Mary J. Rathbun
Mary Jane Rathbun (11 de xunu de 1860, Buffalo – 4 d'abril de 1943, Washington DC) foi una zoóloga d'Estaos Xuníos especializada en crustáceos. Trabayó nel Institutu Smithsonianu dende 1884 hasta la so muerte. Describió más de mil nueves especies, subespecies y taxones.
Mary J. Rathbun | |
|---|---|
_(12483845245).jpg) | |
| Vida | |
| Nacimientu | Buffalo[1], 11 de xunu de 1860[2] |
| Nacionalidá |
 Estaos Xuníos |
| Muerte | Washington DC[3], 4 d'abril de 1943[2] (82 años) |
| Sepultura |
Forest Lawn Cemetery (en)  [3] |
| Familia | |
| Hermanos/es | Richard Rathbun |
| Estudios | |
| Estudios |
Universidá George Washington 1917) Philosophiæ doctor Universidá de Pittsburgh honorary master's degree (en) |
| Llingües falaes | inglés[4] |
| Oficiu | zoóloga, carcinóloga |
| Emplegadores |
United States National Museum (en) |
| Abreviatura en zooloxía | Rathbun |
 | |
Biografía
editarRathbun nació'l 11 de xunu de 1860, en Buffalo, Nueva York, y foi la más nueva de cinco hermanos, fíos de Charles Rathbun y Jane Furey. La so madre morrió cuándo namái tenía un añu. Allegó a la escuela en Buffalo y graduóse en 1878, pero nunca asistió a la universidá.
Vio'l océanu per primer vegada en 1881 cuando acompañó al so hermanu Richard a Woods Hole en Massachusetts. Él trabayaba como ayudante científicu d'Addison Emery Verrill, que de la mesma yera ayudante de xefe del carcinólogo Sidney Irving Smith. Rathbun ayudó a etiquetar, clasificar y documentar los especímenes, y trabayó con crustáceos dende entós. Mientres trés años, trabayó como voluntaria pal so hermanu, antes de llograr la secretaría de Spencer Fullerton Baird nel Insituto Smithsonianu. Siguió trabayando nel muséu, davezu ensin ayuda, y dempués de 28 años, foi xubida a asistente de curaduría al cargu de la División de Crustáceos. En 1915, dempués de la so xubilación, l'Institutu Smithsonianu nomó a Rathbun "Investigadora Asociada Honoraria", y en 1916 la Universidá de Pittsburgh concedió-y un títulu honoríficu de Master. En 1917 foi cualificada pa un Ph.D. na Universidá George Washington.
Morrió en Washington D.C. el 14 d'abril de 1943, a los 82 años, por cuenta de los entueyos acomuñaos a una cadera rota.
Publicaciones
editar Rathbun publicó en 1891 la so primer obra escrita xunto con James Everard Benedict sobre'l xéneru Panopeus. El so trabayu más importante foi Les crabes d'eau douce (Los cámbaros d'agua duce), orixinalmente pensada como una publicación simple, pero que finalmente ocupó tres volúmenes ente 1904 y 1906. Escribió 166 artículos de manera individual o coleutiva, incluyendo descripciones de 1147 nueves especies y subespecies, 63 nuevos xéneros, una subfamilia, 3 families y una superfamilia, según delles nueves nomenclatures. El primer taxón descritu por Rathbun incluyó importantes especies comerciales como'l cámbaru azul del Atlánticu Callinectes sapidus, y el cámbaru, Chinoecetes bairdi.[5][6]
Taxones
editarDellos taxones fueron nomaos n'honor de Mary J. Rathbun:[7]
- Hamatoscalpellum rathbunae (Pilsbry, 1907)
- Maera rathbunae (Pearse, 1908)
- Paromola rathbuni (Porter Mosso, 1908)
- Synalphaeus rathbunae (Coutiere, 1909)
- Candidiopotamon rathbunae (De Man, 1914)
- Pasiphaea rathbunae (Stebbing, 1914)
- Petrolisthes rathbunae (Schmitt, 1916)
- Periclimenes rathbunae (Schmitt, 1924)
- Alpheus rathbunae (Schmitt, 1924)
- Campylonotus rathbunae (Schmitt, 1926)
- Callinectes rathbunae (Contreras, 1930)
- Eriosachila rathbunae (Maury, 1930)
- Tritodynamia rathbunae (Shen, 1932)
- Sacculina rathbunae (Boschma, 1933)
- Pinnixa rathbunae (Sakai, 1934)
- Emerita rathbunae (Schmitt, 1935)
- Callianassa rathbunae (Schmitt, 1935)
- Solenocera rathbunae (Ramadan, 1938)
- Thunor rathbunae (Armstrong, 1949)
- Lysmata rathbunae (Chace, 1970)
- Xanthias rathbunae (Takeda, 1976)
- Cyphocarcinus rathbunae (Griffin & Tranter, 1986)
- Asterias rathbunae (Britajev, 1989)
- Lophaxius rathbunae (Kensley, 1989)
- Rhynchocinetes rathbunae (Okuno, 1996)
- Palaeopinnixa rathbunae (Schweitzer & Feldmann, 2000)
- Marratha (Ng & Clark, 2003)
Referencies
editar- ↑ Afirmao en: Find a Grave. Data de consulta: 3 xunetu 2024. Llingua de la obra o nome: inglés.
- ↑ 2,0 2,1 Afirmao en: Encyclopædia Britannica Online. Identificador Encyclopædia Britannica Online: biography/Mary-Jane-Rathbun. Apaez como: Mary Jane Rathbun. Data de consulta: 9 ochobre 2017. Llingua de la obra o nome: inglés.
- ↑ 3,0 3,1 Afirmao en: Find a Grave. Data de consulta: 27 xunu 2024. Llingua de la obra o nome: inglés.
- ↑ Afirmao en: idRef. Identificador de referencia de idRef SUDOC: 070495254. Data de consulta: 3 mayu 2020. Editorial: Agencia Bibliográfica de Enseñanza Superior. Llingua de la obra o nome: francés.
- ↑ Michael Türkay. «Callinectes sapidus Rathbun, 1896». World Register of Marine Species. Consultáu'l 26 d'ochobre de 2010.
- ↑ Peter Davie. «Chionoecetes bairdi Rathbun, 1893». World Register of Marine Species. Consultáu'l 26 d'ochobre de 2010.
- ↑ Hans G. Hansson. «Dr. Mary Jane Rathbun». Biographical Etymology of Marine Organism Names. Göteborgs Universitet. Consultáu'l 26 d'ochobre de 2010.
Enllaces esternos
editar- Mary Jane Rathbun Papers, 1886-1938 and undated del Archivu del Institutu Smithsonianu.
- Fenner A. Chace, Jr.. «A Brief History of the Invertebrate Zoology Department». Institutu Smithsonianu.
Datos: Q2679156
Multimedia: Mary Jane Rathbun
Especies: Mary Jane Rathbun
