Santa María d'Oubona
El monesteriu de Santa María la Real d'Oubona, ye un templu benedictín allugáu nel pueblu d'Oubona, nel conceyu de Tinéu, n'Asturies. Foi declaráu Monumentu Nacional nel añu 1982.
| Santa María d'Oubona | |
|---|---|
| Bien d'Interés Cultural | |
monasterio cisterciense (es)  y monumentu | |
 | |
| Llocalización | |
| País |  España |
| Autonomía |  Principáu d'Asturies |
| Provincia | provincia d'Asturies |
| Conceyu |  Tinéu |
| Coordenaes | 43°20′25″N 6°28′47″W / 43.34017°N 6.47967°O |
  Santa María d'Oubona Santa María d'Oubona (Asturies) | |
| Arquiteutura | |
| Estilu | arquiteutura románica |
| Patrimoniu | |
| BIC | RI-51-0004645[1] |
 | |
L'antiguu templu que taba asitiáu nel llugar qu'ocupa'l monesteriu d'anguaño créese que foi aniciáu pol príncipe Adelgaster, fíu bastardu del Rei d'Asturies Silu y la so muyer Brunilde el 17 de xineru de 780.
La so construcción entama nel sieglu XIII, siendo construyía nel estilu románicu, respetando los parámetros del Císter. La esistencia d'una comuña monacal tien el so entamu cimeru nel sieglu XI, fechu reflexáu en documentos qu'indiquen el so pasu a la dependencia del monesteriu de Courias neses feches. El monesteriu yera un centru de gran poder económicu y cultural. Los monxos desendolcaron les teuniques agrícoles y ganaderes. Nes sos clases impartíense lleiciones de llatín, filosofía y teoloxía.
La ilesia ye grande siendo la so ornamentación sobria. Tien trés naves, la central, más alta sofitada en columnes y trés absides circulares. Abellúgase dientro un Cristu románicu del sieglu XII. El claustru ye postreru, d'estilu barrocu.
El claustru y les habitaciones de los monxos son güei ruines, del sieglu XVIII, anque nun lleganon a acabase. Equí alcuéntrase la referencia más antiga alrodiu la sidra d'Asturies[2].
El monesteriu algamó bien d'importancia na ruta Xacobea interior. Nesa dómina, los pelegrinos yeren aidaos ya auxiliaos polos monxos nel so camín cabu Santiagu de Compostela. Hai documentos nos que'l rei de Llión Alfonsu IX, que-y dio la Carta Puebla a Tinéu nel 1214 amenazaba a tolos que torgaren el camín de los pelegrinos per esti llugar.
Referencies
editar- ↑ «base de datos de monumentos de Wiki Loves Monuments» (13 payares 2017).
- ↑ Nun documentu de la dómina indícase que los siervos del monesteriu deberíen recibir sicere si potest ese, sidra si fuera posible
Enllaces esternos
editar
Datos: Q6898375
Multimedia: Santa María la Real de Obona
