May Allison
May Allison (14 de xunu de 1890, Rising Fawn – 27 de marzu de 1989, Bratenahl (es) 
) foi una actriz teatral y de cine d'Estaos Xuníos, una de les de mayor fama del so país na dómina del cine mudu.
May Allison | |
|---|---|
 | |
| Vida | |
| Nacimientu | Rising Fawn, 14 de xunu de 1890[1] |
| Nacionalidá |
 Estaos Xuníos [2] |
| Llingua materna | inglés |
| Muerte |
Bratenahl (es) , 27 de marzu de 1989[1] (98 años) |
| Sepultura |
Gates Mills South Cemetery (en) [3] |
| Causa de la muerte | insuficiencia respiratoria |
| Familia | |
| Casada con |
Robert Ellis (1920 – 1923) James R. Quirk (1926 – 1932) |
| Estudios | |
| Llingües falaes | inglés |
| Oficiu | actriz, actriz de cine, actriz de teatru |
| IMDb | nm0021471 |
 | |
Biografía
editarNacida en Rising Fawn, Georgia, yera la más nueva de los cinco fíos del Dr. John Simon Allison y de Nannie Virginia Wise.
Allison debutó como actriz teatral nel circuitu de Broadway en 1914 cola producción Apartment 12-K, empecipiando dempués la so carrera cinematográfica en Hollywood, California. El so primer papel na gran pantalla foi'l d'una inocente nel filme de 1915 de Theda Bara A Fool There Was.
Cuando esi mesmu añu Allison foi escoyida pa trabayar con Harold Lockwood na cinta romántica empobinada por Allan Dwan David Harum, el públicu quedó namoráu de la pareya, polo cual dambos intérpretes empecipiaron una granible collaboración cinematográfica. Posiblemente formaron el primer "dúu románticu" célebre de la gran pantalla, anque dambos actores nunca caltuvieron una rellación sentimental na vida real. En total actuaron xuntos nunes 25 cintes d'ésitu nos años de la Primer Guerra Mundial. Les populares películes romántiques de Allison y Lockwood remataron, sicasí, cuando en 1918 Lockwood finó por causa de la gripe español. A partir d'entós la carrera de Allison perdió fuercia.
A pesar d'ello, Allison siguió actuando nel cine na década de 1920, anque nunca consiguió les mesmes resultancies que cuando actuaba xunto a Harold Lockwood. La so última película enantes de retirase foi la producción de 1927 The Telephone Girl, na que trabayaben Madge Bellamy y Warner Baxter.
En 1920 Allison casóse col actor y guionista Robert Ellis, divorciándose dambos en 1923. L'actriz casóse dempués col editor de la revista Photoplay, James Quirk, una unión que duró hasta 1932. El tercer matrimoniu de Allison, con Carl Norton Osborne, duró más de cuarenta años, hasta la muerte d'él en 1982.
Nos sos últimos años May Allison pasó la mayor parte del so tiempu nuna propiedá en Tucker's Town, Les Bermudes y tuvo venceyada a la Orquesta Sinfónica de Cleveland, Ohio. Ella finó por causa de un fallu respiratoriu en Bratenahl (Ohio) en 1989. Tenía 98 años d'edá. Foi soterrada nel Campusantu Gates Mills South de Gates Mills (Ohio).
Referencies
editar- ↑ 1,0 1,1 Afirmao en: SNAC. Identificador SNAC Ark: w6sw1634. Apaez como: May Allison. Data de consulta: 9 ochobre 2017. Llingua de la obra o nome: inglés.
- ↑ URL de la referencia: http://www.legacy.com/news/today-in-history/died-march-27/2135/.
- ↑ Afirmao en: Find a Grave. Llingua de la obra o nome: inglés.
Enllaces esternos
editar
Wikimedia Commons acueye conteníu multimedia sobre May Allison.- May Allison na Internet Movie Database (n'inglés)
- May Allison n'AllMovie (n'inglés)
- May Allison en Silent Ladies & Gents Archiváu 2005-08-31 en Wayback Machine
- «May Allison». en Find a Grave. (n'inglés)
- May Allison en Virtual History
Datos: Q2656774- Multimedia: May Allison
