Mola mola
La rueda[2] (Mola mola) ye un pexe peláxicu tetraodontiforme de la familia Molidae. Ye'l pexe oseu más pesáu del mundu, con una media de 1000 kg de pesu y con exemplares qu'algamen más de 3 m de llargor y superen les 2 tonelaes.[3] Ye una especie cosmopolita qu'habita n'agües tropicales y templaes a lo llargo de tol planeta. Tien el cuerpu achapláu llateralmente y cuando estiende les sos aletes dorsales y ventrales, el pexe ye tan llargu como altu.
Mola mola rueda  | ||
|---|---|---|
 | ||
| Estáu de caltenimientu | ||
 Vulnerable (IUCN 3.1)[1] | ||
| Clasificación científica | ||
| Reinu: | Animalia | |
| Filu: | Chordata | |
| Subfilu: | Vertebrata | |
| Superclas: | Osteichthyes | |
| Clas: | Actinopterygii | |
| Subclas: | Neopterygii | |
| Infraclas: | Teleostei | |
| Superorde: | Acanthopterygii | |
| Orde: | Tetraodontiformes | |
| Familia: | Molidae | |
| Xéneru: | Mola | |
| Especie: |
M. mola (Linneo, 1758) | |
| Distribución | ||
 | ||
| Consultes | ||
| [editar datos en Wikidata] | ||
Aliméntase principalmente de dellos tipos de zooplancton xelatinosu como les aguamales, de les que consume grandes cantidaes pa poder desenvolvese y caltener el so gran tamañu, porque ye una dieta probe en nutrientes. Les femes d'esta especie pueden producir hasta 300 millones de güevos, más que cualesquier otru vertebráu conocíu.[4] Los esquiles de la rueda paecen pequeños pexes globu con grandes aletes pectorales, una aleta caudal y espines corporales que nun tienen los exemplares adultos.
Los exemplares adultos son vulnerables a pocos depredadores naturales, pero ye presa de lleones marinos, orques y tiburones. Entre los humanos, la carne ta considerao como una esquisitez en delles partes del mundu, como Xapón, Corea y Taiwán,[5] pero la venta de la so carne ta torgada na Xunión Europea.[6] De vezu, estos pexes queden accidentalmente enganchaos en redes de pesca y tamién pueden dañase o morrer al encontrase con basories flotantes, como bolses de plásticu.
La rueda ye miembru del orde de los Tetraodontiformes, que tamién inclúi a los pexes globu, los pexes corcuspín y les tixes, polo que comparte munchos de les traces comunes a los miembros d'esti orde. Orixinalmente describióse como Tetraodon mola, dientro del xéneru de los pexes globu Tetraodon, pero darréu fueron clasificaos dientro del so propiu xéneru, Mola, qu'inclúi dos especies; M. mola ye la especie tipu d'esti xéneru.
Etimoloxía
editarLa mayoría de los nomes comunes aplicaos a esta especie a lo llargo de tol mundu faen referencia a la so carauterística forma achaplada y arrondada. El nome científicu de la especie, mola, significa en llatín «muela, piedra de molín», por cuenta del so color gris, testura aspra y cuerpu arrondáu. El nome común n'asturianu ye rueda, nome que fai referencia a la so forma arredondiada; lo mesmo faen el gallegu colos términos roda, roda de mar o peixe roda[7], o'l portugués con roda y rodim[8]. El nome común n'otros idiomes como'l castellanu (pez luna), el neerlandés (maanvis), el portugués (peixe lua), el francés (poisson lune), l'alemán (Mondfisch) o'l rusu (рыба-луна) ye «pez lluna», en referencia a la so forma arredondiada. N'alemán tamién recibe'l nome de Schwimmender Kopf, «cabeza que nada» y en polacu samogłów «namái cabeza», en dambos casos denotando que nun tien una auténtica aleta caudal. El so nome común n'inglés, sunfish (pez sol), fai referencia al vezu que tien esti animal de tomar el sol na superficie de l'agua. En Taiwán conócenlu como «pexe mambo».[9]
Taxonomía
editarLa rueda tien dellos sinónimos binominales obsoletos, y primeramente describióse como Tetraodon mola Linneo, 1758 (basiónimo), dientro del xéneru de pexe globu Tetraodon, pero darréu clasificáronse dientro del so propiu xéneru, Mola, qu'inclúi dos especies: M. ramsayi y el mesmu M. mola.[10][11][12] ye la especie tipu d'esti xéneru.[13]
El xéneru Mola pertenez a la familia Molidae; esta familia abarca tres xéneros: Masturus, Mola y Ranzania. La familia Molidae pertenez al orde de los tetraodontiformes, qu'inclúi a los pexes globu, a los pexes corcuspín y a les tixes, colos que comparte munches de les traces comunes a los sos miembros, como los cuatro dientes fundíos que formen el so carauterísticu picu, y que dan nome al orde (tetra=cuatro, odous=diente y forma=forma). Ello ye que les sos canesbes aseméyense más a los espinosos pexes globu qu'a les ruedes adultes.[14]
Descripción
editar
La rueda paez una gran cabeza de pexe sin cola. Nun tien cola ni pedúnculu caudal, porque l'aleta caudal sustituyóse por una estructura redondiada llamada clavus, que-y da la forma carauterística. El cuerpu ta aplastáu pelos llaos, lo que-y da una forma llarga y ovalada vista de frente. Les aletes pectorales son pequeñes y tienen forma d'abanicu; por embargu, les aletes dorsal y anal son más llargues y, cuando les despliega, ye tan llargu cómo altu.
Aletes
editar
Nel trescursu de la so evolución, la aleta caudal (o cola) desapaeció y sustituyóse por una seudocola en forma d'abanicu, el clavus. Esta estructura ta formada pola converxencia de les aletes dorsal y anal.[15][16] El clavus, que tien dentículos llisos, conserva doce radios,[17] y acaba nuna serie de osículos redondiaos.[17][3] Les aletes branquiales son redondiaes, en forma d'abanicu y pequeñes enforma pal tamañu d'estos pexes.
Pola mor de la falta d'una cola auténtica pa impulsase p'alantre y del pequeñu tamañu de les aletes pectorales, la rueda utiliza les sos aletes dorsal y anal llargues y delgaes pa movese, puxando hacia alantre col movimientu d'estes aletes d'un llau al otru.[18] Suel nadar cerca de la superficie, y cuando asoma la so aleta dorsal, confúndese de vezu cola d'un tiburón.[19]
Piel
editar
El color de los exemplares adultos va del marrón al gris plata o blancu y ta cubiertu de manches irregulares de color claru; dalgunos de esti patrones pueden ser específicos d'una rexón.[4] La color suel ser más escura na parte dorsal, tendiendo escontra una tonalidá más clara na parte ventral, lo que-y sirve como una forma de camuflaxe. M. mola tamién tien la capacidá de camudar la color de la piel d'una tonalidá clara a una escura, especialmente cuando lu ataquen.[4] La piel, que contién grandes cantidaes de coláxenu reticular, puede tener 7,6 cm de grueso na parte ventral, y ta cubierta de dentículos y una capa de mucosidá en llugar d'escames. La piel del clavus ye más llisa que'l restu del cuerpu, onde pue ser tan aspera como'l papel de lija
Referencies
editar- ↑ Jing, L., Zapfe, G., Shao, K.-T., Leis, J. L., Matsuura, K., Hardy, G., Liu, M., Robertson, R. & Tyler, J. (2015). «Mola mola» (inglés). Llista Roxa d'especies amenazaes de la UICN 2015.4. Consultáu'l 28 de payares de 2015.
- ↑ «Diccionariu de la Llingua Asturiana» (asturianu) (15 avientu 2000). Consultáu'l 14 marzu 2024.
- ↑ 3,0 3,1 Grijalba-Bendeck, M.; Franco-Herrera, A.; Jauregui, A.; Tigreros, P. (2004).
- ↑ 4,0 4,1 4,2 Thys, Tierney.
- ↑ «River tracing, biking and desserts add to the flavor of Hualien» (inglés). Council for Cultural Affairs - Taiwan (4 de xunu de 2008). Consultáu'l 4 de payares de 2009.
- ↑ «Directiva 91/493/CEE del Consejo». Diario Oficial de la Unión Europea (22 de xunetu de 1991). Consultáu'l 4 de payares de 2009. «Artículo 5. Queda prohibida la puesta en el mercado de los siguientes productos pesqueros: - peces venenosos de las familias siguientes: Tetraodóntidos, Mólidos, ...»
- ↑ Dicionario da Real Academia Galega; Real Academia Galega. Consulta on-line
- ↑ Infopédia. Dicionários Porto Editora; Porto Editora 2003-2021. Páxina del diccionariu on-line
- ↑ Error de cita: La etiqueta
<ref>nun ye válida; nun se conseñó testu pa les referencies nomaestaiwan - ↑ Bailly, N. (2009).
- ↑ Especies de "Mola".
- ↑ Parenti, Paolo (setiembre de 2003).
- ↑ Bass, L. Anna; Heidi Dewar, Tierney Thys, J. Todd.
- ↑ Tierney Thys.
- ↑ «Strange tail of the sunfish» (inglés). The Natural History Museum (20 de febreru de 2006). Consultáu'l 7 de payares de 2009.
- ↑ G. David Johnson, Ralf Britz (ochobre 2005). «Leis' Conundrum: Homology of the Clavus of the Ocean Sunfishes. 2. Ontogeny of the Median Fins and Axial Skeleton of Ranzania laevis (Teleostei, Tetraodontiformes, Molidae)» (n'inglés). Journal of Morphology 266 (1): páxs. 11–21. doi:. «Así concluimos que el clavus de Molidae está inequívocamente formado por elementos modificados de la aleta dorsal y anal y que perdieron la aleta caudal.».
- ↑ 17,0 17,1 Mark McGrouther (7 de setiembre de 2009). «Ocean Sunfish, Mola mola (Linnaeus, 1758)» (inglés). Australian Museum Online. Archiváu dende l'orixinal, el 2009-10-28. Consultáu'l 7 de payares de 2009.
- ↑ «Online Field Guide - Ocean sunfish» (inglés). Monterey Bay Aquarium. Archiváu dende l'orixinal, el 2007-10-15. Consultáu'l 7 de payares de 2009.
- ↑ «Mola (Sunfish)» (inglés). National Geographic. Consultáu'l 7 de payares de 2009.
Bibliografía
editar- El léxico de la fauna marina en los puertos pesqueros de Asturias Central, Emilio Barriuso, Uviéu 1986. IDEA.
- DP Cartamil, CG Lowe (2004). DP Cartamil, CG Lowe (2004). «Diel movement patterns of ocean sunfish Mola mola off southern California» (n'inglés). Marine Ecology Progress 266: páxs. 245-253. http://www.int-res.com/articles/meps2004/266/m266p245.pdf.
- IK Fergusson, LJV Compagno y MA Marks (2000). IK Fergusson, LJV Compagno y MA Marks (2000). «Predation by White Sharks Carcharodon carcharias (Chondrichthyes: Lamnidae) Upon Chelonians, with New Records from the Mediterranean Sea and a First Record of the Ocean Sunfish Mola mola (Osteichthyes: Molidae) as Stomach Contents» (n'inglés). Environmental Biology of Fishes (Springer Netherlands) 58 (4): páxs. 447-453. doi:.
- DW Sims, EJ Southall (2002). DW Sims, EJ Southall (2002). «Occurrence of ocean sunfish, Mola mola near fronts in the western English Channel» (n'inglés). Journal of the Marine Biological Association of the UK (Cambridge University Press) 82 (5): páxs. 927-928. doi:.
- WK Gregory y HC Raven (1934). WK Gregory y HC Raven (1934). «Notes on the Anatomy and Relationships of the Ocean Sunfish (Mola mola)» (n'inglés). Copeia (American Society of Ichthyologists and Herpetologists) 1934 (4): páxs. 145-151.
- Macías D., M. J. Gómez-Vives y J. M. de la Serna (2004). Macías D., M. J. Gómez-Vives y J. M. de la Serna (2004). «Desembarcos de especies asociadas a la pesquería de palangre de superficie dirigido al pez espada (Xiphias gladius) en el Mediterráneo durante 2001 y 2002». Collection ICCAT Scientific Papers 56 (3): páxs. 981-986. Archivado del original el 2010-12-13. https://web.archive.org/web/20101213132819/http://www.iccat.int/Documents/CVSP/CV056_2004/no_3/CV056030981.pdf. Consultáu'l 2015-11-13.
