Marguerite Snow
Marguerite Snow (9 de setiembre de 1889, Salt Lake City – 17 de febreru de 1958, Woodland Hills) foi una actriz d'Estaos Xuníos de la dómina del cine mudu.
Marguerite Snow | |
|---|---|
 | |
| Vida | |
| Nacimientu | Salt Lake City, 9 de setiembre de 1889[1] |
| Nacionalidá |
 Estaos Xuníos |
| Muerte | Woodland Hills, 17 de febreru de 1958[1] (68 años) |
| Sepultura | Forest Lawn Memorial Park |
| Familia | |
| Casada con |
James Cruze (1913 – 1923) Neely Edwards (1925 – 1958) |
| Oficiu | actriz de teatru, actriz de cine |
| IMDb | nm0811293 |
 | |
Carrera nel cine mudu
editarNacida en Salt Lake City, Utah, so padre yera comediante. Educóse en Denver, Colorado, na Academia Loretta Heights.
Snow foi actriz a una edá temprana, destacando nel cine tres una esitosa carrera teatral na que llegó a trabayar nel circuitu de Broadway. Marguerite Snow empezó la so carrera cinematográfica en 1911 trabayando pa la Compañía Thanhouser en Nueva Rochelle, Nueva York y pal estudiu Metro Pictures, posterior MGM. Dalgunes de les cintes nes qu'actuó fueron Baseball and Bloomers (1911), A Niagara Honeymoon (1912), The Caged Bird (1913), Broadway Jones (1917), The Veiled Woman (1922), y Kit Carson Over The Great Divide (1925). En Broadway Jones Snow interpretaba a una estenógrafa, y el filme suponía la primer actuación cinematográfica de George M. Cohan. Snow nun volvió actuar pa la pantalla tres l'entamu del cine sonoru.
Vida personal
editarMarguerite Snow casóse dos veces. El so primer home foi James Bosen, un actor y direutor cinematográficu que'l so nome artísticu yera James Cruze, y col cual casóse en xineru de 1913. Él trabayaba con Famous Players-Lasky y foi unu de los direutores más conocíos de la dómina. Mientres el procesu de divorciu lleváu a cabu n'ochobre de 1923 Snow afirmó que'l so home maltratábala con frecuencia. Nuna ocasión Cruze cutió a la so esposa, que cayó al suelu y perdió un diente. La pareya tuvo una fía, Julie Jane. Darréu, el 25 d'avientu de 1925, Snow casóse con Neely Edwards, un actor cinematográficu que foi'l maestru de ceremonies na obra teatral The Drunkard.
En 1957 Marguerite Snow foi sometida a una intervención quirúrxica renal. De resultes de la mesma surdieron complicaciones que l'actriz nun pudo superar. Finalmente, Snow finó na Motion Picture Country Home de Los Angeles, California, en 1958. Tenía 68 años d'edá. Foi soterrada nel Campusantu Forest Lawn Memorial Park de Glendale (California).
Referencies
editar- Fort Wayne (Indiana) News, Movie Actress Has Lots of Admirers, 16 de mayu de 1913, Páxina 7.
- The Frederick (Maryland) Post, Theaters, Llunes, 10 de setiembre de 1917, Páxina 6.
- Los Angeles Times, Cruze's Ex-Wife Called Destitute, 29 d'ochobre de 1938, Páxina A9.
- Los Angeles Times, Marguerite Snow, Star of Silents, Dies, 18 de febreru de 1958, Páxina 4.
- Los Angeles Times, Marguerite Snow's Rites Set Today, 20 de febreru de 1958, Páxina B26.
- New York Times, Marguerite Snow, 18 de febreru de 1958, Páxina 27.
Referencies
editar- ↑ 1,0 1,1 Afirmao en: autoridaes BNF. Identificador BnF: 165491333. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.
Enllaces esternos
editar
Wikimedia Commons acueye conteníu multimedia sobre Marguerite Snow.- Marguerite Snow na Internet Movie Database (n'inglés)
- «Marguerite Snow». en Find a Grave. (n'inglés)
- Semeya de Marguerite Snow
Datos: Q2477872- Multimedia: Marguerite Snow
