Montague Banks (15 de xunetu de 1897Cesena – 7 de xineru de 1950Arona (es) Traducir), más conocíu como Monty Banks, foi un actor, direutor de cine, actor de cine, guionista y productor de cine d'Italia, Estaos Xuníos y Reinu d'Italia. Tuvo activu en Hollywood y nel Reinu Xuníu principalmente na dómina del cine mudu. Tamién conocíu como Montague Banks, Mario Bianchi, o William Montague, tenía doble ciudadanía, estauxunidense-italiana.

Monty Banks
Vida
Nacimientu Cesena15 de xunetu de 1897[1]
Nacionalidá Bandera de Estaos Xuníos d'América Estaos Xuníos
Bandera d'Italia Reinu d'Italia  (15 xunetu 1897 -  18 xunu 1946)
Bandera d'Italia Italia  (18 xunu 1946 -  7 xineru 1950)
Llingua materna inglés
Muerte Arona (es) Traducir7 de xineru de 1950[2] (52 años)
Causa de la muerte infartu de miocardiu
Familia
Casáu con Gracie Fields ( – 1950)
Estudios
Llingües falaes italianu
inglés
Oficiu actor, direutor de cine, actor de cine, guionistaproductor de cine
IMDb nm0052217
Cambiar los datos en Wikidata

Biografía editar

El so verdaderu nome yera Mario Bianchi, y nació en Cesena, Italia, nel senu d'una familia humilde. Los sos padres, Leopoldo Bianchi y Giacinta Pieri, trabayaren nuna posada y nun negociu de verdulería. En 1914, Bianchi emigró a los Estaos Xuníos, onde empecipió la so carrera artística como baillarín. Descubiertu pol productor Mack Sennett, empezó a trabayar como actor cómicu, debutando en 1916 con Cold Hearts and Hot Flames, un curtiu de John G. Blystone. En 1918 trabayaba en Hollywood cola compañía de Roscoe Arbuckle, participando en más de 35 curtios cómicos rodaos a principios de los años 1920,[3] y dempués en llargumetraxes d'aición y humor como Play Safe (1927). Dedicáu tamién a la producción, en 1922 dirixía una compañía propia, Monty Banks Productions Inc., que rodó Six A.M., de Ben F. Wilson[4].

Darréu dirixó ya interpretó numberoses cintes, ente elles Racing Luck (1924) y Keep Smiling (1925), amás d'escribir guiones de delles producciones. Una d'elles, Play Safe, qu'interpretó so la direición de Joseph Henabery en 1927, dio-y la fama como autor.

Cola llegada del cine sonoru, el fuerte acentu italianu de Banks obligó-y a abandonar progresivamente la so carrera d'actor pa dedicase a trabayar como guionista y direutor. Asina, foi direutor de Stan Laurel y Oliver Hardy nel filme Great Guns, utilizando'l nome artísticu de "Montague Banks". En 1929 viaxó al Reinu Xuníu, onde trabayó como actor y direutor, rodando Adam's Apple (1928), Atlantic (1929), el so mayor ésitu como actor, The Compulsory Husband (1930), The Wife's Family (1932) y You Made Me Love You (1934). La so última actuación tuvo llugar en 1945 en A Bell for Adano, de Henry King.

Banks tuvo casáu cola actriz Gladys Frazin. El matrimoniu nun foi feliz, y ellos divorciáronse'l 29 d'abril de 1932.[5] Ella suicidóse en marzu de 1939. En 1935 Banks conoció a la cantante y actriz Gracie Fields, cola que se casó en marzu de 1940, y qu'actuó en delles de les películes empobinaes por él.[6] Como italianu, sería consideráu un 'estranxeru enemigu' nel Reinu Xuníu mientres la Segunda Guerra Mundial. Por ello, él y Fields dexaron el país pa dir a Canadá y dempués a Estaos Xuníos, naquel momentu un país neutral, evitando asina'l so internamientu.[7] L'Internamientu de los Italianos tamién tuvo llugar n'Estaos Xuníos en 1941 y 1942, viéndose afeutaos miles d'italianos, pero la midida finalmente foise relaxando.

Monty Banks caltuvo la doble ciudadanía, estauxunidense ya italiana. Finó nun tren nes cercaníes d'Arona, Italia, por causa de un infartu agudu de miocardiu. Tenía 52 años d'edá.[8] Foi soterráu na Ilesia de Santu Stefano, en Boloña.

Filmografía editar

Actor editar

Direutor editar

Productor editar

Guionista editar

Referencies editar

  1. Afirmao en: Find a Grave. Identificador Find a Grave: 12451633. Apaez como: Monty Banks. Data de consulta: 9 ochobre 2017. Llingua de la obra o nome: inglés.
  2. Biblioteca Nacional de Francia. «autoridaes BNF» (francés). Consultáu'l 10 ochobre 2015.
  3. Robert S. Birchard. CreateSpace: Monty Banks: A Filmography 1920-1924. ISBN 978-1511695817.
  4. Vedi
  5. Westhollywoodusa.com
  6. Gracie Fields. Frederick Muller Limited: Sing As We Go. ISBN 978-1245763554.
  7. «Our Gracie». Time. 1 de setiembre de 1947. http://www.time.com/time/magazine/article/0,9171,887621,00.html. Consultáu'l 16 d'avientu de 2008. 
  8. «Monty Banks, 52, Screen Direutor» (PDF). The New York Times:  p. 20. 9 de xineru de 1950. http://select.nytimes.com/gst/abstract.html?res=F70C15FA3D5C147B93CBA9178AD85F448585F9. Consultáu'l 16 d'avientu de 2008. 

Enllaces esternos editar