Marcha de Fierro
La Marcha de Fierro (n'eusquera: Burdinaren Martxa y en castellanu: Marcha de Hierro) foi una movilización llevada a cabu dende'l 9 d'ochobre de 1992 al 26 d'ochobre dende'l País Vascu y Asturies hacia Madrid. L'oxetivu yera protestar escontra la situación de grave crisis del sector de la siderurxa y pidir un cambéu na política industrial del gobiernu, principalmente, pa con Altos Hornos de Vizcaya y Ensidesa. El percorríu ficiéronlu más de 500 trabayadores y, acordies colo recoyío en prensa, nes distintes movilizaciones xuntáronse 50.000 persones. Sicasí, la marcha nun algamó los oxetivos, y eses empreses zarraron o se tresformaron.
Antecedentes
editarLes empreses metalúrxiques vivieron un momentu d'esplendor cola revolución industrial d'Asturies y l'espoxigue de la industria nel País Vascu a principios de la década de 1970. Por exemplu, en 1973 en Lesaka (la fábrica de "Laminaos de Lesaka" y la de tubos de Zalain). Daquella la principal empresa del País Vascu yera Altos Hornos de Vizcaya, con alredor de 15.000 trabayadores. El siderúrxicu yera'l principal sector económicu y daba trabayu a unes 250.000 persones de les tres provincies vasques, representando cuasi'l 47% de la población activa.
Dempués de la crisis del petroleu de 1973 hebo un cambiu fondu a nivel mundial, sicasí, n'aquella dómina n'España imperaba l'autarquía entamada pol franquismu. El procesu que se conoz como anovamientu industrial llegó más tarde, a lo llargo de la década de 1980, col gobiernu de Felipe González. Na década de 1990 les principales empreses fueren les del aceru, la construcción y la maquinaria.
Nesa situación, fueron habituales les fuelgues y les manifestaciones, pa intentar dar la vuelta a la situación a lo llargo de meses n'Asturies y, en menor midida, en Sestao. El 4 de setiembre de 1992 la direición presentó una propuesta pa facer desapaecer 6.400 puestos de trabayu n'Asturies y prexubilar 5.905 trabayadores nacíos primero de 1941. Los trabayadores nun taben pol llabor y propunxeron facer una marcha hasta Madrid escontra'l plan del Ministru d'Industria Claudio Aranzadi.
Marcha
editarItinerariu asturianu de la Marcha de Fierro
|
La Marcha de fierro salió'l 9 de setiembre de Lesaka, Sestao y Uviéu, col oxetivu d'acabar con una gran manifestación en Madrid. 500 trabayadores salieron de Sestao a Llodio. Dende Asturies partieron otros 250 trabayadores. UXT n'Asturies y LAB en Bizkaia yeren los sindicatos mayoritarios, anque tamién convocaben CCOO, ELA y USO. Xunto cola marcha, les muyeres de los trabayadores crearon les comisiones y les movilizaciones d'apoyu pa visibilizar la situación.
El 25 d'ochobre nel pueblu de Pozuelo de Alarcón xuntáronse les dos principales columnes y rematóse, como taba previsto, con una gran manifestación en Madrid. Enllenóse'l percorríu y cortáronse hores dalgunes cais de la la capital. Al tiempu, nes empreses afeutaes los trabayadores punxéronse en fuelga.
Consecuencies
editarLa movilización sirvió pa visibilizar la gravedá de la situación de la industria siderúrxica en marcha también y pa salvar dalgunes empreses de laminación, como les d'Etxebarri y Lesaka. Sicasí, unos años dempués, toa esta industria echó'l pieslle y abrióse una planta más pequeña d'ACB pa la fabricación d'aceru de Sestao. El desemplegu aumentó tanto n'Asturies como nel País Vascu y, la denomada Reconversión Industrial, tuvo un impautu desigual en dambes comunidaes.
Referencies
editarEnllaces esternos
editar- Documental de la Canal+
- Videu editáu por Iker Taldea en collaboración cola seición sindical de LAB d'AHV
Datos: Q42324793
