Turdus merula
Les especies d'aves con nome común en llingua asturiana márquense como NOA. En casu contrariu, conséñase'l nome científicu.
El ñerbatu[1] (Turdus merula) ye un páxaru perfácil d'atopar n'Asturies, ye un miembru européu del xéneru Turdus y la familia Turdidae.
Turdus merula ñerbatu  | ||
|---|---|---|
 | ||
| Estáu de caltenimientu | ||
 Esmolición menor (IUCN) | ||
| Clasificación científica | ||
| Reinu: | Animalia | |
| Filu: | Chordata | |
| Clas: | Aves | |
| Orde: | Passeriformes | |
| Familia: | Turdidae | |
| Xéneru: | Turdus | |
| Especie: |
T. merula Linnaeus, 1758 | |
| Distribución | ||
 | ||
| Consultes | ||
| [editar datos en Wikidata] | ||
Nome común
editarNel dominiu llingüísticu conozse comúnmente como mierlu, miruella, miruellu, nerbata, nerbatu, ñerbatu, ñarbatu, torda y tordu.[2]
Descripción
editar- Altor: 21 cm.
- Anchura: 35 cm.
- Ala: 11,6 cm.
- Pesu: 80 gr.
- Picu: 21 mm.
- Rabu: 8,6 cm.
El ñerbatu o nerbatu, miruellu, (tamién nomáu torda en delles zones nel Cotarru del Nalón), alcuéntrase abondo nes viesques de toda Europa y na mayor parte d'Asia. Les poblaciones quédense tou l'añu nel mesmu llugar, magar que nel norte d'Europa viaxen al sur n'iviernu.
El ñerbatu ye omnívoru, cébase de tou tipu d'inseutos, merucos, grana y frutes. Añera nos matos, ónde pon dellos (al rodiu de 4) güevos azulín con pintes nun nial en forma goxu. Nun fai bandaes, pero dellos ñerbatos son a vivir nel mesmu habitat.
El machu ye dafechamente prietu, con un cercu mariellu al rodiu los güeyos y el picu color naranxa-mariello. La fema'l ñerbatu, y los pitinos, son pardizos col picu prietu y nun tienen el cercu mariellu alredor de los güeyos.
El machu de nerbatu ye perconocíu n'Asturies polos sos prestosos cantares, estremando'l so cantu nel alborecer, nel mediudía, nel tapecer y nes dómines de celu. Amás, sábese que'l machu'l ñerbatu depriende cantares d'otros páxaros, remedándolos.
Referencies
editar- ↑ URL de la referencia: http://www.sabencia.net/nomenclator.php.
- ↑ DALLA. «Turdus merula».
Enllaces esternos
editar
Wikimedia Commons acueye conteníu multimedia sobre Turdus merula.
| Wikispecies tien un artículu sobre Turdus merula. |
Datos: Q25234- Multimedia: Turdus merula
Cites famoses: Mirlo
Especies: Turdus merula
