Abrir el menú principal

Salt Lake City, a menudu nomada Salt Lake o cola abreviatura SLC, ye la capital y ciudá más poblada del estáu d'Utah, nos Estaos Xuníos. Ye, colos sos 190.884 habitantes (U.S. Census Bureau, 2014), el centru de l'área metropolitana de Salt Lake City, que tenía una población estimada en 2014 de 1.153.340 habitantes. Esta área forma, a la vez, parte d'una metrópolis mayor, conocida como Área Estadística Combinada Salt Lake City–Ogden–Provo (2.423.912 habitantes estimaos pa 2014), que ye un corredor continuu de núcleos de población urbana y suburban que s'estiende a lo llargo de 190 km de la rexón metropolitana nomada Wasatch Front. La ciudá ye tamién la sede alministrativa del condáu de Salt Lake, el más pobláu del estáu d'Utah.

Salt Lake City
Salt Lake City pan 1.jpg
Alministración
PaísBandera de Estaos Xuníos d'América Estaos Xuníos d'América
EstaosBandera de Utah Utah
CondadoCondado de Salt Lake [[File:Arbcom ru editing.svg
Tipu entidá ciudá de los Estaos Xuníos
Jackie Biskupski
Nome oficial Salt Lake City
Nome llocal Salt Lake City
Xeografía
Coordenaes 40°45′00″N 111°53′00″O / 40.75°N 111.8833°O / 40.75; -111.8833Coordenaes: 40°45′00″N 111°53′00″O / 40.75°N 111.8833°O / 40.75; -111.8833
Salt Lake City is located in los EE.XX.
Salt Lake City
Salt Lake City
Salt Lake City (los EE.XX.)
Superficie [convert: unknown unit] km²
Altitú 1288 Q11573
Llenda con Magna Traducir y West Valley City Traducir
Demografía
Población 186 440 hab. (2010)
Porcentaxe 100% de Condado de Salt Lake Traducir
Densidá Error d'espresión: Operador < inesperáu hab/km²
Más información
Fundación 1847
Estaya horaria UTC−7 Traducir y Mountain Time Zone (MTZ)
Llocalidaes hermanaes Izhevsk, Keelung, Turín, Manaus y Chernivtsi
www.slc.gov
Cambiar los datos en Wikidata

La ciudá ye la sede mundial de la Ilesia de Xesucristo de los Santos de los Últimos Díes. La ciudá foi fundada por seguidores d'esa ilesia, encabezaos por Brigham Young, en 1847, pa intentar afuxir de la persecución que sofrieran cuando vivíen nel este de los Estaos Xuníos. Los pioneros mormones, como sedríen conocíos de magar, asentáronse no que yera un valle áridu y entamaron de siguío a planear, construyir y lluéu estender una amplia rede de infraestructures de regadíu pa poder alimentar la población del momentu y la que podría aportar nún futuru. El diseñu del sistema de cuadrícula urbanu de les cais de la ciudá tomó como centru el Salt Lake Temple.

La ciudá recibió'l so nome, que yera Great Salt Lake City, pola so prosimidá al Gran Llagu Saláu (Great Salt Lake); en 1868 el parllamentu estatal eliminó la pallabra Great (gran) del nome oficial de la ciudá.

La llegada de fieles de la ilesia de llugares estremaos, l'espoxigue de la minería y la construcción del primer ferrocarril trescontinental ficieron que la ciudá medrara enforma nos primeros tiempos tres de la so fundación, nos que llegó a ser nomada "el cruce de caminos del Oeste" (Crossroads of the West). Crúciala l'autopista Lincoln (Lincoln Highway), la primer autopista trescontinental, dende 1913, y ye'l llugar d'intersección de dos autopistes del Sistema Interestatal d'Autopistes, la I-15, que crucia'l país de norte a sur dende la frontera con Canadá en Montana hasta San Diego (California), y la I-80, que lu traviesa d'este a oeste dende Nueva Jersey a San Francisco.

La economía de la ciudá vincúlase al turismu invernal pa practicar l'esquí (foi sede de los Xuegos Olímpicos d'Iviernu de 2002), y al so calter de centru del sector de banca industrial del país.


Índiz

Historia[1]Editar

Los habitantes preeuropeos de la zona norte del actual estáu d'Utah, aú s'asitia Salt Lake City, yeren cazadores-recolectores. Hai restos materiales de 12.000 años d'antigüedá en cueves cerca la ciuda. Alredor del 500 e.C. una tribu nomada fremont, que practicaba l'agricultura, asentose na zona, construyendo viviendes nes roques, que nes parees de so teníen ellaboraos dibuxos, munchos entá visibles anguaño. Los cambeos medioambientales ficieron imposible l'actividá agrícola, y pal sieglu XII la zona taba poblada otra vuelta por tribus de cazadores nómades, los ute, paiute y shoshone.

Los primeros europeos qu'aportaron a la zona foron los españoles, que veníen de Nuevu Méxicu a la gueta d'una ruta directa que los llevara a Monterey (California); yera l'añu 1776. A entamos del sieglu XIX la zona foi esplorada por comerciantes de pieles, que descubrieron el Gran Llagu Saláu y cartografiaron los pasos de montaña. Tres d'ellos llegaron varies espediciones patrocinaes pol gobiernu del país, y entamó un fluxu constante de colonos que pasaben camín de California.

La ciudá de los mormonesEditar

Un grupu de pioneros mormones, dirixíos por Brigham Young, asentáronse nel valle del Salt Lake en 1847, y fundaron, col nome de Great Salt Lake City, la ciudá. La so construcción tevo bien planeada dende la so fundación, y creose una rede de parceles de 40.000 m2 separtaes por cais de 40 m d'anchor. Los colonos recién llegaos entamaron a plantar cereal y a crear una amplia rede d'infraestructures de regadíu, llegando a formase más de 500 asentamientos na ciudá y na so rodiada. L'añu 1848 el desastre rondó la ciudá, porque la seca y una plaga d'insectos punxeron en peligru la collecha; foi la llegada de bandaes de gaviotes, que comieron los insectos, lo que salvó la collecha.

Esi mesmu añu los colonos organizaron l'estáu de Deseret, y solicitaron convertise nún estáu de la Xunión dirixíu pola Ilesia de Mormon. El congresu refugó la so pitición, y en cuenta d'ello creó'l territoriu d'Utah. Salt Lake City algamó l'estatus de ciudá en 1851, y en 1856 sustituyó a Fillmore como capital del territoriu. Los malentendíos sobro les creyencies de los mormones y l'escándalu que causó nel país la práctica de la poligamia ente los fieles d'esa ilesia llevó a la llamada "guerra d'Utah", qu'enfrentó al gobiernu de los Estaos Xuníos y a los colonos mormones. La disputa resolviose pacíficamente en 1858, pero les rellaciones ente la Ilesia y el gobiernu del territoriu caltuviéronse tenses por munchos años.

Los dos ramales del ferrocarril trescontinental que cruciaba'l país dende la costa atlántica a la pacífica xuntáronse a 65 km al norte de la ciudá, comunicando a Utah col restu del país. Nos siguientes venti años abriéronse na rexon cientos d'esplotaciones mineres de cobre, plata y plomo, trayendo bien de población non mormona al territoriu. La presión continua de les autoridaes llevó a la Ilesia a prohibir oficialmente la práctica de la poligamia en 1890. Esto facilitó'l camín pal votu femenín, que fora una de les banderes de llucha nel debate nacional sobro la poligamia. El gran templu de Mormon, qu'entamara a construyise en 1853, foi inauguráu en 1892, y Utah convirtiose n'estáu de la Xunión, el terceru que permitía'l votu a les muyeres, en 1896. Salt Lake City foi, dende la so constitución, la so capital.

Sieglos XX y XXIEditar

Dende l'entamu del sieglu XX la ciudá foi convirtiéndose nuna ciudá moderna. Construyéronse'l capitoliu estatal y dellos otros grandes edificios, entamó'l a furrular el tresporte públicu y entamaron a aparecer grandes barriaes residenciales alredor del centru. Como la mayoría de les ciudaes la Gran Depresión golpeó con fuercia a Salt Lake City, que volvería a medrar demientres la Segunda Guerra Mundial, que fizo aumentar la demanda de metales pa la industria armamentística y favoreció un boom na construcción na ciudá. La espansión industrial siguió dempués de la guerra, y nes décades de 1970 y 1980 llevose alantre un procesu de desarrollu y aguapamientu del centru urbanu, degradáu pol so abandonu pola población más rica, que mercó casa nes afueres.

En 2002 la ciudá agospió los Xuegos Olímpicos d'Iviernu, y de magar tien aprovechao la meyora de les infraestructures que se ficiera pa la olimpiada, y ye un importante centru turísticu invernal venceyáu al esquí.

Enllaces esternosEditar

(n'inglés) Páxina oficial


Esti artículu ye un entamu. Pues ayudar a la Wikipedia n'asturianu ampliándolu.


ReferenciesEditar

  1. Los datos d'esti apartáu tán sacaos del llibru Cities of the United States, 5th edition. Thomson Gale, Detroit, 2006.