Menkalinan
Menkalinan (β Aurigae / β Aur / 34 Aurigae)[8] ye la segunda estrella más brillosa de la constelación d'Auriga, namái superada por Capella (α Aurigae). El so nome provién del árabe منكب ذي العنان (mankib ðī-l-‘inān), «el costazu del cocheru».
Coordenaes: 
5h 59m 31.723s, 44° 56′ 50.757″
Menkalinan ye un sistema estelar asitiáu a 85 años lluz del Sistema Solar. Los dos componentes principales, Menkalinan A y Menkalinan B, formen una binaria espectroscópica eclipsante, que'l so rellumu conxuntu bazcuya ente magnitú aparente +1,85 y +1,93 cada 47,5 hores, cuando una de les estrelles clisa parcialmente a la otra dende la perspeutiva del observador terrestre. Por cuenta de la fuerte atraición gravitatoria, dambes estrelles tán aburuyaes y nun tienen forma esférica. Los dos son subxigantes de tipu espectral A1IV qu'empezaron a camudar, aumentando en rellumu, al escosar el so hidróxenu internu. Amodo tán abandonando la secuencia principal pa convertise n'estrelles xigantes.[9]
Anque bien asemeyaos, les dos estrelles nun son idéntiques. Menkalinan A, con una temperatura efectivo de 9350 K, ye 51 vegaes más lluminosa que'l Sol. Tien un radiu de 2,76 radios solares y una masa 2,38 vegaes mayor que la del Sol. Menkalinan B ye daqué más fría —9200 K— y relluma con una lluminosidá 44 vegaes mayor que la lluminosidá solar. El so radiu ye 2,57 vegaes más grande que'l del Sol y tien una masa de 2,29 mases solares. La separación ente dambes estrelles ye de namái 17,60 ± 0,06 radios solares —0,08 UA—. Pa una metalicidá similar a la del Sol, la edá del sistema taría entendida ente 450 y 500 millones d'años.[10]
Una tercer estrella, Menkalinan C (CCDM J05596+4457P), paez orbitar alredor del brillante par AB. Ye una nana colorada de magnitú 14 que la so separación real cola binaria AB ye de siquier 330 UA. Dende ellí, el brillante par d'estrelles blanques apenes podría ser resueltu a simple vista.[9]
Menkalinan forma parte de la corriente d'estrelles de l'Asociación estelar del sietestrellu.[11]
Referencies
editar- ↑ 1,0 1,1 1,2 Afirmao en: SIMBAD.
- ↑ 2,0 2,1 2,2 Floor van Leeuwen (2007). «Validation of the new Hipparcos reduction» (n'inglés). Astronomy and Astrophysics (2): páxs. 653–664. doi:.
- ↑ Afirmao en: Catalogue of Stellar Photometry in Johnson's 11-color system. Stated in source according to: SIMBAD. Llingua de la obra o nome: inglés. Data d'espublización: 2002.
- ↑ «Rotational velocities of A-type stars» (n'inglés). Astronomy and Astrophysics (2): páxs. 671–682. febreru 2007. doi:.
- ↑ Dimitri Pourbaix (setiembre 2004). «SB9: The ninth catalogue of spectroscopic binary orbits» (n'inglés). Astronomy and Astrophysics (2): páxs. 727–732. doi:.
- ↑ «Compositional differences between the component stars of eclipsing close binary systems showing chemical peculiarities» (n'inglés). Monthly Notices of the Royal Astronomical Society (1): páxs. 1067–1084. 14 febreru 2019. doi:.
- ↑ Christopher J. Corbally (ochobre 2003). «Contributions to the Nearby Stars (NStars) Project: Spectroscopy of Stars Earlier than M0 within 40 Parsecs: The Northern Sample. I» (n'inglés). The Astronomical Journal (4): páxs. 2048–2059. doi:.
- ↑ Beta Aurigae - Eclipsing binary of Algol type (SIMBAD)
- ↑ 9,0 9,1 Menkalinan (Stars, Jim Kaler)
- ↑ Southworth, J.; Bruntt, H.; Buzasi, D. L. (2007). «Eclipsing binaries observed with the WIRE satellite. II. β Aurigae and non-linear limb darkening in light curves». Astronomy and Astrophysics 467 (3). páxs. 1215-1226. http://cdsads.u-strasbg.fr/cgi-bin/nph-bib_query?2007A%26A...467.1215S&db_key=AST&nosetcookie=1.
- ↑ Menkalinan Archiváu 2016-04-29 en Wayback Machine (The Bright Star Catalogue)
Coordenaes: 5h 59m 31.723s, 44° 56′ 50.757″
Datos: Q13219
