Melanocorypha calandra

especie de páxaru

Les especies d'aves con nome común en llingua asturiana márquense como NOA. En casu contrariu, conséñase'l nome científicu. La Melanocorypha calandra ye una especie d'ave passeriforme de la familia de los aláudidos.

Melanocorypha calandra
Estáu de caltenimientu
Esmolición menor (LC)
Esmolición menor (IUCN 3.1)[1]
Clasificación científica
Reinu: Animalia
Filu: Chordata
Clas: Aves
Orde: Passeriformes
Familia: Alaudidae
Xéneru: Melanocorypha
Especie: M. calandra
Linnaeus,, 1766
Distribución
Consultes
[editar datos en Wikidata]

Carauterístiques editar

Mide ente 25 y 27 centímetros y pesa unos 80 gramos. La uña del deu posterior ye allargada. Presenta'l banduyu blancu y una zona negra nel pescuezu, siendo'l plumaxe de tonos parduzos similar en dambos sexos. Ye una ave de vezos diurnos.

La denominación en castellán d'esti nome provién del griegu καλλανδρα.

Hábitat editar

La calandria común ye especie típicamente mediterránea. Abonda n'Andalucía y en tola España cerealista. Na zona norte d'España y en Galicia yá nun añera. En Portugal algama una densidá baxa y paez más abondosa na provincia nortiza de Trás-os-Montes. Nel restu d'Europa ye escasa y n'amenorgamientu nel sureste de Francia, Cerdeña, mitad sur d'Italia, Balcanes y pel este hasta'l sur d'El Cáucasu.

Dieta editar

Aliméntase d'inseutos y canesbes, por casu escarabayos, aviespes y grillos. Tamién se nutren de merucos y d'alimentos d'orixe vexetal como frutos, aprovechando con frecuencia los que topen cayíos nel terrén.

Vezos editar

 
Güevos de Melanocorypha calandra

La calandria común tien una enorme facilidá p'asonsañar el cantar d'otres aves, peculiar comportamientu que-y fixo protagonista de los versos del Romance del prisioneru.

Los machos presenten una maña mayor nel cantar que les femes.

Mientres la dómina d'apareyamientu, los machos canten mientres la mayor parte del día coles mires d'atraer a les femes. Cuando una d'elles avérase, suelen executar una danza nupcial, entamando amodo coles ales en posición oblicua y la cola bien abierta al a la vegada que canten y van alzándose y baxando.

Constrúin los sos niales acovecíos en arbustos pequeños o en campos de ceberes y aisllaos emplegando cañes y campera y raramente n'espacios abiertos.

Referencies editar

  1. BirdLife International (2012). «Melanocorypha calandra» (inglés). Llista Roxa d'especies amenazaes de la UICN 2013.2. Consultáu'l 17 de mayu de 2014.

Bibliografía editar

Enllaces esternos editar