontes afirmen que nunca hubo tal matrimoniu ente ellos). D'esta rellación nació Antonio (1531 – 1595), que reclamó los derechos al tronu lusu en 1580 frente a les pretensiones de Felipe II d'España, magar ser illexítimu.
- Fernando, duque de Guarda y Trancoso (1507-1534), casáu con Guiomar Coutinho, condesa de Marialva.
- Alfonso de Portugal, cardenal de Portugal (1509-1540).
- María (1511-1513)
- Enrique I, rei de Portugal (1512-1580).
- Eduardo de Portugal, IV duque de Guimarães (1515-1540), casáu con Isabel de Braganza, que la so fía la duquesa Catalina, apostó los derechos socesorios al tronu portugués del so primu hermanu, Felipe II d'España, I de Portugal. Eduardo ya Isabel fueron bisagüelos de Juan IV de Portugal.
- Antonio (1516)
Ancestros
editarVer tamién
editar- Inquisición portuguesa
Referencies
editar- ↑ 1,0 1,1 1,2 1,3 1,4 Afirmao en: Kindred Britain.
- ↑ Afirmao en: The Peerage. Llingua de la obra o nome: inglés. Autor: Darryl Lundy.
- ↑ ISBN
Enllaces esternos
editar
Wikimedia Commons acueye conteníu multimedia sobre María d'Aragón.- «María d'Aragón». en Find a Grave. (n'inglés)
| Predecesora: Isabel d'Aragón |
.svg){kind=small} Reina consorte de Portugal y Algarves 1500-1517 |
Socesora: Leonor d'Austria |
Datos: Q229816- Multimedia: Maria of Aragon, Queen of Portugal
