Maud Kamatenesi Mugisha

Maud Kamatenesi Mugisha
Vida
Nacimientu	Uganda, 1969 (54/55 años)
Nacionalidá	Uganda
Residencia	Mbarara (es)
Estudios
Estudios	Universidá Makerere
Llingües falaes	inglés
Oficiu	naturalista, escritora de ciencia, alministradora académica, académica
Emplegadores	Bishop Stuart University (en)
Premios	ver Fellow of the Uganda National Academy of Sciences ;
Miembru de	Uganda National Academy of Sciences (en)

Maud Kamatenesi Mugisha, dacuando escritu Maud Kamatenesi-Mugisha (1969, Uganda) ye una científica ugandesa especialista en historia natural y alministradora académica. Ye la vicecancillera de la Universidá Bishop Stuart.^[1]

Trayeutoria editar

Maud estudió primero na Nganwa High School (1984-1988) y en 1985 na Mary Hill Secondary School en Mbarara. En 1993 foi almitida na Universidá Makerere onde estudió botánica y zooloxía, graduándose con un bachelor de ciencia. Realizó una maestría n'educación, otra en ciencia ambiental y n'alministración de Recursos Naturales; y darréu un doctoráu de filosofía en etnobotánica médica y etnofarmacología na mesma universidá.^[2]

En 1996, en rematando los sos exámenes finales en botánica y en zooloxía en Makerere, foi reclutada como asistente enseñante na Facultá de Ciencia en Makerere. De 1998 a 2000, foi conferenciante y direutora de Departamentu, del Institutu d'Entrenamientu de Pesquerías en Entebbe. Darréu, desempeñaríase como Xefa d'Educación y Alministración d'Estensión de Pesca nel Institutu de Formación de Pesca, Entebbe.

De 2010 a 2011 foi vicedecana, adxunta d'Investigación y Estudios de posgráu, na Facultá de Ciencia, na Universidá Makerere y de febreru de 2011 a mayu de 2014, decana de la Escuela de Biociencias, College de Ciencies Naturales na Universidá Makerere. El 2 de mayu de 2014, la Dra. Maud Kamatenesi Mugisha foi nomada vicecanciller de la Universidá Bishop Stuart, una posición qu'anguaño caltién.^[3]

Publicó 30 publicaciones científiques.^[4] Ye casada y ye madre de cuatro neños.

Ver tamién editar

Referencies editar

↑ UNCHE. «Uganda National Council for Higher Education: Private Universities». Uganda National Council for Higher Education (UNCHE). Consultáu'l 21 d'agostu de 2014.
↑ Mukombozi, Rajab (15 de xunu de 2014). «Kamatenesi: Bishop Stuart’s Vice Chancellor Rises From Grass to Grace». Consultáu'l 21 d'agostu de 2014.
↑ BSU. «Bishop Stuart University: Associate Professor Maud Kamatenesi Mugisha - Vice Chancellor». Bishop Stuart University (BSU). Archiváu dende l'orixinal, el 4 de marzu de 2016. Consultáu'l 21 d'agostu de 2014.
↑ PUBFACTS (agostu de 2014). «Publications Authored By Maud Kamatenesi Mugisha». PubFacts.Com Scientific Publication Data (PUBFACTS). Consultáu'l 21 d'agostu de 2014.

Enllaces esternos editar

Escoyendo Singlehood

[1] UNCHE. «Uganda National Council for Higher Education: Private Universities». Uganda National Council for Higher Education (UNCHE). Consultáu'l 21 d'agostu de 2014.

[2] Mukombozi, Rajab (15 de xunu de 2014). «Kamatenesi: Bishop Stuart’s Vice Chancellor Rises From Grass to Grace». Consultáu'l 21 d'agostu de 2014.

[3] BSU. «Bishop Stuart University: Associate Professor Maud Kamatenesi Mugisha - Vice Chancellor». Bishop Stuart University (BSU). Archiváu dende l'orixinal, el 4 de marzu de 2016. Consultáu'l 21 d'agostu de 2014.

[4] PUBFACTS (agostu de 2014). «Publications Authored By Maud Kamatenesi Mugisha». PubFacts.Com Scientific Publication Data (PUBFACTS). Consultáu'l 21 d'agostu de 2014.

[1]

[2]

[3]

[4]